ლენინგრადიშ ოლქი (რუს . Ленинградская область ) — რუსეთიშ ფედერაციაშ სუბიექტი , ნამუთ ქიანაშ ევროპული ნორთიშ ოორუე-ბჟადალ აკანს იკენს. ოლქი ოორუე-ბჟადალიშ ფედერალური ოკრუგიშ დო ოორუე-ბჟადალიშ ეკონომიკური რაიონიშ აკოდგინალუაშა მიშმურს. ოლქიშ ფართობი — 83 908 კმ² რე, ნამუთ ქიანაშ ფართობიშ 0,49% რე, თე მუნაჩემეფით, რუსეთიშ ოლქეფს შქას სიდიდათ 37-ა აბანს რე. ოლქი ბჟადალშე ბჟაეიოლშა 500 კილომეტრის რე გჷნოზინდილი, ოორუეშე ობჟათეშა — მაქსიმუმ 320 კილომეტრის. 2020 წანაშ მუნაჩემეფით, ოლქიშ მახორობა 1 876 392 ადამიერს აკმადგინანდჷ. ოლქიქ დირსხჷ 1927 წანაშ 1 მარაშინათუთას . ხეშულობაშ უმაღალაში ორგანოეფი ნოღა სანქტ-პეტერბურგის იდვალუაფჷ.
ოლქის ოორუეშე — კარელია , ოორუე-ბჟადლაშე - ფინეთი , ბჟაეიოლშე — ვოლოგდაშ , ობჟათე-ბჟაეიოლშე— ნოვგოროდიშ დო ობჟათეშე — ფსკოვიშ ოლქეფი ეუხურგანს, ბჟაეიოლშე — ესტონეთი დო ფინეთიშ ჸუჯი . ოლქი ბჟაეიოლი ევროპაშ ვეს იდვალუაფჷ, ნამუთ თარო ვე ტერიტორიეფს იკათუანს, სიმაღალა ზუღაშ დონეშე 50-150 მეტრი. კლიმატი ატლანტურ-კონტინენტური რე, ზუღაშე მალი ჰეერიშ მასეფიშ გეშა, ზოთინჯი ზჷმიერო რგილი რე, ზარხული — ზჷმიერო ტიბუ, მინშა რგილი.
ლენინგრადიშ ოლქიშ ტერიტორია, მორჩილი ობჟათე-ბჟაეიოლი ნორთიშ მოხ, ბალტიაშ ზუღაშ ღანჩოს ორხველჷ. ოლქი ჯგირო გოვითარაფილ წყამალუეფიშ ნორშვის იკათუანს. ოლქიშ წყარმალუეფიშ ედომუშამი სიგჷრძა დოხოლაფირო 50 ვითოში კილომეტრი რე, ხოლო ოლქიშ ტერიტორიას 1800 ტობა რე, თინეფს შქას ლადოგიშ ტობა უდიდაში რე ევროპას , ოლქიშ შანულამი ნორთი ჭყენჭყამი რე.
წყარმალუ ორედეჟი — ლუგაშ ნადუ
წყარმალუშ ჯოხო
სიგჷრძა (კმ)
ღანჩოშ ფართობი (კმ²)
ლუგა
353
13 200
ოიატი
266
5200
სიასი
260
7300
პაშა
242
6700
ვოლხოვი
224
80 200
სვირი 224
84 000
ორედეჟი
192
3200
ვუოქსა
156
68 700 [ 1]
ნევა
74
281 000
ლადოგიშ ტობა კოკი კონევეცწკჷმაფინეთიშ ჸუჯი , მიოჯინი პრიმორსკიშე
ტობაშ ჯოხო
ფართობი (კმ²)
მაქს. სიტომბე (მ)
ლადოგი 17700
225
ონეგი 9890
110
ვუოქსა
95,6
24
ოტრადნოე
66
27
სუხოდოლი
44,3
17
ვიალე
35,8
9
სამრო
40,4
5
გლუბოკოე
37,9
12
კომსომოლსკოე
24,6
20
ბალახანოვსკოე
15,7
12
ჩერემენეცკოე
15
32
ვრევო
12
44
კავგოლოვსკოე
5,4
5
2020 წანაშ მუნაჩემეფით, ოლქიშ მახორობა 1 876 392 ადამიერს აკმადგინანდჷ, მეჭედალა — 22,36 ად./კმ².
