吴淞街道
吴淞街道是中国上海市宝山区下头个一隻街道，来勒区境东面，东面是长江、黄浦江搭吴淞口，南起长江路延伸到东海船厂南围墙，西到泗塘河，北到双城路，面积7.52平方公里[1][2]，户籍人口74,948人（2014年）[2]。街道办事处来勒淞滨路385号[2]。
历史
吴淞来勒明末成型，伊个辰光是长江口主要个海防要塞，有兵营建制。鸦片战争里向陈化成个牺牲地搭两次淞沪抗战个主战场侪来勒吴淞，乃朝还保留又古炮台、淞沪铁路炮台湾终点站遗址等历史人文遗迹。
吴淞街道来勒清乾隆年间叫胡巷桥镇。道光三年（1823年），为咾赈灾方便，划出宝山县城厂胡巷桥搭周边个吴淞口地区，设立吴淞厂。宣统二年（1910年），吴淞厂改叫吴淞乡。民国17年（1928年），划畀上海特别市，属吴淞区，是区公所驻地。民国27年（1938年）8月，设吴淞镇[3]。
1949年5月份，吴淞集镇设第一办事处，1955年3月份，来勒境域蕰藻浜以南部分设第二办事处，后来改叫吴淞镇办事处搭蕰藻浜办事处。1956年1月份，吴淞区撤销，划畀北郊区，同年3月份，吴淞镇办事处、蕰藻浜办事处合并成立吴淞镇。1958年9月份，分属红旗人民公社搭先锋人民公社。1959年3月份，变成宝山县直属镇。1960年初，重建吴淞区，是淞兴路办事处。同年4月份，是吴淞城市人民公社蕰藻浜分社。同年10月份，恢复街道建制。1962年3月份，成立蕰藻浜街道，同年4月份，改叫吴淞镇街道。1964年5月份，吴淞区撤销，划畀杨浦区，1980年1月份，划畀宝钢地区办事处。1981年，又绕仔一圈划畀重建个吴淞区[4]。1981年8月份，吴淞镇泰和路以北地区拆分成海滨街道[4][5]。1988年，海滨街道改名海滨新村街道。
2006年5月8号，经上海市人民政府批准，撤销吴淞镇街道、海滨新村街道[6]，合併建立吴淞街道[1][6]。
行政区划
吴淞街道下头个箇些居民委员会：和丰居委会、淞新居委会、泗东居委会、李金居委会、八棉一纺居委会、八棉二纺居委会、桃园居委会、淞西居委会、长征居委会、吴淞三村居委会、吴淞新城居委会、海滨新村居委会、海滨二村一居委会、海滨二村二居委会、海滨三村居委会、海滨四村居委会、海滨八村居委会、牡丹江路居委会、西朱新村居委会、三营房居委会、永清新村居委会、永清二村居委会、海江二村居委会、海江新村居委会。
另见
参考文献
| |||||||||||||||||