Chiro

De Chiro is e jeugdbewegienge die in Vloandern ougeveer 1000 platselikke ofdêliengn et, woamei da 't de grotste jeugdbewegienge is (ol beweirn de scouts dat ouk wel). In de Woaln bestoat er e gelykoardige organisoasche, de Patro. Die noame toogt nog dudelikker van woa dat de Chiro ôorsprounkelik komt, uut de patronoatn.

Chiro wult mêer doen dan ieder twêe weekn de zundagachternoune sport en spel anbiedn. 't Droait byn de Chiro round 3 boasisweirdn: geirn zien, innerlikeid en rechtveirdigeid.

• Verbound: de provinsche
• Gewest: verênigienge van sommigte Chiro's binn en verbound
• Platselikke ofdêlienge

De mêeste Chiro's werkn vanof 6 of 8 joar en mêestol in verschillnde leeftydscategorieën:

• Ribbels (6-8) kapoentjes( jongens)
• Speelclub (8-10,van speelklub (nie in olle ofdêliengn, ouk oltemets andere noame)
• Rakwi's (10-12, van rakkers (jounges) en kwiks (misjes))
• Tito's (12-14, van toppers (jounges) en tippers (misjes))
• Keti's (14-16, van kerels (jounges) en tiptiens (misjes))
• Aspi's (16-18, Aspi's (jounges en misjes))
• Leidieng (18+, bereidn de activiteitn vôorn)

Sedert 1995 bestoat er e standoard uniform

• Beige kortn brouk (of roksje by de misjes)
• Rôon T-shirt
• Blauw hemde

In West-Vloandern bestoat er Chiro in de mêeste gemêentn, ollêne in de gemêentn Koksyde, Mêesn, D'n Oane, Lô-Renieng, Spiere-Elkyng en Zuunkerke is er gin Chiro.

• Officieeln site
• chiro jeugd vlaandern
• Site van Chiro West-Vloandern