ფარაონი

ჯვეში ეგვიპტარი ფარაონი
ჯვ. ეგვ. pr ꜥꜣ —
„კაბეტი ჸუდე“
იეროგლიფეფს
O1
O29

ფარაონი — ჯვეში ეგვიპტარი მაფეფიშ ტიტული. ფარაონეფი უკაბეტაშ როლს არსულენდეს ეგვიპტარეფიშ რინას. თინეფი ართ ბორჯულო ქიანაშ მამართალეფთ რდეს დო უმაღალაში ქურუმეფჷთ. ფარაონი ხორციელ ჸოფუ ღორონთი დიხაუჩას დო ღორონთი ღურაშ უკული. კჷნ ტერმინი „ფარაონი“ ჟირი ზიტყვაშ მენასვარებუ რე: „პერ-აა“, ნამუთ „კაბეტ ჸუდეს“ შანენდჷ. ფარაონს ქარაგმულო მიშინუანდეს, თიშ გეშა, ნამჷ-და ტაბუგედვალირი ჸოფედუკონ. თე ჯოხოშ ხონარმარალო წჷმორაგადი ვეშილებედჷ.

გინოჩამაშ მეჯინათ, პირველი ფარაონი კჷნე ღორონთი „რა“ რდჷ. უკული ეკოჸუნდეს შხვა ღორონთეფი. მოგვიანაფათ ხვისტაშა ოსირისიშ დო ისიდაშ ქომოლსქუა ჰოროსის ეშულებჷ. ჰოროსი ეგვიპტეშ ჸოფირი დინასტიაშ ფარაონიშ პირველსახე დო პორტრეტი რე. ირი ფარაონი რაშ დო ხორიშ გამნარყო იკოროცხუდჷ დო თიში თ.ჯ ტიტულატურა ხუთი ჯოხოშე აკმოდირთუდჷ: ხორიშ, ორქოშ ხორიშ, ჟირი ოსურღორონთიშ (ჟიმოლენი დო თუდოლენი ეგვიპტეშ მაფენი+ჯოხო) დო რაშ ქომოლსქუაშ ჯოხოეფშე. ფარაონს შხვადოშხვა ვითარაფას შხვადოსხვა ჯოხოეფით მიშინუანდეს. „პერ-აა“-ს დუდშე ფარაონიშ ჯოხოს უძახუდეს, მეხოლაფირო შქა ომაფეშ დათებუშე — კჷნე მუ ფარაონსთ თაშ მიშინუანდეს.

ნოღა დაპურიშ ეჭოფუა რამსეს II-შით, ახალი ომაფე
nswt-bjtj —
ჟილენი დო თუდოლენი
ეგვიპტეშ ფარაონი
იეროგლიფეფს
sw
t		 L2
t


A43A45


S1
t		 S3
t


S2S4


S5

ეგვიპტარეფს წანდეს, ნამჷ-და ფარაონეფი დიაფალიშ დო რაშ ჰიეროგამიური რსხუშ უკული გჷთმორჩქინდუდეს. ფარაონს ანდა ალმასქუ ჸუნდჷ, მარა თარი ართი რდჷ დო ქიანაშ დიაფალიშ ტიტულჷთ უღჷდეს. ხვალე ფარაონიშ დო დიაფალიშ საკრალური რსხუშ შედეგო ბადებული ბაღანა შილებე გჷნორთედუკო ეგვიპტეშ ფარაონი. ეგვიპტეს ფარაონი ოსურეფჷთ დუდენდეს (ნიტოკრისი — VI დინასტია; ნეფრუსებეკი — XII დინასტია, ჯვ. წ. 1789-1785; ჰატშეფსუტი — XVIII დინასტია, ჯვ. წ. 1490-1468). არძა ეგვიპტურ ოხიდას ვარადენდეს ფარაონს, მუჭოთ ღორონთს. კჷნე მუ ფარაონით ღორონთს უხვიენდჷ. თინა ღორონთკოჩო იკოროცხუდჷ დო ჯერდეს, ნამჷ-და ფარაონს დო ღორონთს შქას უკურცუაფუ რსხუ რდჷნ.

რესურსეფი ინტერნეტის