Kupino (Novosibirskan agj)

Kupino
Купино
Lidnanznam;	Flag;
Valdkund	Venäma
Eläjiden lugu (2021)	15,065 ristitud
Pind	30,08 km²
Pämez'	Anatolii Ševčenko; (tal'vku 2015—)
Telefonkod	+7−38 358-xx-xxx
Avtokod	54, 154
Aigvö	UTC+7 (MSK+4)

Kupino (ven.: Ку́пино) om Venäman lidn da lidnankund Novosibirskan agjan suvipäivlaskmas. Se om Kupinon rajonan administrativine keskuz.

Istorii

Eländpunktan aluz om pandud vl 1886 kut Kupino-žilo (ven.: село Купино). Vl 1915 raudte ühtenzoiti žilod Transsibanke (Tatarsk-lidn), kävutihe vemha villäd. Kätihe radnikžiloks vn 1936 elokus. Žilo sai lidnan statusad vn 1944 12. päiväl vilukud.

Kupino šingotase vagonoiden kohenduzkompanijal, maidtegimel i jähižen edheotandal.

Geografijan andmused

Lidn sijadase 115 m ü.m.t. keskmäižel korktusel. Nell' pen't järved sijadasoiš lidnan suves.

Matkad Kazahstanan röunhasai om koumekümne kilometrad päivlaskmha orhal, Novosibirskhasai om 368 km päivnouzmha orhal, 480 km avtotedme vai raudtedme. Lähembaine lidn om Karasuk 85 km suvipäivnouzmha orhal, 96 km avtotedme vai raudtel.

Tobmuz

Kupino om lidnankundan üks'jäižeks eländpunktaks.

Lidnankundan tobmuden pämez' om sen Administracijan pämez'. Valitas lidnan nevondkundan ühtnijoid videks vodeks, jäl'geližed valičendad oliba vl 2020. Lidnan Deputatoiden nevondkundan ezimez' om Viktorija Makataeva.

Eläjad

Vn 2010 Venäman rahvahanlugemižen mödhe lidnan eläjiden lugu oli 15 400 ristitud, rajonan pol', vn 2021 — 15 065 ristitud. Kaik 13 781 eläjad oli lidnas vl 2017. Kaikiš suremb lidnan ristitišt oli 23 185 eläjad vl 1959.

Ortodoksižen hristanuskondan kaks' pühäpertid^[1]^[2] om saudud lidnas: Luka-evangelistan i Sündun Toižetamižen jumalanpertid.

Lapsiden opendusen aluzkundad oma kuz' päivkodid, koume keskškolad (nomer 80, 105, 148), licei (nomer 2), kaks' speciališt (korrekcišt) škol-internatad (nomer 1 i 2), lapsiden sädamižen pert', čomamahtoiden škol, lapsiden da norišton sportškol. Professionaližen opendusen aluzkundad: Kupinon medicinine tehnikum^[3] i rajonidenkeskeine agrarine licei^[4].

Homaičendad

Irdkosketused

Kupino (Novosibirskan agj) Vikiaitas

	Novosibirskan agjan lidnad
	Barabinsk \| Berdsk \| Bolotnoje \| Čerepanovo \| Čulim \| Iskitim \| Karasuk \| Kargat \| Kuibišev \| Kupino \| Novosibirsk \| Ob' \| Tatarsk \| Togučin

[1] Kupinon pühäpertid sobory.ru-saital. (ven.)

[2] Kupino — Sündun Toižetamižen pühäpert' eparhijan pravkarasuk.ru-saital. (ven.)

[3] Kupinon medicinižen tehnikuman sait (kupino-kmt.edusite.ru). (ven.)

[4] Kupinon rajonidenkeskeižen agrarižen licein sait (kmal.ru). (ven.)

[1]

[2]

[3]

[4]