Dima Bilan

Dima Bilan

Bilan 2021-yilda
Umumiy maʼlumot
Tavalludi Viktor Nikolayevich Belan
24-dekabr, 1981-yil
Karachay-Cherkessiya, Sovet Ittifoqi (hozirda Rossiya)
Janrlar R&B, Pop
Fuqaroligi SSSR bayrogʻi SSSR Rossiya bayrogʻi Rossiya
Amplua Qoʻshiqchi
Veb-sayt www.bilandima.ru (rus.)

Dima Bilan (ruscha: Дима Билан; tugʻilgan paytidagi ismi Viktor Belan, ruscha: Виктор Белан, 24-dekabr 1981-yil, Karachay-Cherkessiya) – rossiyalik pop artist. Eurovision 2006 tanlovida Never Let You Go qoʻshigʻi bilan Rossiyani taqdim etgan va ikkinchi oʻrinni egallagan. 2008-yilda Dima Bilan takroran Rossiyadan Eurovisionga Believe qoʻshigʻi bilan vakil boʻlib borgan va bu safar birinchi oʻringa sazovor boʻlgan[1][2][3].

Hayoti

Dastlabki yillar

1981-yil 24-dekabrda Ust-Jeguta (Qorachay-Cherkes Respublikasi) shahrida tugʻilgan. Bir yil oʻtgach, oila Naberejnye Chelniga, yana 5 yildan soʻng – Mayskiy shahriga (Kabardino-Balkar Respublikasi) koʻchib oʻtgan, u yerda Viktor Belan 9-sinfgacha oʻqigan va oʻrta maʼlumotni 1-sonli maktabda tugatgan. Beshinchi sinfda u musiqa maktabiga oʻqishga kirgan va u yerda akkordeon sinfini tugatgan. Turli musiqa tanlovlari va festivallarida qatnashgan. „Molodie golosa Kavkaza“ tanlovida birinchi oʻrinni egallagan. Xonanda oʻzi uchun Dima ismini tanlagan, chunki Dmitriy Bilanning bobosining ismi boʻlgan, qoʻshiqchi uni juda yaxshi koʻrgan. Bolaligidan qoʻshiqchi uni Dima deb atashlarini xohlagan.

Dima Bilan 1998-yilda Moskvaga bolalar ijodiyoti va Yuriy Entin hamda David Tuxmanovning birgalikdagi ishining 30 yilligiga bagʻishlangan festivalida ishtirok etish uchun kelgan. Viktor Belan Jozef Kobzondan diplom olgan.

Qoʻshiqchi 2000—2003-yillarda Gnessin nomidagi davlat musiqa kollejida tahsil olgan. Mutaxassisligi: akademik vokal yoki klassik qoʻshiqchilik.

Bilan Eurovision qoʻshiq tanlovi 2008da

Diskografiyasi

Albomlari

  • Nochnoy Xuligan (Nochnoy xuligan) – 2003
  • Na Beregu neba (Na beregu neba) – 2004
  • Vremya-reka (Vremya-reka) – 2006
  • Protiv pravil (Protiv pravil) -2008

Singllari

  • Ya tebya pomnyu (Ya tebya pomnyu) – 2005
  • Eto bila lyubov (Eto bila lyubov) – 2006
  • Not That Simple – 2005
  • Ti doljna ryadom bit (Ti doljna ryadom bit) – 2005
  • Never Let You Go – 2006

Manbalar

  1. ↑ Rasmiy veb-sayt
  2. ↑ Dima Bilanning xalqaro klubi (rasmiy), 2008-04-03da asl nusxadan arxivlandi, qaraldi: 2008-05-25
  3. ↑ Dima Bilan muhlislarining uyushmasi