Kasper Schmeichel

Kasper Schmeichel
Shaxsiy maʼlumot
Toʻliq ismi Kasper Peter Schmeichel[1]
Tavallud sanasi 5-noyabr 1986-yil (1986-11-05) (38 yosh)[2]
Tavallud joyi Kopengagen, Daniya
Boʻyi 1.89 m[3]
Ampluasi Darvozabon
Klub maʼlumoti
Joriy klub
 Celtic
Raqami 1
Yoshligida aʼzo boʻlgan klublar
2000—2001 Estoril[4]
2001—2002 Oure[5]
2002—2006 Manchester City
Professional faoliyati*
Yillar Jamoa Isht. (Gol.)
2006—2009 Manchester City 8 (0)
2006 → Darlington (ijara) 4 (0)
2006 → Bury (ijara) 29 (0)
2007 → Falkirk (ijara) 15 (0)
2007—2008 → Cardiff City (ijara) 14 (0)
2008 → Coventry City (ijara) 9 (0)
2009—2010 Notts County 43 (0)
2010—2011 Leeds United 37 (0)
2011—2022 Leicester City 414 (0)
2022—2023 Nice 36 (0)
2023—2024 Anderlecht 31 (0)
2024— Celtic 18 (0)
Milliy terma jamoa
2004—2005 Daniya U19 8 (0)
2006 Daniya U20 1 (0)
2007—2008 Daniya U21 17 (0)
2013— Daniya 111 (0)
*Professional klublardagi gollari (ichki chempionat)
(29-dekabr uchun)

Kasper Peter Schmeichel — daniyalik professionalik futbolchi. Shotlandiya chempionatining Celtic jamoasi va Daniya milliy futbol terma jamoasi darvozaboni sifatida faoliyat olib boradi.

Schmeichel o‘z futbolchilik faoliyatini Manchester City klubida boshlagan, lekin asosiy jamoadagi debyutidan oldin Darlington, Bury va Falkirk kabi jamoalarda ijara asosida o‘ynagan. Schmeichel 2007–2008-yilgi mavsumda Cityning asosiy darvozaboni bo‘lish imkoniyatiga ega bo'lgan bo‘lsa-da, Joe Hartning jamoada paydo bo‘lishi uning Cardiff City jamoasiga ijara asosida yuborilishiga olib kelgan. 2009-yilda Irlandiya terma jamoasi darvozaboni Shay Givenning Cityga o'tishi natijasida Schmeichel Cityda rotatsiyada yana pastroq o‘ringa tushib qolgan. Natijada sobiq murabbiyi Sven-Göran Eriksson boshqarayotgan Notts County klubiga o'tgan. U faqatgina bir mavsum davomida jamoada faoliyat olib borgan va shundan so'ng o‘zaro kelishuv asosida futbolcihi va klub o'rtasidagi shartnoma bekor qilindi.

Schmeichel 2010-yilda Leeds United bilan shartnoma imzolagan bo'lishiga qaramay jamoada 1 yilgini faoliyat olib borgan. Shundan so'ng u Leicester Cityga transfer qilingan. Schmeichel Leicester safida 11 yil davomida 479 ta rasmiy uchrashuvda ishtirok etgan va klub tarixidagi eng muvaffaqiyatli davrda o‘ynagan. U Leicester safida 2014-yilda Championship, 2016-yilda Angliya Premyer-ligasi, 2021-yilda esa Angliya kubogi va Angliya superkubogi musobaqalarida g‘olib bo‘lgan. Anderlecht va Nice klublaridagi faoliyatidan so‘ng Schmeichel 2024-yil iyul oyida Shotlandiyaning Celtic klubiga borib qo‘shilgan.

U 2011-yilda ilk marotaba Daniya milliy jamoasiga chaqirilgan va UEFA Yevro 2012 musobaqasida ishtirok etgan, ammo 2013-yilgacha milliy jamoada debyut qilmagan. Shundan so'ng u 110 dan ortiq xalqaro o‘yinlarda qatnashgan. FIFA Jahon chempionati 2018, UEFA Yevro 2020, FIFA Jahon chempionati 2022 va UEFA Yevro 2024 turnirlarida o‘z mamlakati sharafini himoya qilgan.

Klublardagi faoliyati

Manchester City

Schmeichel 2006-yil Bury safida

Schmeichel 2002-yil sentabr oyida Manchester City klubi bilan uzoq muddatli shartnoma imzolagan[6]. U 2006-yil yanvar oyida Darlington jamoasiga ijaraga yuborilgan va 14-yanvar kuni Darlington Arenada Peterborough United jamoasiga qarshi ilk professional uchrashuvini o'tkazgan[7]. Uchrashuvda Peterborough hujumchisi James Quinn Schmeichel darvozasiga 1 ta gol urishga muvaffaq bo'lgan, lekin baribir uchrashuvda Darlington g'alaba qozongan[8]. Uch kun o‘tib, Kasper Grimsby Townga qarshi uchrashuvda jamoa safidagi ilk quruq o'yinini o'tkazgan. U Manchester Cityga qaytishidan oldin yana ikki marta maydonga tushgan. Manchester Cityga qaytganidan bir oy o‘tib, u yana ijaraga yuborilgan. Bu safar 2006-yil fevral oyida Bury klubiga[9]. U yerda uch oy davomida 15 ta o‘yinda qatnashgan. Keyingi mavsumda ham yana uch oyga Buryga qaytgan[10].

