კრატერული ტობა
კრატერული ტობა ვარ-და ვულკანური ტობა — ტობა, გოჭყაფილი ვულკანური კრატერიშ, კალდერაშ, მაარიშ ვარ-და გენთხაფური კრატერიშ წყარით გოფშაფაშ რზათ. თიშ გეშა, ნამჷ-და კრატერს, მუჭოთ წესი, უღჷ წირეშ ფორმა დო მაღალი კიდალეფი, კრატერულ ტობას უღჷ ჭიჭე ინაკათუეფი დო უმენტაშო ვაუღჷ წყალმარული გიმნაველი. კრატერი რჩქვანელობურო გითმიფშაფჷ ჭვემაშ წყარით (მაარეფი - გრუნტიშ წყარეფით) დო წორწალას ოჭირინუანს მიშაკათინიშ დო აორქაფაშ შედეგო. ბორჯიშ გოძვენას ეროზიაშენ შილება გიჭყას დიხაშჟილენ მალობაქ დო წყარმითაკათაფუთჷქ, მუჭო სამანგათ ტაუპოშ ტობა ახალ ზელანდიას, ნამუსჷთ მეუტს წყარმალუ უაიკატო.
ვულკანურ კრატერს წყარი კანკალეშა იკათუანს მიშნასვარეფს, ნამჯშ გეშა ტობას თელარა უშულებუ რე. თეშნერო შხირას გოფერადაფილი, ბჟეფით გონჯღილირი ტობეფიშ სამანგეფი რე რინკონ-დე-ლა-ვიეხა დლ ირასუ კოსტა-რიკას. ნოშქერჟირჟანგიშ მაკათურალა შილებე იჸუას თაშნეშე ძალამ მაღალქ დო გჷნირთას ლიმნოლოგიური კატასტროფაშ ბაძაძო, მუჭოთ მოხვადჷ ნიოსიშ ტობასჷნ, კამერუნს.
კანკალე კრატერული ტობა
- აფრიკა
- ვენჩი (გენთხაფური კრატერი, ეთიოპია)[1]
- ბოსუმტვი (გენთხაფური კრატერი, განა)
- ნიოსიშ ტობა (მაარი, კამერუნი)
- ამერიკა
- აზია
- ოკეანეთი
- ტაუპოშ ტობა (კალდერა, ახალი ზელანდია)
- ევროპა
მარსი:
- Jezero
სქოლიო
- ↑ კრატერული ტობაშ ეჭარუა Archived 2007-08-22 ვებ-ხასჷლას Wayback Machine. GTZ-იშ ფურცლეფს