Varn (lidn)

Varn
Варна
 Lidnanznam
  Flag
Valdkund Bolgarii
Eläjiden lugu (2024) 351,686 ristitud
Pind 254 km²
Varn Варна
Pämez' Blagomir Kocev
(kül'mku 2023—,
Благомир Коцев)
Telefonkod +359−52
Aigvö tal'vel UTC+2,
kezal UTC+3


Sil sanal voib olda toižid znamoičendoid; miše nähta niid, tulgat tänna.
Lidnan kart (2018)

Varn (bolg.: Варна [ˈvarnɐ]) om kurortlidn Bolgarijan päivnouzmas, port Mustmeren randal. Se om valdkundan koumanz' lidn eläjiden lugun mödhe, Varnan agjan administrativine keskuz.

Geografijan andmused

Lidnan da Varn-järven fotokuva Man kaimdajaspäi

Lidn sijadase 0..170 m ü.m.t. korktusil, 20 m ü.m.t. keskmäižel korktusel. Matkad Sofijhasai om 375 km päivlaskmha orhal vai 470 km avtotedme.

Klimat om subtropine, pehmdab mi valdkundan toižiš paloiš, meri telustab vilun teravale ličendale pohjoižpäivnouzmaspäi. Keza om päivoikaz lujas, tal'vaig om pil'vekaz. Voden keskmäine lämuz om +12,8 C°, heinkun-elokun +23,3..+23,5 C°, kezakun i sügüz'kun +21,0 i +19,1 C°, tal'vkun-uhokun +2,7..+4,3 C°. Ekstremumad oma −17,8 C° (viluku) i +40,0 C° (heinku, eloku). Kezaaigan minimum om +7,8 C° (kezaku), tal'vaigan maksimum om +24,5 C° (tal'vku). Ei voi panda halad semendkus-sügüz'kus (semendkun minimum om +2,5 C°). Il'man lämuz voib ülitada +21 C° miččel taht kul. Paneb sadegid 516 mm vodes, läz tazomäras kuidme, enamba kezakus-heinkus (48..52 mm kus) i sügüz'kus-vilukus (45..56 mm), vähemba uhokus-keväz'kus (32..33 mm kus) i elokus (29 mm). Kun keskmäine relätivine nepsuz vajehtase 70..75 % röunoiš kezakus-redukus, 77..82 % kül'mkus-semendkus. Meriveden lämuz voib vajehtadas kuidme +7,3 (uhoku) ..+24,8 C° (eloku) röunoiš, se ületab +21 C° kezakus-sügüz'kus.

Tobmuz

Varn-lidn jagase videks administrativižeks rajonaks: Primorski (Mererandaline), Mladost, Odesos, Vladislav Varnenčik, Asparuhovo. Sen ližaks viž žilod mülüdas Varnan kundha.

Edeline lidnan pämez' om Ivan Portnih (Иван Портних, heinku 2013 — kül'mku 2023).

Eläjad

Vn 2011 Bolgarijan rahvahanlugemižen mödhe lidnankundan eläjiden lugu oli 334 870 ristitud. Vl 2018 kaik 367 171 ristitud[1] elihe lidnas, 375 tuh. ristituid kaikes kundas i läz 420 tuh. ristituid oli ezilidnoidenke.

Rahvahad (enamba 0,4 % vl 2011): bolgarijalaižed — 85,0 %, turkalaižed — 3,0 %, čiganalaižed — 0,9 %, toižed rahvahad — 1,0 %, rahvahuden ozutandata — 10,1 %.

Transport

Avtobusad, trolleibusad, maršruttaksid i taksid oma kundaližeks transportaks lidnas. Päraudtestancii i meriport ratas vemha passažiroid i jüguid.

Rahvahidenkeskeine civiline Varn-lendimport[2] (VAR / LBWN, 1,8 mln passažiroid vl 2023) sijadase seičemes kilometras päivlaskmha lidnan keskuzpalaspäi. Sišpäi tehtas reisid kaiked Evropadme.

Tetabad sündnuded

  • Bedros Kirkorov (sünd. 1932) — Bolgarijan da Venäman estradan pajatai, Filippan Kirkorovan tat.
  • Filipp Kirkorov (sünd. 1967) — Venäman estradan pajatai, muzikankirjutai, akt'or da prodüser.

Homaičendad

  1. ↑ Bolgarijan eländpunktoiden ristitišt vn 2018 15. päiväl kezakud. — Bolgarijan Rahvahanikoiden registracijan da administrativižen holitusen radnikoičend (grao.bg). (bolg.)
  2. ↑ Rahvahidenkeskeižen Varn-lendimportan sait (varna-airport.bg). (bolg.) (angl.)

Irdkosketused

 Varn (lidn) Vikiaitas