Bunun Cho̍k

Bunun-cho̍k sī Tâi-oân ê 1-ê goân-chū-bîn-cho̍k. In khiā tī Po͘-lí (埔里) lâm-pêng ê Tiong-iong Soaⁿ-lêng tē-khu kap soaⁿ-lêng ê tang-pêng, it-ti̍t kàu Ti-pún Chú-soaⁿ (知本主山) pak-pêng ê só͘-chài.

Bunun-cho̍k thôan-thóng khah kah-ì tòa tī soaⁿ--ni̍h, chhim-soaⁿ-tau-té tiāⁿ ū in ê siā-lí. Bunun sī pē-hē-siā-hōe, ēng tōa ka-cho̍k chò cho͘-chit.

Kàu 2003 nî ê thóng-kè, Bunun-cho̍k lóng-chóng ū 4-bān-gōa lâng.

Bunun-cho̍k hun-chò 6-ê tōa kûn:

• take todo (Hôa-gí: 卓社群; tī Lâm-tâu-kōan Gio̍k-san hū-kīn)
• take bakha (Hôa-gí: 卡社群; tī Lâm-tâu-kōan tang-pō· soaⁿ-khu hū-kīn)
• take vatan (Hôa-gí: 丹社群, tī Lâm-tâu kap Hoa-lian 2-kōan ê keh-kài hū-kīn)
• take banuad (Hôa-gí: 巒社群, tī Lâm-tâu-kōan kap Ka-gī-kōan 2-kōan kau-kài ê Gio̍k-soaⁿ hit-hū-kīn)
• isbukun (Hôa-gí: 郡社群, khiā tī Lâm-tâu Sìn-gī-hiong (信義鄉) ê Tang-po͘ (東埔), Lô-nā (羅娜), Bêng-tek (明德) kap Tâi-tang-kōan Hái-toan-hiong (海端鄉), Iân-pêng-hiong (延平鄉) hām Ko-hiông-chhī ê Namasia-khu kap Thô-gôan-khu, lâng siōng chē)
• takopulan (Hôa-gí kán-séng kóng: 蘭社群, tī Lâm-tâu ê Tiong-iong soaⁿ-lêng khu-he̍k, lâng siōng-chió. Í-keng tōa-hūn khì hǒ͘ tông-hòa--ah)