Tchet
Li tchet, c' est ene pitite biesse-ås-tetes magneuse di tchå, aclevêye dispu bele ådje.
Sincieus no d' l' indje : Felis catus
Motlî
Li tchet måye si lome «marou» ou «marcåd»
Li mere si lome «miråwe» ou «cate» ou «merote»
Po houkî djinteymint on tchet, on dit cobén «minou» ou «minousse». Pol tchessî, on creye «a cate !»
Vicaedje
I vike avou les djins eyet magnî voltî des soris.
Discrijhaedje
Les tchets pezèt inte 5 et 7 kg.
End a des sôres avou des longous poys, ou avou des courts poys, et minme ene sôre sins poys.
On pinse ki les vîs vîs tayons des tchets viként dins on payis d' dezerts, et les tchets d' enute ont ene dujhance ki rapinse li cene des biesses ki vikèt dins ces contrêyes la : i s' metèt voltî la wice k' i fwait tchôd et å solea, leus strons sont foirt setchs, i sont capåbes di dmorer sins bodjî on bon moumint, copurade cwand i sont-st a l' awaite.
Mopliyaedje
Li cate va råwter troes côps l' an, e cminçant e moes d' fevrî.
Ele va 60 djoûs, et djonnlet des djonnes ni-rafiyants.
Maladeyes
- tîfusse des tchets
Dins les belès-letes e walon
Gn a on live etir so totès aviretes arivêyes a on tchet d' måjhon: Les aviretes da Keket (Jean Goffart).