Novopavlovsk

Novopavlovsk
Новопавловск

Lidnanznam	Flag
Valdkund	Venäma
Eläjiden lugu (2021)	20,781 ristitud
Pind	19 km²
Telefonkod	+7−87 938-xx-xxx
Avtokod	26, 126
Aigvö	UTC+3 (MSK+0)

Novopavlovsk (ven.: Новопа́вловск) om Venäman lidn Stavropolin randan suves. Om Kirovan lidnümbrikon administrativine keskuz da üks'jäine lidn.

Eländpunktan aluz om pandud vl 1777 kuti Pavlan lidnuz (ven.: Павловская крепость). Novopavlovskai-stanic sai lidnan statusad vl 1981.

Novopavlovskan ižandusen päsarakod oma sömtegimišt da sauvondmaterialoiden tegimišt, mugažo stökoltegim om olmas.

Lidn sijadase Kuranjogen hural randal. Matkad Stavropolihesai om 220 km lodeheze avtotedme. Lähembaine lidn om Georgijevsk 20 km lodeheze orhal.

Apollonskai-raudtestancii radab «Georgijevsk — Prohladnii»-raudtekeskustal vspäi 1901.

Novopavlovskan lidnankund om tühjitadud vn 2017 1. semendkud. Lidnankundan jäl'gmäine Administracijan pämez' oli Anatolii Zmijevskii vn 2016 semendkuspäi.

Vn 2010 Venäman rahvahanlugemižen mödhe eläjiden lugu oli 26 562 ristitud. Vl 2018 lidnan ristitišt oli 26 238 eläjad. Kaikiš suremb ristitišt oli vl 2010.

Rahvahad (enamba 1%, vn 2010 Venäman rahvahanlugemižen mödhe): venälaižed — 82,5%, čiganalaižed — 6,4%, armenijalaižed — 5,3%, ukrainalaižed — 1,1%, toižed rahvahad — 4,0%, rahvahuden ozutandata — 0,7%.

Ortodoksižen hristanuskondan koume pühäpertid^[1] om olmas lidnas: Jumalanmaman Vladimir-lidnan jumalaižen jumalanpert', Pedran da Paulan jumalanpert', ph. Vladimiran časoun'.

Novopavlovskan äiprofil'ne tehnikum^[2] om lidnan profopendusen aluzkundaks.

• 
  T-34-tank stanican päzutajiden muštoks lidnan pätorgul (2015)
• 
  Apollonskai-päraudtestancijan sauvuz vl 2009

1. ↑ Novopavlovskan pühäpertid sobory.ru-saital. (ven.)
2. ↑ Novopavlovskan äiprofil'žen tehnikuman sait (gbpou-nmt.ru). (ven.)

• Lidnan i Kirovan lidnümbrikon tobmuden oficialine sait (kir-portal.ru). (ven.)
• Lidnan informacine sait (novopavlovsk.ru). (ven.)

Novopavlovsk Vikiaitas