Kameyama (Mie)

Kameyama

亀山市
Shahar
Skyline of Kameyama
Kameyama
Bayroq
Kameyama
Gerb
34°51′20.5″N 136°27′5.8″E / 34.855694°N 136.451611°E / 34.855694; 136.451611
Mamlakat Yaponiya
Viloyat Kansai
Prefektura Mie
Hukumat
 • Mayor Yoshiyuki Sakurai (since February 2009)
Maydon 190.91 km2 (73.71 kv mi)
Rasmiy til(lar)i yapon
Aholisi
 (2021-yil)
 49 457 kishi
Zichligi 190 kishi/km2
Vaqt mintaqasi UTC+9
Telefon kodi 0595-82-1111
Kameyama xaritada
Kameyama
Kameyama

Kameyama (yaponcha: 亀山市 Kameyama-shi?) Yaponiyaning Mie prefekturasida joylashgan shahardir. 2021-yil 1-avgust holatiga ko‘ra, shaharda 21,745 ta xonadonda 49,457 nafar aholi istiqomat qiladi va aholi zichligi har kvadrat kilometrga 260 nafarni tashkil qiladi[1]. Shaharning umumiy maydoni 190,91 km2 (73,71 sq mi) ga teng.

Geografiyasi

Kameyama Mie prefekturasining shimoliy-markaziy qismida joylashgan. Shaharni shimoli-gʻarbiy qismidan Suzuka togʻlari, janubi-gʻarbiy qismidan esa Nunobiki togʻlari oʻrab turadi. Shahar hududining yarmidan koʻpi oʻrmonlardan iborat.

Qoʻshni munitsipalitetlar

Mie prefekturasi

Shiga prefekturasi

  • Kōka, Shiga

Iqlimi

Kameyama nam subtropik iqlimga ega (Köppen Cfa), yozi issiq va qishi salqin hamda qor yogʻmaydi. Kameyamada oʻrtacha yillik harorat 15.1 °C (59.2 °F) ni tashkil etadi. Yillik oʻrtacha yogʻin miqdori 1,853.7 mm (72.98 in) eng seryogʻin oy sentyabr hisoblanadi. Avgustda eng yuqori harorat 26.7 °C (80.1 °F) atrofida va eng past harorati yanvarda, taxminan 4.3 °C (39.7 °F) boʻladi.

Kameyama (1991−2020) iqlimi
Koʻrsatkich Yan Fev Mart Apr May Iyun Iyul Avg Sen Okt Noy Dek Yil
Mutlaq maksimal, °C 16,9 21,2 25,6 29,9 32,9 35,4 38,3 37,9 35,7 32,7 25,9 21,5 38,3
Oʻrtacha maksimal, °C 8,8 9,6 13,5 19,1 23,5 26,3 30,2 31,7 27,7 22,3 16,8 11,3 20,1
Oʻrtacha harorat, °C 4,3 4,7 8,0 13,2 18,0 21,6 25,6 26,7 23,0 17,4 11,7 6,6 15,1
Oʻrtacha minimal, °C 0,1 0,3 3,0 7,9 12,9 17,6 22,1 22,9 19,2 13,0 6,8 2,2 10,7
Mutlaq minimal, °C −5,8 −6,5 −4,4 −1 3,7 9,6 14,0 14,4 8,1 1,9 −1,7 −5,4 −6,5
Yogʻingarchilik meʼyori, mm 57,3 68,8 120,0 153,4 203,0 255,8 211,2 180,8 284,1 178,8 81,3 59,3 1 853,7
Manba: Japan Meteorological Agency[2][3]

Demografiyasi

Yaponiya aholini roʻyxatga olish maʼlumotlariga koʻra[4], Kameyama aholisi soni soʻnggi 50 yil ichida sekin oʻsgan.

Aholining oʻsishi
YilAholi±%
196039,148—    
197037,817−3.4%
198040,578+7.3%
199045,045+11.0%
200046,606+3.5%
201051,047+9.5%

Tarixi

Kameyama Tokugava syogunati ostidagi Ise-Kameyama domeniga tegishli boʻlgan Kameyama qal’asi sifatida rivojlangan. XVII asrning boshlarida qal’a shaharchasi Kameyama-juku, Tokaidoning qirq oltinchi pochta stansiyasi edi. Tokaidodagi Seki-juku va Sakashita-juku ham uning chegaralariga kiradi. Ilk Meidzi davrida zamonaviy munitsipalitetlar tizimini tashkil etish jarayonida Kamayama-juku Suzuka tumanidagi Kameyama shahri sufatida tashkil etilgan. 1954-yil 1-oktyabrda u shahar maqomiga koʻtarildi.

2005-yil 11-yanvarda Seki shahri (Suzuka tumanidan) Kameyamaga birlashtirildi.

Hukumat

Kameyama toʻgʻridan-toʻgʻri saylanadigan mer hamda 18 aʼzodan iborat bir palatali shahar kengashiga ega boʻlgan mer-kengash boshqaruv shakliga ega. Kameyama Mie prefekturasi assambleyasiga bitta aʼzodan hissa qoʻshadi. Milliy siyosat nuqtai nazaridan, shahar Yaponiya Diet quyi palatasining Mie 2-okrugi tarkibiga kiradi.

Iqtisodiyoti

Shamlar shaharning anʼanaviy mahsuloti hisoblanadi. Sharp korporatsiyasi 2004-yil 8-yanvardan beri shaharda dunyodagi eng yirik LCD zavodlaridan birini boshqarib kelmoqda. 

Taʼlim tizim

Kameyamada shahar hukumati tomonidan boshqariladigan oʻn bitta davlat boshlangʻich taʼlim maktabi va uchta davlat oʻrta taʼlim maktabi hamda Mie prefekturasi taʼlim boshqarmasi tomonidan boshqariladigan bitta davlat oʻrta taʼlim maktabi faoliyat yuritadi. Shuningdek, bitta xususiy litsey ham mavjud.

Transport

Seki-juku (Tokaido)

Temir yoʻl

JR Tokai — Kansai magistral liniyasi

  • Idagava — Kameyama

JR Tokai — Kisei magistral liniyasi

  • Kameyama — Shimonoshō

JR Gʻarb — Kansay magistral liniyasi

  • Kameyama - Seki - Kabuto

Magistral yoʻl

  • E23 Higashi-Meihan ekspress yoʻli
  • E23 Ise tekor yoʻli
  • E1A Shin-Meishin tezkor yoʻli
  • Milliy yoʻnalish 1
  • Milliy yoʻnalish 25
  • Milliy yoʻnalish 306

Mahalliy diqqatga sazovor joylar

  • Kameyama qal’asi
  • Seki-juku

Xalqaro munosabatlar

Qardosh shaharlar — qardosh shaharlar

Kameyama bilan birodarlashgan shaharlar :

  • Yaponiya Gose, Nara, Yaponiya (1998)
  • Yaponiya Habikino, Osaka, Yaponiya (1998)

Taniqli odamlar

  • Shiro Hattori — tilshunos
  • Teinosuke Kinugasa — kinorejissyor
  • Kiyoshi Toyoda — beysbolchi

Manbalar

  1. ↑ „Kameyama city official statistics“ (ja).
  2. ↑ „ja:観測史上1～10位の値（年間を通じての値）“. JMA. Qaraldi: 2022-yil 11-aprel.
  3. ↑ „ja:気象庁 / 平年値（年・月ごとの値）“. JMA. Qaraldi: 2022-yil 11-aprel.
  4. ↑ Kameyama population statistics

Havolalar