ბაღიშ მუჸი
| ბაღიშ მუჸი | ||||||||||||
|---|---|---|---|---|---|---|---|---|---|---|---|---|
 ბაღიშ მუჸიშ გუმნაღელი |
||||||||||||
| მენცარული კლასიფიკაცია | ||||||||||||
|
||||||||||||
| ლათინური ჯოხო | ||||||||||||
| Rubus idaeus | ||||||||||||
| თხილუაშ სტატუსი | ||||||||||||
|
|
ბაღიშ მუჸი, თაშნეშე ინღვა, ხვამფა (ლათ. Rubus idaeus) — ვარდიშობურეფიშ ფანიაშ ჩანარი. ფურცელმაცჷმე ბართვოდიარე რე, ნამუშ სიმაღალე 1-3 მეტრშახ ონჭუ. ჩანარიშ დიხაშგიმენი ნორთი მიარეწანამი ფესვეტი რე, დიხაშჟილენი — ართ- დო ჟირწანიანი წვანე, ჭითა დო იაიაშფერი შეჸელი რე, ნამუთ შხვადოშხვა სიდიდაშ დო ფორმაშ ქაცუეფით რე ფორილი. ფურცელი სუმჸუჯა ვარდა სუაშნერი რთული რე, პირი — ჟირსქესიანი, ჩე, გუმნაღელი — კენკარი, ფერო ჸვინთელი, ჭითა დო რუმე დაცხფერიში. ჩანარი იმიარებუ თასით (ახალი ჯიშიშ მიოღებელო) დო ვეგეტატიურო. ჩინებული რე ბაღიშ მუჸიშ 120-შე უმოსი გვარობა. ირდიხას რე ფართას გოფაჩილი. ჩანარს გჷმირინუანა ოჭკომალო, ლადირო დო გჷნომუშებულო. მედიცინას სქირაფილ გუმნაღელიშ ნახაშა უფუმანტინე საშუალება რე.
ლიტერატურა
- ქორთული სხუნუეფიშ ენციკლოპედია, ტ. 8, ხს. 255, ქართი, 1984 წანა.