Sizet
On sizet (on dit eto: on moxhon d' ônea, on terin, on terinet, on tcheutche)[1], c' est on ptit moxhon tchanteu, del famile des tcheutches (frindjidîs), ki rshonne foirt å tcherdonî.
Sincieus no d' l' indje : Carduelis spinus u Spinus spinus
Motlî
Loukîz a : Wikt:sizet#Sinonomeye
Li frumete si lome terinete.
Discrijhaedje
Li måle est djaene verdinasse et noer, copurade sol copete del tiesse, et dizo l' betch.
Li terinete est pus claire sos face.
I pond des blancs oûs, ene miete maytés sol gros costé.
Vicaedje
Li sizet magne voltî les grinnes d' ônea. Did la, onk di ses lomaedjes e walon li moxhon d' ônea.
On l' voet rariver å moes d' octôbe. I passe l' ivier dins les bwès del Walonreye (sapinetes, bôletes, ônoes).
I magne voltî les grinnes d' ônea.
Dins l' tuzance walone
A dné s' no a ene gazete e walon, «El moxhon d' ônea» (èl Mouchon d'Aunia), eplaideye el Lovire. Ca e 20inme sieke, on l' loméve insi a Sougniye, a Åve, a Måtche-dilé-Scåssene, al Lovire, a Inne-Sint-Pire.
-
Coviete do Moxhon d' Ônea
