Grandi Laghi de l'Amèrica

Grandi Laghi de l'Amèrica

(en) Great Lakes
Sorte	Gruppo di laghi interconnessi (it)
Rejon zeogràfega	nordamèrica
Liogo
Rejon aministrativa	Stati Unii de l'Amèrica
Formà da	lago Superiore lago Erie lago Michigan-Huron lago Ontario
Emisàrio	St. Lawrence
Dati e sifre
Àrea	208 610 km²
Mezure e indegadori
Vołumi	22 725 km³

Coordinae: 45°N 84°W / 45°N 84°W45; -84

I Grandi Laghi de a Amèrica setentrionae i xe un insieme de sinque laghi de acua dolsa, intrà i pi grandi al mondo, che costituise na sorta de mare interno intrà i Stati Uniti e el Canada.

I sinque laghi

I sinque laghi i xe (da ovest ad est, o sia grosomodo da monte a val):

• Lago Superior (el pi vasto e profondo);
• Lago Michigan (l'unico completamente compreso inte i confini statunitensi);
• Lago Huron (el secondo par superficie; al so interno se cata Manitoulin, l'isola lacustre pi granda del mondo);
• Lago Erie, che el contien el minor volume de acua;
• Lago Ontario, queo piasè picenin par superficie;

del sistema fa parte anca el reativamente picenin Lago St. Clair, che se cata su a lengua de tera che separa i laghi Huron ed Erie.

Michigan e Huron

I laghi Michigan e Huron i xe a lo isteso liveo e no i xe coegai da un fiume ma dai streti de Mackinac (tanto che i podaria esar considerai do sesion de un unico lago), mentre i altri i xe coegai dai fiumi St. Marys (dal Superiore a l'Huron), St. Clair (da l'Huron al St. Clair), Detroit (dal St. Clair a l'Erie) e Niagara (da l'Erie a l'Ontario), sul quae se cata le famose cascate. El sistema el xe coegà al mar dal fiume San Lorenso, che sfocia ne l'Atlantico.

Vie di comunicasion

I Grandi Laghi i xe sempre stai importanti vie de comunicasion, e ancuò grasie ad alcuni canai artificiai (ad es. el canae Welland, che permete de pasar dal lago Ontario al lago Erie, agirando le cascate del Niagara) navi de grosso tonnellaggio le pode risalir da l'Atlantico fin a e estremità dei laghi Michigan e Superior. A fasiità dee comunicasion a ga fato sì che molte dee pi importanti sità del Canada (Toronto sul lago Ontario, Ottawa, Montreal e Quebec sul San Lorenso) e dei Stati Uniti (Chicago sul lago Michigan, Detroit su l'omonimo fiume, Cleveland e Buffalo sul lago Erie) e sorgese sui laghi o sue vie d'acua che i le coega intrà de lori e al mar.

Coste

I grandi laghi i bagna le coste de a provincia canadese de l'Ontario (n'altra provincia canadese, el Quebec, a xe traversà dal San Lorenso) e dei Stati U.S.A. de Minnesota, Wisconsin, Illinois, Indiana, Michigan, Ohio, Pennsylvania e New York.

Gallery

• 
  Lago Superior
• 
  Lago Michigan
• 
  Lago Huron
• 
  Lago Erie
• 
  Lago Ontario

Altri progeti

• Wikimedia Commons el detien imàjini o altri file so Grandi Laghi de la Merica

v t e Rejon zeogràfeghe de l'Amèrica
Macrorejon ONU	Amèrica Latina e Caràibi (Caràibi · Amèrica sentrałe · Amèrica del sud) · Amèrica del nord
Altre rejon	Amèrica del Nord (Nord Nordamèrica · Caràibi · Amèrica sentrałe) · Amèrica meridionałe · Amèrica de mezo · Aneło del Pasìfego · Antiłe (Antiłe Grande · Antiłe Picenine) · Cono Sud · Granda Conca · Grandi Laghi · Grandi Pianure · Guiana · Indie osidentałi · Patagònia · Pacific Northwest · Stati andini