Schmeichel 2007-yil yanvar oyidan 2006–2007-yilgi mavsum oxirigacha Shotlandiya Premyer-ligasining Falkirk jamoasiga ijaraga yuborilgan[11]. U 2007-yil 18-fevralda Rangersga qarshi o‘yinda uchrashuvning eng yaxshi o‘yinchi deb topilgan[12]. 2007-yil 18-martda Celticga qarshi 1–0 hisobida g‘alaba qozonilgan o‘yinda Craig Beattiening penaltisini qaytargan. May oyida u Falkirkdagi ijarasi uzaytirilishini xohlaganini aytib o‘tgan va hattoki klub uni sotib olishga qiziqish bildirgan[13][14].

Schmeichel 2007-yil Manchester City safida

Schmeichel 2007-yil avgust oyida Manchester City safida West Ham Unitedga qarshi uchrashuvda o'z debyutini amalga oshirgan[15]. 2007-yil 19-avgustda Cityning raqibi va o‘zi bolalikda muxlislik qilgan jamoasi Manchester Unitedga qarshi o‘yinda o‘z darvozasi daxlsizligini saqlab qolgan va City 1-0 hisobida g‘alaba qozongan[16]. 25-avgust kuni Emirates Stadiumda Arsenalga qarshi o‘yinda Robin van Persiening penaltisini qaytargan, ammo City Arsenalga 1-0 hisobida yutqazgan. Schmeichel o‘sha o‘yinda uchrashuvning eng yaxshi o‘yinchi deb topilgan. U 2007–2008-yilgi mavsumda Manchester Cityning dastlabki yetti o‘yinida maydonga tushgan va Manchester United, West Ham, Aston Villa va Derby Countyga qarshi quruq o‘yinlar o‘tkazishga muvaffaq bo'lgan. Ushbu ushrashuvlarda u jami beshta gol o‘tkazib yuborgan xolos[17].

U 2007-yil sentabr oyida Manchester City bilan to‘rt yillik yangi shartnoma imzolagan[18]. Keyin 2007-yil 25-oktabrda Championshipning Cardiff City jamoasiga bir oylik ijara asosida o'tgan[19]. U Cardiff safidagi debyutini 2007-yil 27-oktabrda Scunthorpe Unitedga qarshi 1-1 hisobidagi durang o‘yinda o‘tkazgan[20]. U 2007-yilda Daniya U21ning eng yaxshi futbolchisi deb topilgan[21]. Ijara muddati yakuniga yaqinlashganda Schmeichel Cardiffda uzoqroq qolish istagini bildirgan va 22-noyabr kuni uning ijarasi yangi yilgacha uzaytirilgan. Murabbiy Sven-Göran Eriksson agar Manchester Cityda jarohatlar bo‘lmasa, uni mavsum oxirigacha klubda qoldirishi mumkinligini aytgan[22][23]. Eriksson 31-dekabr kuni Cardiff bilan muzokaralar olib borgan va Schmeichel 2-yanvargacha klubda qolishiga ruxsat berilgan[24][25]. Schmeichel Cardiffda yana o‘ynashni xohlashini bildirgan, ammo u ijara muddati tugaganidan keyin Cityga qaytgan[26].

Shundan so'ng u 13-mart kuni mavsum oxirigacha Coventry Cityga ijaraga o‘tgan[27]. Mavsum oxirida uning otasi Peter Schmeichel televizion intervyu davomida o‘g‘lining Manchester Cityda baxtsizligini va mavsum oxirida klubni tark etishini aytgan[28]. Ketishni xohlashiga qaramay, Schmeichel mavsum oxirida Manchester Cityga qaytgan va 16-raqamli formani kiyishni boshlagan. U Cityni tark etishni xohlayotganini va to‘rt yillik shartnoma imzolaganidan afsusda ekanligini bir necha bor ta’kidlagan[29]. 16-noyabr kuni Schmeichel Joe Hart to‘pig‘idan jarohat olib, 14-daqiqada almashtirilganidan keyin o‘yinga zaxiradan tushirilgan. O'sha uchrashuvda City Hull City bilan 2-2 hisobida durang o‘ynagan[30]. 2008-yil dekabr oyida Schmeichel Manchester City safidagi oxirgi uchrashuvini UEFA Yevropa ligasida Racing de Santander jamoasiga qarshi o‘tkazgan[31].

