Isil'kul'

Isil'kul'
Исилькуль

Lidnanznam	Flag
Valdkund	Venäma
Eläjiden lugu (2021)	22,101 ristitud
Pind	39 km²
Pämez'	Vladimir Gill' (kezaku 2016—)
Telefonkod	+7−38 173-xx-xxx
Avtokod	55
Aigvö	UTC+6 (MSK+3)

Isil'kul' (ven.: Исилькуль) om Venäman lidn da lidnankund Omskan agjan suvipäivlaskmas. Se om Isil'kulin rajonan administrativine keskuz.

Eländpunktan aluz om pandud vl 1893 kuti Isil'-Kul'-žilo raudtestancijanno Transsibal. Šingotihe maižanduzrajonan transportkeskuseks. Vl 1945 se sai lidnan statusad.

Nimitihe Isil'kulid lähižen penen järven mödhe, sen rand sijadase 3 km lidnan keskusespäi. Lidn sijadase 125 m ü.m.t. keskmäižel korktusel. Matkad Omskhasai om 149 km päivnouzmha avtotedme vai raudtedme. Om 27 km röunhasai Kazahstananke päivlaskmha (Pohjoižkazahstanan agj). Lähembaižed lidnad oma Bulajevo (Kazahstan) 55 km päivlaskmha raudtedme vai avtol i Nazivajevsk 75 km pohjoižhe avtotedme.

Isil'kul' om lidnankundan üks'jäine eländpunkt. Lidnankundan pind — 94,81 km².

Vn 2010 Venäman rahvahanlugemižen mödhe eläjiden lugu oli 24 482 ristitud, rajonan koume videndest. Kaikiš suremb ristitišt oli 27 800 eläjad vl 2001.

Ortodoksižen hristanuskondan kaks' pühäpertid om olmas lidnas: Venämalaižiden uziden moknikoiden da hengenavaidamižen sajiden kafedraline päjumalanpert'^[1] (2004) i Pühiden Apostoloiden jumalanpert' (om avaitud vl 2003 restavracijan jäl'ghe).

1. ↑ Isil'kulin pühäpertid sobory.ru-saital. (ven.)

• Lidnan i Isil'kulin rajonan sait (isilk.omskportal.ru) Omskan agjan gubernatoran da Ohjastusen oficialižel portalal. (ven.)