مکڑی

مکڑی یا ہشت پا ایک شکارخورغیر فقاری جانورہے۔ جس کا جسم دو قطعات پر مبنی ہوتاہے۔ آٹھ ٹانگیں، بغیر جبڑے کا منہ اور بغیر پر۔ اس کے مطالعہ کو عنکبوتیات کہا جاتاہے۔ دنیا بھر میں اس کی بے شمار قسمیں پائی جاتی ہیں۔ دنیا بھر میں پائی جانے والی مکڑیاں جگہ اور موسم کے اعتبار سے مختلف رنگ و جسامت کی حامل ہوتی ہیں۔ تمام مکڑیوں میں جالا بنانے کی صلاحیت قدرتی طور پر موجود ہوتی ہے۔ یہ جالا ریشمی لحمیات پر مشتمل ہوتا ہے۔ زیادہ تر مکڑیاں اس جالے کو شکاری ہتھیارکے طور پر استعمال کرکے اپنی خوراک حاصل کرتی ہیں۔ مکٹریوں کی کچھ اقسام بے ضرر ہوتی ہیں جبکہ کچھ انتہائی زہریلی بھی ہوتی ہیں۔
ان کی خوراک زیادہ تر چھوٹے کیڑے مکوڑے جیسے چیونٹی، مکھی وغیرہ ہوتی ہے۔

مکڑی بطورغذا

مکڑی کی بہت سی اقسام دنیا کے مختلف حصوں میں بطور انسانی غذا بھی کام آتی ہیں۔ کمبوڈیا میں تلی ہوئی مکڑیاں مرغوب غذا ہیں۔ اس کے علاوہ تھائی لینڈ اور جنوبی امریکا کے کچھ حصوں میں ایسے مقامی قبائل موجود ہیں جو مکڑی کو بطور غذا استعمال کرتے ہیں۔