Notts County

2009-yil 14-avgustda Schmeichel Notts County jamoasi bilan shartnoma imzolagan. Ushbu transfer jamoa tarixidagi eng qimmat transferga aylangan. Ushbu transfer orqali Schmeichel sobiq murabbiyi Sven-Göran Eriksson yana birga ishlaydigan bo'lgan. Sven yaqinda Notts County jamoasining futbol bo‘yicha direktori lavozimiga tayinlangan edi[32]. Schmeichel klubdagi eng ko‘p maosh oladigan o‘yinchiga aylangan va yiliga 1 million funt ishlab topardi[33]. U 22-avgustda jamoa safida o'z debyutini amalga oshirgan va Dagenham & Redbridgega qarshi o‘yinda o‘z darvozasini daxlsiz saqlab qolgan[34].

Oktabr oyida ajoyib o‘yinlar seriyasini namoyish etgani uchun Schmeichel oyning eng yaxshi o‘yinchisi mukofotiga sazovor bo‘lgan[35]. Schmeichel The Magpies safida bo‘lganida, klub liga o'yinlarida o‘rtacha 0,67 ta gol (43 liga o‘yinida 29 ta gol) o‘tkazib yuborgan. Notts County safida Schmeichelning quruq o‘yinlari o‘tkazilgan o‘yinlarga nisbati 55,8 foizni (43 liga o‘yinida 24 ta quruq o‘yin) tashkil etgan[36]. 27-aprel kuni Schmeichel va Notts County allaqachon quyi ligaga tushib ketgan Darlingtonni mag‘lub etgan va 2009–2010-yilgi Ikkinchi liga chempionligini qo‘lga kiritgan va Birinchi ligaga ko‘tarilgan[37][38]. O‘yindan sal oldin, Notts County mavsum oxirida Schmeichel bilan shartnomani bekor qilishi e’lon qilingan. Kasperning oyligi va moliyaviy inqiroz tufayli shu qarorga kelingan edi. Schmeichel barcha kelajakdagi ish haqidan voz kechishga rozi bo‘lgan, bu esa klub raisi Ray Trew tomonidan juda katta yon berish sifatida ta’riflangan[39].

Leeds United

2010-yil 27-may kuni Schmeichel Premyer-liga va Bundesliga klublari bilan bog‘langan bo‘lishiga qaramay, Leeds United bilan ikki yillik shartnoma imzolagan va 2010-yil 1-iyul kuni jamoaga borib qo‘shilgan[40]. Schmeichel 2010–2011-yilgi mavsumda Leeds tarkibidada 1-raqamli formada to'p surgan va Shane Higgsdan oldin Leedsning birinchi darvozaboni sifatida tanlangan. U klub safidagi debyutini 2010-yil 7-avgustda Derby Countyga qarshi o‘tkazgan. Ushbu o'yinda Leeds 2–1 hisobida yutqazganiga qaramay, Schmeichel yaxshi o‘yin namoyish etgan va o‘yin davomida bir nechta muhim seyvlar qilgan[41]. Leeds safida ketma-ket ajoyib o‘yinlar o‘tkazganidan so‘ng Schmeichel avgust oyida Championshipda oyning eng yaxshi o‘yinchisi mukofotiga nomzod bo‘lgan, ammo bu mukofot Queens Park Rangers yarim himoyachisi Adel Taarabtgа nasib etgan[42]. Ammo Schmeichel Sky Sports tomonidan taqdim etilgan avgust oyining eng yaxshi o‘yinchisi mukofotini qo‘lga kiritgan[43].

Schmeichel Leeds United safida, 2011-yil

Keyinchalik oyog‘idagi pay jarohati sababli Schmeichel Swansea Cityga qarshi o‘yinni o‘tkazib yuborgan va Leedsning keyingi bir necha o‘yinlarida ishtirok eta olmagan[44]. Jarohat olgan davrida Schmeichel Soccer AM dasturida mehmon sifatida qatnashgan[45]. Ikki oy davomida jarohatidan davolangandan so'ng Schmeichel Cardiff Cityga qarshi o‘yinda Leedsning asosiy tarkibiga qaytgan. U 6-noyabr kuni Coventry Cityga qarshi o‘yinda maydonga tushishi kerak edi, ammo o‘yindan bir kun oldin birinchi farzandi dunyoga kelgani sababli o‘yinda qatnasha olmagan[46].

2011-yil 8-yanvardagi, Angliya kubogining uchinchi bosqichidagi Arsenalga qarshi o‘yinda u jamoasiga 1-1 hisobidagi durrang natija qayd etishida katta yordam bergan[47]. O‘yindan so‘ng Arsenal sardori Cesc Fàbregas Schmeichelning o‘yini uchun o'sha uchrashuv to‘pini olishi kerakligini aytgan[48]. Leeds navbatdagi o‘yinda 3–1 hisobida mag‘lub bo‘lganiga qaramay, Schmeichel yana bir ajoyib o‘yin namoyish etgan (hatto bosh bilan gol urishiga ozgina qolgan) va u Angliya kubogi uchinchi bosqichining eng yaxshi o‘yinchisi deb topilgan[49].

