Jean-Pierre Papin

Jean-Pierre Papin (fransuzcha: Jean-Pierre Papin) — fransuz futbolchisi va futbol murabbiyi. 1963-yil 5-noyabr Bulon-syur-Mer shahrida tugʻilgan.

Klubdagi faoliyati

U „Jemon“ klubida futbol oʻynay boshladi. Jamoada sakkiz yil oʻtkazgandan soʻng,Papin „Tri-Sent-Leje“ jamoasining oʻyinchisiga aylandi. Bir yil oʻtgach, u „Valencien“ klubi akademiyasiga kirdi.1980-yilda u asosiy jamoa uchun oʻyinlarda ishtirok eta boshladi. Shunga qaramay u 1980/81-yilgi mavsumda atigi bitta oʻyin oʻtkazdi va jamoani tark etib, „Vishi“ jamoasining oʻyinchisiga aylandi. Uch yildan soʻng u „Valencien“ga qaytdi va birinchi mavsumdayoq jamoaning eng yaxshi toʻpurarlaridan biriga aylandi. Keyingi mavsumda u Belgiyaning „Bryugge“ klubiga oʻtdi. Jamoadagi yagona mavsumida u Belgiya kubogini qoʻlga kiritdi.

„Oltin toʻp“ sovrindori (1991). Ketma-ket 5 yil (1988-1992) Fransiya chempionatining eng yaxshi toʻpurari boʻldi. Klublardagi faoliyati davomida 529 ta oʻyinda 256 ta gol urgan.

Terma jamoadagi faoliyati

Papin Fransiya yoshlar terma jamoasi safida 5 ta oʻyin oʻtkazib 2 gol muallifi boʻlgan. Papin Fransiya milliy terma jamoasi safida 54 ta oʻyin oʻtkazib,30 ta gol urgan.1986-yilgi jahon chempionati va 1992-yilgi Yevropa chempionati ishtirokchisi (bronza medali sovrindori).U xalqaro faoliyatini 1995-yilda yakunlagan.1999-yil 30-mayda Fransiya terma jamoasidan Papinning rasmiy xayrlashuv uchrashuvi ikki oʻyin shaklida boʻlib oʻtdi. Birinchidan „Marsel“ning oʻtmishdagi klub yulduzlariga qarshi hozirgi tarkibi (yulduzlarning 2:0 hisobdagi gʻalabasi) va Fransiya terma jamoasi Papinning doʻstlari jamoasiga qarshi (2:2 durang)[1].

Yutuqlari

Jamoaviy

"Bryugge"

  • Belgiya kubogi sohibi — 1986

„Olimpik Marsel“

  • Fransiya chempioni — 1989, 1990,1991,1992
  • Fransiya kubogi sohibi — 1989

„Milan“

„Bavariya“

Fransiya terma jamoasi

  • 1986-yilgi jahon chempionatining bronza medali sovrindori

Shaxsiy yutuqlar

  • „Oltin to'p“ sohibi (France Football) — 1991
  • Fransiyada yilning eng yaxshi futbolchisi — 1989,1991
  • Onze Mondial talqini bo'yicha Yevropaning eng yaxshi futbolchisi — 1991
  • Fransiyaning Onze Mondial jurnali talqiniga ko'ra Yevropadagi eng yaxshi uchinchi futbolchi — 1989,1990, 1992
  • Fransiya chempionatining eng yaxshi to'purari — 1988 (19 gol),1989 (22 gol),1990 (30 gol),1991 (23 gol) va 1992 (27 gol)
  • Yevropa kubogi toʻpurari — 1990 (6 gol),1991 (6 gol) va 1992 (7 gol)
  • Fransiya kubogining eng yaxshi toʻpurari — 1989 (11 gol), 1991 (7 gol), 1992 (4 gol)
  • Golden Foot — 2013 („Futbol afsonalari“ nominatsiyasida)
  • FIFA 100 roʻyxatiga kiritilgan
  • Xalqaro oʻyinlarda dunyoning eng yaxshi toʻpurari uchun IFFHS mukofoti sovrindori — 1991[2]
  • Yevropa musobaqalaridagi eng yaxshi fransuz toʻpurarlaridan biri-Yevrokubok musobaqalarda 56 ta oʻyinda 38 ta gol (1985-1997). Keyinroq rekordni Tyerri Anri yangiladi (1995-yildan beri 138 ta oʻyinda 59 ta gol), biroq Papin har bir oʻyinda oʻrtacha 0,68 ta gol urgan, Anri esa oʻrtacha 0,43 tadan gol urgan.

Manbalar

  1. ↑ „Сборная Франции потренировалась на гостях Папена“. 2020-yil 19-fevralda asl nusxadan arxivlangan. Qaraldi: 2020-yil 19-fevral.
  2. ↑ „IFFHS — The World’s best top goal scorer“. 2018-yil 15-iyunda asl nusxadan arxivlangan. Qaraldi: 2015-yil 9-yanvar.