Pugačova Alla

Tarbhaine lehtpol'/levitadud
Pugačova Alla
Alla Pugačova vl 2009
Alla Pugačova vl 2009
radmižen toižend:

актриса, автор-исполнитель, телеведущая, muzikprodüser, композитор, model', пианистка, режиссёрка, ведущая, изготовительница, предпринимательница, певица, учительница, principal director, студийная исполнительница, поэтесса-песенник, pedagoog

sündundan dat:

15. sulaku 1949(1949-04-15)[1][2] (74 vot)

sündundan sijaduz:

Moskv, Nevondkundaližiden Socialistižiden Tazovaldkundoiden Ühtištuz[3]

valdkund:

 Venäma

avtograf:

 Pugačova Alla VikiAitas

Alla Borisovna Pugačova (ven.: Алла Борисовна Пугачёва; sünd. 15. sulaku 1949, Moskv, Venäman NFST, NSTÜ) om tutab venämalaine pajatai, muzikankirjutai, aktris, prodüser da TV-vedai. NSTÜ:n rahvahan artist (1991), Venäman valdkundaližen premijan laureat (1995).

Hänen repertuarha mülüb enamb 500 pajod venän, anglijan, saksan, francijan, evrejan, suomen da ukrainan kelil, a diskografijas om enamb 100 soloplatoid, CD- da DVD-diskoid (kesked niid 17 al'bomad, 34 singlad, 25 kompiläcijad). Päiči Venämas da postnevondkundaližiš valdkundoiš Pugačovan al'bomad pästtihe Japonijas, Suvikorejas, Ročinmas, Suomenmas, Saksanmas, Pol'šanmas, Čehoslovakijas da Bolgarijas. Ühthine disktiraž om enamb 250 millionad egzemplärid.

Biografii

Alla om sündnu Moskv-lidnha. Vl 1965 seičemendestoštkümnendes igäs äneti ičeze ezmäižen Робот-pajon. Vl 1967 hän sädi TV-debüt Иду из кино-pajonke. Vozil 1968-1972 pajatai äneti naižroliden pajoid erazvuiččiš fil'miš. Sid' vozil 1974-1976 Alla oli «Весёлые ребята»-ansamblin solistan. Vl 1975 hän sai vägestust noriden edestajiden Золотой Орфей-konkursal Арлекино-pajonke. Vl 1977 Alla pästi ičeze ezmäine studine «Зеркало души»-al'bom platal. Vl 1978 hän edesti Anna Strel'cova-rolid (toižin sanoin, ičtaze) Женщина, которая поёт-fil'mas. Vl 1985 pästtihe Пришли и говорю-fil'm-koncert hänen ühtnendanke.

Vl 1997 hän ezini "Evrovizii"-konkursal, kus pajati "Primadonna"-pajon. Alla sai 15-nden sijan (33 čokkoint).

Vl 2009 Alla tedoti aktivižen sädamižradmižen lopindas. Vspäi 2011 vhesai 2013 hän ühtni sudijoiden ezimeheks «Faktor A»-TV-šouhu. Nügüd' Alla pajatab scenal harvoin kanzaližiden holiden tagut.

Om naindas Maksiman Galkinanke (nece om hänen 5. naind). Hänel om kaks' tütred, poig da koume lapsenlapsed. Üks' tütrišpäi — Kristina Orbakaite — om mugažo tetab pajatai; sen poig (Allan tütrenpoig), Nikita Presnäkov, om populärine teatr- da kinoakt'or, pajatai.

Diskografii

Al'bomad

  • 1977 — Зеркало души (Hengen zerkol)
  • 1979 — Арлекино и другие (Arlekino da toižed)
  • 1979 — Поднимись над суетой! (Libu kobun päle!)
  • 1980 — То ли ещё будет... (Se-k linneb völ...)
  • 1982 — Как тревожен этот путь (Nece te om täuz' holid)
  • 1985 — Ах, как хочется жить (Ah, mitte taht om eläda)
  • 1985 — Watch Out (Löuda sil'mil)
  • 1986 — ...Счастья в личной жизни! (...Ozad personaližes elos!)
  • 1987 — Пришла и говорю (Olen tulnu da pagižen)
  • 1990 — Алла (Alla)
  • 1991 — Рождественские встречи I (Raštvanvasttused I)
  • 1992 — Рождественские встречи II (Raštvanvasttused II)
  • 1995 — Не делайте мне больно, господа (Algat tehkoi minei kibud, ižandad)
  • 1998 — Да! (Ka!)
  • 2001 — Речной трамвайчик (Jogitramvaihut)
  • 2003 — Живи спокойно, страна! (Elä tünäs, ma!)
  • 2008 — Приглашение на закат (Kucund tikahtushe)

Homaičendad

  1. ↑ Doll S. Encyclopædia Britannica
  2. ↑ ČSFD — 2001.
  3. ↑ Deutsche Nationalbibliothek Record #119529823 // Integrated Authority File — 2012—2016.

Irdkosketused