2011-yil 27-iyun kuni Leeds Schmeichelni Leicester Cityga noma’lum miqdordagi summaga transfer qilishini e'lon qilgan[50]. Schmeichel shartnoma muddati tugaguniga qadar Leedsda qolishni xohlashini aytib, sotuv qarori unga haqiqiy shok bo‘lganini tan olgan[51][52][53]. Ammo Schmeichel Leedsga ko‘chib o‘tganini noto‘g‘ri qaror deb hisoblagan. Ayniqsa otasining tarixi sababli klubda o‘zini yoqtirilmayotgandek his qilganini bildirgan[54].

Leicester City

2011–2012-yilgi mavsum

Schmeichel Leicester City safida, 2011-yil

2011-yil 27-iyun kuni Schmeichel rasman Leicester City futbolchisiga aylangan va jamoa bilan uch yillik shartnoma imzolagan. Transfer narxi oshkor etilmagan boʻlsa-da, bu transfer uni yana bir bor sobiq murabbiyi Sven-Göran Eriksson bilan birlashtirgan. Eriksson avvalroq Manchester Cityda murabbiy va Notts Countyda sport direktori lavozimlarida ishlagan.

Mavsumning birinchi oyida, 2011-yil 20-avgustda Nottingham Forestga qarshi safar oʻyinida Schmeichel 79-daqiqada ikkinchi sariq kartochkasini olganidan soʻng maydondan chetlatilgan. U birinchi sariq kartochkani penalti tepish uchun jarayonida toʻpni joyidan olib qoʻygani uchun, ikkinchi sariq kartochkani esa penalti golga aylanganidan keyin toʻpni uzoqqa tepib yuborgani uchun olgan. Oʻyindan soʻng Schmeichel hakamga orqasi bilan turgani sababli birinchi sariq kartochkani koʻrmaganini aytib, uzr soʻragan. U shaxsiy Twitter sahifasida: "Agar birinchi sariq kartochkani olganimni bilganimda hech qachon bunday qilmagan boʻlardim", deb yozgan[55][56]. Biroq, Schmeichelning Leicesterdagi oʻyinlari tezda eʼtirofga sazovor boʻla boshlagan. Uning murabbiyi Sven-Göran Eriksson uni Angliyaning birinchi darvozaboni Joe Hart bilan solishtirgan, jamoadoshi va sobiq Angliya terma jamoasi futbolchisi Paul Konchesky esa uni "oʻzi bilan birga oʻynagan eng yaxshi darvozabonlardan biri" deb taʼriflagan[57][58]. 2011-yil noyabr oyida Portsmouthga qarshi oʻyinda qisqa masofadan qilgan seyvi Schmeichelga katta maqtovlarni olib kelgan[59]. Portsmouth murabbiyi Maykl Appleton bu seyvni "uzoq vaqt davomida koʻrgan eng yaxshi seyvlardan biri" deb atagan, Leicester murabbiyi Nigel Pearson esa uni "dunyoning eng yaxshi darvozabonlariga xos seyv" deb baholagan[60].

Schmeichel mavsum davomida jami 52 ta oʻyin oʻtkazgan, 17 ta oʻyinda oʻz darvozasi daxlsizligini saqlab qolgan va toʻrtta penaltini qaytargan. 2011–2012-yilgi mavsumdagi oʻyinlari uchun u 30-aprel kuni klub safida yilning eng yaxshi futbolchisi va futbolchilar tomonidan tanlangan eng yaxshi futbolchi mukofotlariga sazovor boʻlgan[61].

2012–2013-yilgi mavsum

Schmeichel Cardiff Cityga qarshi oʼyinda seyv amalga oshirgan lavha. 2013-yil

Schmeichel 2012–2013-yilgi mavsumning birinchi yarmida oʻtgan mavsumdan ham yaxshi natijalar koʻrsatgan. U 28 ta oʻyinda 12 marta oʻz darvozasi daxlsizligini saqlab qolgan va bu ligadagi eng yuqori koʻrsatkich edi. Leicester jadvalda ikkinchi oʻrinni egallagan. Bu oʻyinlar uni Real Madrid kabi gigantlar bilan bogʻladi va shu bilan birga Daniya terma jamoasida debyut qilishiga sabab boʻldi. 2013-yil 16-aprelda u Bolton Wanderersga qarshi oʻyinda Leicester safidagi 100-uchrashuvini nishonlagan. Schmeichelning oʻyinlari uni 2012–2013-yilgi Chempionship PFA jamoasiga kiritilishiga sabab boʻlgan.

