Sudak

Sudak
Судак (ven. i ukr.)
Судакъ / Sudaq (krim.-tat.)

Lidnanznam	Flag
Valdkund	Venäma - de fakto Ukrain - de jure]]
Eläjiden lugu (2018)	16,784 ristitud
Pind	23,47 km²
Pämez'	Andrei Nekrasov (eloku 2017—)
Telefonkod	+7−36 566, ende +380−6566
Aigvö	UTC+3

Sudak (ven. i ukr.: Судак, krim.-tat.: Судакъ / Sudaq) om Kriman lidn-kurort da lidnümbrik.

Istorii

Eländpunktan aluz om pandud koumandel voz'sadal meiden erad. Keskaigan lidnan nimitused oliba: Sugdei (amuižgrek.: Σουγδαία), Soldai (ital.: Soldaia) i Surož (ven.: Сурож). Nimitadud Sudak:aks Osmanan imperijan aigan (1475−1783); «sudag»-sana znamoičeb «mäged vedenno». Om oficialiženke lidnan statusanke vspäi 1982.

Sudak šingotase erazvuiččen vinan i rozanvoin tehmižel.

Geografijan andmused

Lebutaho sijadase pol'saren suvipäivnouzmas, Mustmeren Sudakan karan randal, 33 m ü.m.t. keskmäižel korktusel. Matkad Simferopolihesai om 69 km orhal, 102 km avtotedme. Lähembaine lidn om Vanh Krim 36 km pohjoižhe orhal. Lähembaine raudtestancii radab Feodosijas 55 km pohjoižpäivnouzmha.

Sudak om ühtennimižen lidnümbrikon üks'jäine lidn, 1 lidnanvuitte žilo da 14 küläd mülüdas ümbrikho mugažo.

Eläjad

Vl 2012 Sudakan eläjiden lugu oli 15 368 ristitud. Kaikiš suremb lidnan i lidnümbrikon ristitišt om nügüd', lidnümbrikon ristitišt oli 32 797 eläjad vl 2018.

Rahvahad (lidnan eläjad vn 2014 rahvahanlugemižen mödhe, enamba 0,2%): venälaižed — 63,8%, krimantatarlaižed — 16,9%, ukrainalaižed — 12,3%, totarlaižed — 1,6%, vaugedvenälaižed — 0,7%, armenijalaižed — 0,7%, toižed rahvahad — 1,7%, rahvahuden ozutandata — 2,3%.

Transport

Avtobusad oma kundaližeks transportaks lidnas, ned-žo ühtenzoittas ezilidnoidenke da lähižidenke lidnoidenke.

Galerei

• 
  Lidnümbrikon znam Venäman pordol
• 
  Pühän Jumalanmaman Katken pühäpert', vn 2012 nägu
• 
  Sudakan lidnuz Genujan tobmuden aigan (2018)
• 
  Vintegim vl 2012
• 
  Sudak-lebukompleks vl 2011

Homaičendad

Irdkosketused

• Lidnan da sen ümbrikon oficialine sait (sudak.rk.gov.ru). (ven.)

Sudak Vikiaitas