მახორობაშ ეთნიკური აკოდგინალუა, 2010 წანა, %[ 2]
რუსეფი
92,7
ფინარეფი
0,3
უკრაინალეფი
2,0
ჩაჩანეფი
0,2
ბელარუსეფი
1,1
ტაჯიკეფი
0,2
თათარეფი
0,5
მოლდავარეფი
0,2
სომეხეფი
0,4
ვეპსეფი
0,1
უზბეკეფი
0,4
იჟორეფი
0,01
აზერბაიჯანალეფი
0,4
ვოდეფი
0,002
ლენინგრადიშ ოლქის დებადეს:
ლეონიდ ალექსეევი (1902—1988) — სხუნუეფიშ რსხუშ ოურდუმე მოღალე, არტილერიაშ გენერალ-ლეიტენანტი (1945), გენერალ-ლეიტენანტი (1984).
თედორე აფანასევი (1898 — 1971) — სხუნუეფიშ რსხუშ ოურდუმე მოღალე, პოლკოვნიკი (1940).
მარტი აჰტისაარი (1937) — ფინარი პოლიტიკოსი დო დიპლომატი, ფინეთიშ პრეზიდენტი 1994-2000 წანეფს.
ვლადიმერ ბელოუსოვი (1946) — სპორტსმენი, ოლიმპიური ჩემპიონი.
ვლადიმერ ბისტროვი (1984) — მობურთე.
მიხეილ ვაშუკოვი (1958) — არტისტი, კუპლეტისტი, იუმორისტი.
თედორე ვასილიევი (1850—1873) — ხანტუ.
თედორე ვოლკოვი (1898—1954) — სხუნუეფიშ რსხუშ ოურდუმე მოღალე, გენერალ-ლეიტენანტი, სხუნუეფიშ რსხუშ გერგეზი .
მიხეილ გორშენიოვი (1973) — ვოკალისტი, როკ-ბუნაშ „მაფა დო ციგანი“ დჷმარსხუაფალი.
ლეონიდ გუბანოვი (1928—2004) — კინოშ დო თეატრიშ არტისტი, სსრრ -იშ ოკათე არტისტი (1989).
ნიკოლაი იგნატოვი (1901—1985) — სხუნუეფიშ რსხუშ ოურდუმე მოღალე, არტილერიაშ გენერალ-ლეიტენანტი (2 გერგობათუთა 1944 ). სხუნუეფიშ რსხუშ გერგეზი .
ალექსანდრე კერჟაკოვი (1982) — მობურთე.
ორესტ კიპრენსკი (1782—1836) — ხანტუ.
ალექსანდრე მაქსიმოვი (1901—1952) — სხუნუეფიშ რსხუშ ოურდუმე მოღალე, გენერალ-ლეიტენანტი (1945 ).
ალექსანდრე მოსტოვოი (1968) — სხუნუეფიშ დო რუსეთიშ მობურთე.
ვიტალი პეტროვი (1984) — ავტომარულე.
ნიკოლოზ რიმსკი-კორსაკოვი (1844—1908) — ჩინებული რუსი კომპოზიტორი.კონდრატი რილეევი (1795—1826) — პოეტი, დეკაბრისტი.
ელიზავეტა ტომბერგი (1909—1988) — თეატრიშ არტისტი, სსრრ -იშ პკათე არტისტი (1959).
პეტრე ჩიხაჩიოვი (1808—1890) — გეოგრაფი, კუზნეცკიშ ღანჩოშ მემაგორაფალი.
ვიკიოწკარუეს
? რე ხასჷლა თემაშენ:
რუსეთი
1 876 392 (25-ა აბანი)