2013–2014-yilgi mavsum

2013–2014-yilgi mavsumda Schmeichel dekabrdan aprelgacha davom etgan 19 oʻyinlik magʻlubiyatsiz seriyada 9 marta oʻz darvozasi daxlsizligini saqlab qolgan va Leicesterning Chempionshipdan yuqori ligaga chiqishiga yordam bergan. Schmeichelning yuqori darajadagi oʻyinlari uni yana dunyoning eng yirik klublari, jumladan Manchester United va Milan bilan bog'lagan.

2014-yil mart oyida Schmeichelning karyerasidagi birinchi golini urgani haqidagi daʼvosi televizion kadrlar bilan tasdiqlangan. Biroq, rasmiylar uning bosh zarbasi chizigʻdan oʻtmaganini va golni Chris Wood kiritganini eʼlon qilishgan.

2013–2014-yilgi mavsum oxirida Schmeichelning Leicester bilan shartnomasi 2018-yilgacha uzaytirilgan.

2014–2015-yilgi mavsum

Schmeichel Leicester Premyer-ligaga qaytganda ham asosiy darvozabon boʻlib qolgan. U 2014-yil 21-sentabrda Manchester Unitedga qarshi oʻyinda 5:3 hisobidagi gʻalabada muhim rol oʻynagan. 2014-yil dekabr oyida Schmeichel mashgʻulot paytida oyogʻidan jarohat olgan va taxminan olti hafta safdan chiqqan. U 2015-yil 21-martda Tottenhamga qarshi oʻyinda maydonga qaytgan. Aprel oyida Swansea City va Burnleyga qarshi oʻyinlarda darvozani daxlsiz saqlagan va Premyer-ligada oyning eng yaxshi futbolchisi nominatsiyasiga sazovor boʻlgan.

2015–2016-yilgi mavsum

Schmeichel Leicesterning Premyer-ligada gʻalaba qozonishida muhim rol oʻynagan. 2016-yil 2-may kuni u 29 yoshida Premyer-liga chempioni boʻlgan. Bu uning otasi Piter Schmeichelning 1993-yilda Manchester United bilan birinchi marta chempionlikni qoʻlga kiritgan yoshi va sanasi bilan bir xil edi. Schmeichel va uning otasi Premyer-ligada chempionlikni qoʻlga kiritgan yagona ota va oʻgʻil hisoblanishadi.

2016–2017-yilgi mavsum

2016-yil 6-avgustda Schmeichel Leicester bilan yangi besh yillik shartnoma imzolagan. U mavsumning birinchi oʻyinini FA Community Shield doirasida Manchester Unitedga qarshi oʻtkazgan. 2016-yil noyabr oyida u qoʻlidan jarohat olgan va olti hafta safdan chiqqan.

2017–2018-yilgi mavsum

2017-yil 26-avgustda Schmeichel Manchester Unitedga qarshi oʻyinda Romelu Lukakuning penaltisini qaytargan. 2018-yil 14-aprelda u Burnleyga qarshi oʻyinda jarohat olgan va mavsumning qolgan qismini oʻtkazib yuborgan.

2018–2019-yilgi mavsum

2018-yil 31-avgustda Schmeichel "Leicester" bilan yangi shartnoma imzolagan. 2018-yil 27-oktyabrda u klub egasi Vichai Srivaddhanaprabh halok boʻlgan vertolyot halokatiga guvoh boʻlgan. Schmeichel mavsum davomida Premyer-liganing barcha uchrashuvlarida maydonga tushgan.

2019–2020-yilgi mavsum

Schmeichel mavsum davomida Premyer-liganing barcha 38 uchrashuvida maydonga tushgan va 13 marta oʻz darvozasi daxlsizligini saqlab qolgan. Yakunda Leicester City beshinchi oʻrinni egallagan va Yevropa ligasiga yoʻllanmani qo'lga kiritgan.

2020–2021-yilgi mavsum

2021-yil 15-mayda Schmeichel Leicester City safida Angliya kubogi finalida Chelsea ustidan 1:0 hisobida gʻalaba qozongan va bu klub tarixidagi birinchi Angliya kubogi edi.

2021–2022-yilgi mavsum

2021-yil 7-avgustda Schmeichel Leicester Cityni Manchester City ustidan g'alabasida muhim ro; o'ynagan va jamoa FA Community Shield kubogini qoʻlga kiritgan. Shuningdek, u klubga Yevropa Konferensiyalar ligasida yarim finalga chiqishiga yordam bergan.

Nice

2022-yil 3-avgustda Schmeichel Nice klubi bilan uch yillik shartnoma imzolagan[62][63]. 14-avgust kuni u klub safida Strasbourgga qarshi oʻyinda debyut qilgan. 2023-yil 1-sentyabrda u klub bilan oʻzaro kelishuvga asosan shartnomani bekor qilgan[64].

Anderlecht

2023-yil 5-sentyabrda Schmeichel Belgiya Pro-ligasi vakili Anderlecht bilan bir yillik shartnoma imzolagan[65]. 24-sentyabr kuni u Anderlecht safida jamoaning asosiy raqibi Club Bruggega qarshi oʻyinda debyut qilgan.

