Groen!

Groen is e Belgische polletieke partie die surtout opkomt voe 't milieu. Z'is links van gedachtngoed.

De partie noemde toet 15 november 2003 'Agalev'. Doarachter is de noame veranderd in 'Groen!' en begun 2012 is 't uutroeptêekn weggeloatn. De vôorzitter is Meyrem Almaci.

Geschiedenisse

Agalev (Anders Gaan Leven) is opgericht in 1981, en wos geïnspireerd deur de groene bewegienge va poater Luc Versteylen. Groen! es ipgericht noa de voo Agalev desastreus verlôopn senoats- en parlementsverkieziengn va mei 2003, toen da Agalev ne serieuzen djok kreeg en moa 2.5% van de stemmn be'oalde, al eur parlementsleedn verlôor en eur dotatie kwytspeelde. Daornoa es, ounder impuls van Vera Dua als vôorzitter, gekoozn voo vernieuwienge, wa leiddige tot de nieuwe noame. In de latste verkieziengn van 2004 ein ze weer mêer stemmn be'oald, noamelik 7.6% in Vloandern.

Lik vele partyen kosten ze nie rap genoeg vernieuwen en de federoale verkieziengn van 2007 woaren gespann.

Vôorzitters

Agalev, lik dat de partye noemde tout 2003, kende gin echte partyvôorzitter. 't Doageliks besteur lag by de secretoaris(sn) en de fractieleiders in de parlementn.

Polletieke secretoarissn Agalev
Periode	Noame
1981 - 1989	Leo Cox
1989 - 1995	Johan Malcorps
1995 - 1997	Wilfried Bervoets
1997 - 2003	Jos Geysels
2003	Dirk Holemans
2003	Vera Dua
Vôorzitters Groen(!)
Periode	Noame
2003 - 2007	Vera Dua
2007 - 2009	Mieke Vogels
2009 - 2014	Wouter Van Besien
2014 - nu	Meyrem Almaci