Šoutjärv'
Valdkund | Venäma |
Eläjiden lugu (2013) | 857 ristitud |
![]() | |
Telefonkod | +7−8142−53 |
Avtokod | 10 |
Aigvö | UTC+3 (MSK+0) |
Šoutjärv', Šoutarv' (venän kelel: Шёлтозеро / Шолтозеро, karjalan kelel: Šoutjärvi, suomen kelel: Soutjärvi) om vepsän žilo (ven. село) Karjalan Tazovaldkundan Änižröunan (Änižrandan) rajonas. Oli rajonankeskuseks (Šoutjärven rajon; Vepsän rahvahaline volost'). Nügüd' se om Šoutjärven vepsän küläkundan administrativine keskuz.
Istorii
Šoutjärv' mainitase ezmäižen kerdan vl 1543. Nimituz libub eziauguižen Kodijärven nimespäi, kuspäi Šoutjärv'-jogi lähteb.
Geografijan andmused
Žilo sijadase Änižen suvipäivlaskmaižen randal, Šoutjärv'- (Šoutozerk-) i Sarbaht-jogiden lanktendan sijas järvhe. Šoutjärv'-žilon agjad: Alažagd', Kukeinposad, Petreinmättaz, Hamamättaz, Minamättaz, Markumättaz, Üläžagd', Papinposad, Mel'kamättaz, i Jeremišt (Jeremejanposad) om keskuses.[1]
Avtomatk Šoutjärven da Petroskoin keskes om 83 kilometrad, regionaline R19-te (Petroskoi — Šušt) mäneb siriči Šoutjärves.
Eläjad
2002. voden Venäman rahvahanlugemižen andmusiden mödhe Šoutjärven eläjiden lugu om 1039 ristitud, enamba 30% eläjid — vepsläižed.
Šoutjärves oma Šoutjärven vepsläine etnografine muzei (Mel'kinan-torgovanan pertiš), sur' kirjišt, keskškol, lapsiden muzikškol, läžundkodi da kul'turkodi.
Galerei
- Venäkel'ž-vepsänkel'ne teznam Šoutjärves
- Tučinan pert'
Homaičendad
- ↑ Anhimova Natalja. Änižröunan vepsläižed küläd tämbei i eglai // Verez tullei-al'manah. Petroskoi: «Periodika»-pästandkodi, 2018. — Lpp. 69−72. (veps.) ISBN 978-5-88170-273-1
Irdkosketused
![]() | Šoutjärv' Vikiaitas |
Vepsän küläd Karjalan Tazovaldkundan Änižröunan rajonas | ||
---|---|---|
![]() | ![]() | |