2024-yil 16-iyulda u klubni bir mavsumdan soʻng erkin agent sifatida tark etishini eʼlon qilgan. U Anderlecht safida 31 ta oʻyin oʻtkazgan. Schmeichel klubdagi vaqtidan mamnunligini bildirgan va shunday degan edi: "Men bu yerdagi xotiralarni hech qachon unutmayman"[66] .

Celtic

2024-yil 18-iyulda Schmeichel Shotlandiya Premyer-ligasi vakili Celtic bilan bir yillik shartnoma imzolagan. U yamgi jamoada Leicester Citydagi sobiq murabbiyi Brendan Rodgers bilan yana qayta birlashdi[67][68]. 2024-yil 4-avgustda u klub safida Kilmarnockga qarshi oʻyinda rasmiy debyut qilgan va 4:0 hisobidagi gʻalabada oʻz darvozasi daxlsizligini saqlab qolgan. Sentabr oyida u Heartsni 2:0 hisobida magʻlubiyatga uchratgan oʻyinda ketma-ket beshinchi marta oʻz darvozasi daxlsizligini saqlab qolgan. Bu natija 1906-yilda Shotlandiya oliy ligasida oʻrnatilgan rekordni takrorladi[69].

2024-yil dekabr oyida Schmeichel Celtic bilan Shotlandiya liga kubogini qoʻlga kiritgan. Finalda ular Rangersni penaltilar seriyasida magʻlub etgan. Schmeichel penaltilar seriyasida muhim seyv qilib, jamoasiga gʻalabani taqdim etgan[70].

2025-yil 22-yanvarda Celtic Schmeichelning shartnomasini 2026-yilning yozigacha uzaytirdi[71].


