Cazino

On cazino, c' est ene måjhon la k' on va trimler tot djouwant a des djeus d' sôs.

Motlî

Onk des mestîs des cazinos, c' est croupî.

Rilomés cazinos del Walonreye

Dins les cazinos di Spå, li mame da Guillaume Apollinaire î a vnou, et leyî ses efants a Ståvleu la ki l' futeur grand scrijheu e francès a scrît ene miete di walon.

Gn aveut ddja deus cazinos, li do trevén des Prince-Evekes, et k' avént l' otorijhåcion. On lomé Bovy drova on troejhinme cazino, sins l' åjhmince di Lidje. Li prince-eveke Heusbrouk el vola fé serer. C' est l' Afwaire des djeus di Spå.

Li cazino d' Nameur a stî eto foirt kinoxhou. Emile Robin î a bouté come croupî. Pu après porshuve ci mestîs la e l' Itåleye, pu a Tripoli (Libeye).

• 
  mostrant l' djin ki håbitéve li cazino di Spå e 1937
• 
  portrait d' Emile Robin, mostrant li parexhance d' on croupî

Economeye

Les cazinos rapoirtèt gros ås estats et ås veyes la k' i sont metous, påzès taeyes payeyes pa ces måjhons la.

Riloucance des rlidjons

Les rlidjons crustinne (aprume les protestants) et muzulmande veyèt evi les cazinos, la k' on pout wangnî des cwårs sins bouter. Et purade ndè fé piede des banslêyes k' årént polou esse metowes po les bounès ouves.

Ezès Stats Unis, ci n' est nén tos les estats ki polnut awè des casinos. Les pus cnoxhous, c' est surmint l' Californeye et les cis d' Lass Végass.

Dins les payis arabes, gn a yeu des cazinos do tins des Francès (e Marok)^[1] et des Itålyins (e l' Libeye).

Sourdant