Ståve (cinse)

Pol discramiaedje des årtikes avou l' mot « Ståve », loukîz cial.

On ståve, c' est l' pårteye del cinse la k' on tént les vatches, les veas ou les tchvås ou eto des ôtès sôres di biesses.

On dirè don, s' i gn a sacwants bastimints : li ståve des vatches, des veas, des tchvås, des porceas, des motons ou bedots, des gades.

Les grands ståves la k' les biesses ni sont nén loyeyes si lomnut des stabulåcions al libe.

• li crepe ou staminêye ou staminire, la k' les biesses magnnut les farenes ou torteas.
• li ruslî, la k' on lzî mete li four.
• li tere ou l' beton, la k' les biesses coûtchèt; c' est la k' on stiernixh.
• li saiwe u saiwire ou corote (po moenner evoye li bigåd).
• l' alêye, pol cinsî passer.
• l' ouxh d' intrêye, kécfeye a purnea.
• les fniesses, po-z anairi l' bastimint.