Manbalar

  1. ↑ „Updated squads for 2017/18 Premier League confirmed“. Premier League (2018-yil 2-fevral). Qaraldi: 2018-yil 11-fevral.
  2. ↑ „FIFA World Cup Russia 2018: List of Players: Denmark“. FIFA (2018-yil 15-iyul). 2019-yil 11-iyunda asl nusxadan arxivlangan.
  3. ↑ „Kasper Schmeichel: Overview“. Premier League. Qaraldi: 2018-yil 18-aprel.
  4. ↑ „FPF Player Profile Kasper Schmeichel“. Federação Portuguesa de Futebol (2016). Qaraldi: 2016-yil 31-dekabr.
  5. ↑ Nedza, Jon „Kasper Schmeichel: Jeg glemmer aldrig mit ophold på Oure“ (da-DK). Dontt (2016-yil 2-noyabr). 2021-yil 7-oktyabrda asl nusxadan arxivlangan. Qaraldi: 2022-yil 22-noyabr.
  6. ↑ „Schmeichel's son joins Man City“. BBC Sport (2002-yil 6-sentyabr). Qaraldi: 2007-yil 19-avgust.
  7. ↑ „Schmeichel joins Quakers on loan“. BBC Sport (2006-yil 13-yanvar). Qaraldi: 2007-yil 19-avgust.
  8. ↑ „Darlington 2–1 Peterborough“. BBC Sport (2006-yil 14-yanvar). Qaraldi: 2007-yil 20-iyun.
  9. ↑ „Bury sign Man City's Schmeichel“. BBC Sport (2006-yil 21-fevral). Qaraldi: 2007-yil 19-avgust.
  10. ↑ „Schmeichel returns to Gigg Lane“. BBC Sport (2006-yil 23-avgust). Qaraldi: 2007-yil 19-avgust.
  11. ↑ „Schmeichel gets Falkirk loan move“. BBC Sport (2007-yil 11-yanvar). Qaraldi: 2007-yil 19-avgust.
  12. ↑ „Falkirk 1–0 Celtic“. BBC Sport (2007-yil 18-mart). Qaraldi: 2016-yil 30-avgust.
  13. ↑ „Schmeichel keen on Falkirk stay“. BBC Sport (2007-yil 21-may). Qaraldi: 2007-yil 19-avgust.
  14. ↑ „Falkirk target Schmeichel switch“. BBC Sport (2007-yil 20-iyun). Qaraldi: 2007-yil 19-avgust.
  15. ↑ Bevan, Chris. „West Ham 0–2 Man City“. BBC Sport (2007-yil 11-avgust). Qaraldi: 2007-yil 19-avgust.
  16. ↑ Bevan, Chris. „Man City 1–0 Man Utd“. BBC Sport (2007-yil 19-avgust). Qaraldi: 2007-yil 19-avgust.
  17. ↑ „Games played by Kasper Schmeichel in 2007/2008“. Soccerbase. Centurycomm. Qaraldi: 2013-yil 3-dekabr.
  18. ↑ „Schmeichel pens new Man City deal“. BBC Sport (2007-yil 23-sentyabr). Qaraldi: 2007-yil 23-sentyabr.
  19. ↑ „Cardiff seal Schmeichel loan deal“. BBC Sport (2007-yil 25-oktyabr). Qaraldi: 2007-yil 25-oktyabr.
  20. ↑ „Cardiff 1–1 Scunthorpe“. BBC Sport (2007-yil 27-oktyabr). Qaraldi: 2007-yil 28-oktyabr.
  21. ↑ „Schmeichel årets Arla-talent“ (da). Danish Football Association (2007-yil 6-noyabr). 2016-yil 16-martda asl nusxadan arxivlangan. Qaraldi: 2007-yil 23-noyabr.
  22. ↑ „Kasper can stay at Ninian into the new year“. WalesOnline. Media Wales (2007-yil 22-noyabr). Qaraldi: 2013-yil 3-dekabr.
  23. ↑ „Kasper ready to ghost away from Ninian following Sven's summons“. WalesOnline. Media Wales (2007-yil 22-dekabr). Qaraldi: 2013-yil 3-dekabr.
  24. ↑ Phillips, Terry. „Sven's new year gift to Cardiff City“. WalesOnline. Media Wales (2007-yil 31-dekabr). Qaraldi: 2013-yil 3-dekabr.
  25. ↑ Tucker, Steve. „Schmeichel content to extend Cardiff stay“. WalesOnline. Media Wales (2008-yil 1-yanvar). Qaraldi: 2013-yil 3-dekabr.
  26. ↑ „Kasper returns to Manchester City“. Cardiff City F.C. (2008-yil 3-yanvar). 2012-yil 26-mayda asl nusxadan arxivlangan. Qaraldi: 2013-yil 3-dekabr.
  27. ↑ „Sky Blues agree Schmeichel deal“. Coventry City F.C. (2008-yil 13-mart). 2012-yil 26-mayda asl nusxadan arxivlangan. Qaraldi: 2013-yil 3-dekabr.
  28. ↑ „Schmeichel set for Man City exit“. BBC Sport (2008-yil 2-may). Qaraldi: 2008-yil 13-avgust.
  29. ↑ „Schmeichel wants City exit“. Sky Sports (2008-yil 13-avgust). Qaraldi: 2008-yil 13-avgust.
  30. ↑ Fletcher, Paul. „Hull 2–2 Man City“. BBC Sport (2008-yil 16-noyabr). Qaraldi: 2009-yil 15-avgust.
  31. ↑ „Notts County manager Hans Backe believes Kasper Schmeichel has a bright future ahead of him“ (2009-yil 13-noyabr). 2013-yil 8-dekabrda asl nusxadan arxivlangan. Qaraldi: 2013-yil 3-dekabr.
  32. ↑ „Magpies snap up keeper Schmeichel“. BBC Sport (2009-yil 14-avgust). Qaraldi: 2009-yil 15-avgust.
  33. ↑ „Saving Notts County“. BBC Sport. Qaraldi: 2013-yil 25-noyabr.
  34. ↑ „YouTube“ (2012-yil 11-noyabr). 2021-yil 21-dekabrda asl nusxadan arxivlangan. Qaraldi: 2013-yil 3-dekabr.
  35. ↑ „Kasper delighted with award“. Notts County F.C. (2009-yil 14-noyabr). 2012-yil 26-mayda asl nusxadan arxivlangan. Qaraldi: 2013-yil 3-dekabr.
  36. ↑ „Games played by Soccerbase in 2009/2010“. Soccerbase. Centurycomm.
