عنفوان شباب

عنفوان شباب یا نوجوانی کا عالم یا سن بلوغ جسمانی اور نفسیاتی نشو و نما کا ایک عبوری مرحلہ ہوتا ہے جو عام طور پر بلوغت سے لے کر قانونی طور پر بالغ ہونے تک (عمر بلوغ ) کے دوران ہوتا ہے۔ ^{[1] [2]} عنفوان شباب کی مدت نوعمری کے سالوں سے محیط ہوتی ہے ، ^[3] لیکن اس کے جسمانی، نفسیاتی یا ثقافتی اظہار پہلے شروع اور بعد میں ختم ہو سکتا ہے ۔ بلوغت اب عام طور پر عنفوان شباب کے دوران شروع ہوتی ہے، خاص طور پر لڑکیوں میں۔ ^{[4] [5]} جسمانی نشو و نما (خاص طور پر مردوں میں) اور علمی نشو و نما بیس کی دہائی کے اوائل تک دراز ہو سکتی ہے۔ اس طرح ہم دیکھتے ہیں کہ قطعی طور پر عنفوان شباب کو سالوں کے ضمن میں بیان کرنا آسا ن نہیں ہے۔ ^{[6] [7] [8]}

== نوعمروں میں مثبت تبدیلیوں کو فروغ دینا ==اگر یہ کہا جائے تو بے جا نہ ہوگا کہ عنفوان شباب کے دور سے ہی صحیح معاشرتی تعلقات اور معاشرہ گیری کے جذبات بچوں میں پروان چڑھتے ہیں جن کی وجہ سے ان میں اپنی ذات و صفات کو زیادہ سے زیادہ نمایاں کرنے کے جذبے پیدا ہوتے ہیں تاکہ لوگ ان سے متاثر ہوں۔ وہ اپنے کام بڑی حد تک خود کرتے ہیں ان میں آموزشی صلاحیتیں بہت زیادہ پیدا ہوتی ہیں اس لیے اساتذہ کے لیے ضروری ہوجاتا ہے کہ وہ تعلیمی عمل میں نہ صرف ان کی عزتِ نفس مجروح ہونے سے بچائیں بلکہ انھیں آزادانہ تعلیمی ماحول فراہم کرکے ان کی آزادی کی خواہش کو صحیح خطوط پر ڈھالیں۔ عنفوان شباب میں بچوں کی موثر رہنمائی اور مناسب تعلیم و تربیت نہ صرف ان کی موثر نشو و نما کی ضامن ہو سکتی ہے بلکہ انھیں معاشرتی مطابقت کے لیے بھی عملاً تیار کر سکتی ہیں۔