  37. ↑ „League Two – Notts County clinch title – Yahoo! Eurosport“. Yahoo!. Qaraldi: 2013-yil 25-noyabr.
  38. ↑ „Darlington 0–5 Notts County“. Notts County F.C. (2010-yil 27-aprel). 2012-yil 18-martda asl nusxadan arxivlangan. Qaraldi: 2013-yil 3-dekabr.
  39. ↑ „Notts County to tear up Kasper Schmeichel deal“. BBC Sport (2010-yil 27-aprel). Qaraldi: 2010-yil 27-aprel.
  40. ↑ „Kasper becomes first summer recruit“. Leeds United A.F.C. (2010-yil 27-may). 2013-yil 7-dekabrda asl nusxadan arxivlangan. Qaraldi: 2013-yil 3-dekabr.
  41. ↑ White, Duncan. „Leeds United 1 Derby County 2: match report“ (2010-yil 7-avgust). Qaraldi: 2013-yil 3-dekabr.
  42. ↑ „Warnock and Taarabt scoop awards“. BBC Sport (2010-yil 9-sentyabr).
  43. ↑ „Best of the month“. Sky Sports (2010-yil 6-sentyabr).
  44. ↑ „News | Leeds“. Leeds United A.F.C. (2010-yil 11-sentyabr). Qaraldi: 2013-yil 3-dekabr.
  45. ↑ „News | Leeds“. Leeds United A.F.C.. 2013-yil 7-dekabrda asl nusxadan arxivlangan. Qaraldi: 2013-yil 3-dekabr.
  46. ↑ „News | Leeds“. Leeds United A.F.C.. Qaraldi: 2013-yil 3-dekabr.
  47. ↑ „News | Leeds“. Leeds United A.F.C.. Qaraldi: 2013-yil 3-dekabr.
  48. ↑ „Fabregas: Schmeichel var fantastisk“. bold.dk (2011-yil 8-yanvar). Qaraldi: 2013-yil 25-noyabr.
  49. ↑ „Kasper bags FA Cup award“. Leeds United A.F.C. (2011-yil 24-yanvar). 2013-yil 7-dekabrda asl nusxadan arxivlangan. Qaraldi: 2013-yil 3-dekabr.
  50. ↑ „Kasper Schmeichel to join Leicester City from Leeds“. BBC Sport (2011-yil 27-iyun). Qaraldi: 2020-yil 5-mart.
  51. ↑ „Leeds United: Schmeichel news was a real shock – Ormsby“ (2011-yil 26-iyun). Qaraldi: 2013-yil 25-noyabr.
  52. ↑ „News | Leeds“. Leeds United A.F.C.. 2013-yil 7-dekabrda asl nusxadan arxivlangan. Qaraldi: 2013-yil 3-dekabr.
  53. ↑ „Kasper Schmeichel shock over possible Leicester move“. ESPN FC (2011-yil 20-iyun). Qaraldi: 2013-yil 3-dekabr.
  54. ↑ Joe Hart Official. „GLOVED Andoza:Pipe EP 4 Andoza:Pipe PART 3 Andoza:Pipe KASPER SCHMEICHEL“ (2019-yil 21-may). 2021-yil 21-dekabrda asl nusxadan arxivlangan. Qaraldi: 2021-yil 26-may.
  55. ↑ Nottingham Forest v Leicester City match report. BBC Sport. Retrieved 20 August 2011.
  56. ↑ Why was Kasper Schmeichel sent off playing for Leicester City against Nottingham Forest in August 2011? Socqer.com. Retrieved 20 August 2011.
  57. ↑ „Kasper Schmeichel as good as Hart – Sven-Goran Eriksson“. BBC Sport (2011-yil 22-sentyabr). Qaraldi: 2011-yil 26-sentyabr.
  58. ↑ „Konchesky hails in-form Leicester City goalkeeper Kasper Schmeichel“. 2013-yil 10-dekabrda asl nusxadan arxivlangan. Qaraldi: 2013-yil 3-dekabr.
  59. ↑ „Portsmouth 1–1 Leicester: Sunday Mirror match report“. Qaraldi: 2011-yil 1-dekabr.
  60. ↑ „We must do better, says Leicester City boss Nigel Pearson“. 2013-yil 10-dekabrda asl nusxadan arxivlangan. Qaraldi: 2013-yil 3-dekabr.
  61. ↑ „Schmeichel Crowned Player of the Year“. Leicester City F.C. (2012-yil 30-aprel). 2012-yil 5-avgustda asl nusxadan arxivlangan. Qaraldi: 2013-yil 3-dekabr.
  62. ↑ „Kasper Schmeichel joins Nice!“ (en). OGC Nice. Qaraldi: 2022-yil 3-avgust.
  63. ↑ „Kasper Schmeichel: Leicester City goalkeeper moves to Nice“. BBC Sport (2022-yil 3-avgust). Qaraldi: 2022-yil 3-avgust.
  64. ↑ „Official | OGC Nice terminate Kasper Schmeichel's contract“. Get French Football News (2023-yil 1-sentyabr).
  65. ↑ „RSCA sign Kasper Schmeichel“ (en). RSC Anderlecht (2023-yil 5-sentyabr).
  66. ↑ „Na een jaar neemt Kasper Schmeichel afscheid van Anderlecht en trekt hij naar Celtic: "Zeer dankbaar."“ [After only a year Kasper Schmeichel says goodbye to Anderlecht and joins Celtic: “Very Grateful.”] (nl). Sporza.be (2024-yil 16-iyul).
  67. ↑ „Denmark captain Schmeichel joins Celtic“. BBC Sport. Qaraldi: 2024-yil 18-iyul.
  68. ↑ „Celtic: Kasper Schmeichel signs for Scottish Premiership champions on one-year deal“. Sky Sports. Qaraldi: 2024-yil 18-iyul.
  69. ↑ „Kasper Schmeichel equals 118-year record with Celtic clean sheet“. OneFootball (2024-yil 16-dekabr).
  70. ↑ „Scottish League Cup: Celtic beat Rangers on penalties“. BBC.
  71. ↑ „Celtic extend contract of key player until summer 2026“ (en). Glasgow Times (2025-yil 22-yanvar). Qaraldi: 2025-yil 22-yanvar.

Havolalar

 Vikiomborda Kasper Schmeichel
haqida turkum mavjud