Chiu Kia̍t-lûn

Chiu Kia̍t-lûn
2008 nî
Poē-kéng chu-sìn
Chāi-tē miâ	周杰倫
Phian-miâ	Chiu Táng (周董); Jay Chou
Kok-che̍k	Tâi-oân
Chhut-sì	1979 nî 1 goe̍h 18 ji̍t （1979-01-18）(46 hòe)  Tâi-oân Tâi-pak-koān Nâ-kháu-hiong (kin-á-ji̍t Sin-pak-chhī Nâ-kháu-khu)
Chhut-tō͘	tī  Tâi-oân Tâi-pak
Im-ga̍k Lūi-hêng	Mandopop Hoâ-gí rock Latin soul Hoâ-gí hip hop R&B
Chit-gia̍p	koa-chhiú, chok-khek-ka, chok-sû-ka, chhiùⁿ-poâⁿ chè-chok-jîn, tiān-iáⁿ ián-oân
Ga̍k-khì	Lâng-siaⁿ kǹg-khîm cello gì-tah kó͘-cheng phín-á kó͘ beatbox
Oa̍h-hiáⁿ	2000–taⁿ
Chhiùⁿ-poâⁿ kong-si	Alfa Music (1999–2007) JVR Music (2007–taⁿ) Sony Music Taiwan (2008–taⁿ)
Gí-giân	Hôa-gí, Tâi-gí, Oa̍t-gí
Kàu-io̍k	Tām-kang Ko-tiong
Chong-kàu	Ki-tok-kàu
Phoè-ngó͘	Khun Lêng (m. 2015 nî)
Kiáⁿ-jî	3
Pē-bú	Chiu Iāu-tiong (周耀中, lāu-pē) Ia̍p Hūi-bí (葉惠美, lāu-bú)
Bāng-chām	http://www.jvrmusic.com/

Chiu Kia̍t-lûn (周杰倫; Eng-bûn: Jay Chou; 1979 nî 1 goe̍h 18 ji̍t chhut-sì ) sī Tâi-oân ê chi̍t ê liû-hêng-koa koa-chhiú, chok-khek-ka, chok-sû-ka, chhiùⁿ-poâⁿ chè-chok-jîn kap tiān-iáⁿ ián-oân. I hō͘ lâng kiò chò "Mandopop ê kok-ông" (King of Mandopop), i ê chhiùⁿ-poâⁿ lóng-chóng bē-chhut chhiau-koè 3000 bān tiuⁿ, sī Tâi-oân chhiùⁿ-poâⁿ bē-chhut siāng chē ê lâng.^[1]

Chiu Kia̍t-lûn ka-kī chok-khek kap chú-chhiùⁿ ê koa, koa-sû chē-chē sī Png Bûn-san (方文山) siá--ê, loē-iông pí it-poaⁿ ê liû-hêng koa-khek koh khah tōa-táⁿ tam lâng m̄-bat chhú-lí--kòe ê tê-châi, pí-jû Pà, ngó͘ hoê-lâi liáu (爸，我回來了) ê ka-têng po̍k-le̍k, Siang-chiat-kùn (雙節棍) ê bú-su̍t, Ài chāi se-goân-chêng (愛在西元前) ê sè-kài le̍k-sú, Sù-biān-chhó͘-ko (四面楚歌) ê paparazzi téng-téng.

Chiu Kia̍t-lûn tī Tâi-pak-koān Nâ-kháu-hiong (kin-á-ji̍t Sin-pak-chhī Nâ-kháu-khu) chhut-sì, i ê lāu-pē Chiu Iāu-tiong (周耀中) sī Lô͘-chiu Kok-tiong (蘆洲國中) kà seng-bu̍t ê sian-siⁿ, lāu-bú Ia̍p Hūi-bí (葉惠美) sī Nâ-kháu Kok-tiong (林口國中) ê bí-su̍t sian-siⁿ. 14 hoè ê sî-hāu pē-bú lī-iân, iû lāu-pē chò i ê kàm-hō͘-jîn; kàu 18 hoè í-āu i soán-te̍k kah lāu-bú toà.

Chiu Kia̍t-lûn chū sè-hàn tùi im-ga̍k hèng-chhù chin toā, i tī 3 hòe khai-sí o̍h kǹg-khîm, 16 hòe khai-sí chhì siá-khek. 1997 nî 8 goe̍h, i ê tông-ha̍k chham-ka tiān-sī chhiùⁿ-koa pí-sài ê sî-hāu niū i toâⁿ kǹg-khîm phōaⁿ-chàu, tī chia chiat-bo̍k lāi-bīn Chiu Kia̍t-lûn siū kàu Ngô͘ Chong-hiàn chù-ì. Put-jî-kò, Ngô͘ Chong-hiàn jīn-ûi i bô-kàu iân-tâu, bô hoat-tō͘ khah khoài chhut-miâ, só͘-í niū i choan-sim siá-koa; i chia--ê chok-phín chē-chē ū chiâⁿ-chò hit-tong-sî chin liû-hêng ê koa-khek.

2000 nî, Chiu Kia̍t-lûn hoat-hêng kā-kī thâu tiuⁿ kò-jîn chhiùⁿ-poâⁿ Jay, chèng-sek chhut-tō. Keh-nî i hoat-hêng sin ê chhiùⁿ-poâⁿ Hoān-te̍k-se, chia chhiùⁿ-poâⁿ ê koa kiat-ha̍p tang-hng kap sai-hng ê im-ga̍k hong-keh, niū i chi̍t-ē-á chhut-miâ. Hoān-te̍k-se chia chhiùⁿ-poâⁿ ti̍t kàu hit nî Kim Khek Chióng 5 ê chióng-hāng. Í-āu i hoat-hêng cha̍p-kúi tiuⁿ kò-jîn chhiùⁿ-poâⁿ, tī Tiong-kok, Hiong-káng, Má-lâi-se-a, Sin-ka-pho téng-téng kok-ka mā siū kàu chiok chē lâng hoan-gêng. Kàu 2019 nî, i khui koè 6 tiûⁿ sè-kài sûn-hoê ián-chhiùⁿ-hoē, lóng-chóng ū 1000 bān lâng khì hiān-tiûⁿ khoàⁿ koè.^[2]

2007 nî, i sêng-li̍p i kā-kī ê chhiùⁿ-poâⁿ hoē-siā JVR Music.^[3] Tû-liáu chhit-thô im-ga̍k, Chiu Kia̍t-lûn mā sī chi̍t ê ián-oân, tùi 2005 nî khai-sí iáⁿ tiān-iáⁿ, i iáⁿ ê thâu ê tiān-iáⁿ sī Thâu-bûn-jī D. 2011 nî, i chhut-iáⁿ Hollywood tiān-iáⁿ The Green Hornet, tī Sai-hng kok-ka khai-sí ū ti-miâ-tō͘.^[4]

• Jay (2000)
• Hoān-te̍k-se (2001)
• Pat-tō͘ Khong-kan (2002)
• Ia̍p Hūi-bí (2003)
• Chhit-lí-hiong (2004)
• Si̍p-it-goa̍t tek Siau-pang (2005)
• I-jiân Hoān-te̍k-se (2006)
• Ngó͘ hún bông (2007)
• Mô͘-kia̍t-chō (2008)
• Khoà Sî-tāi (2010)
• Keng-thàn-hō (2011)
• 12 Sin Chok (2012)
• Ai-iu, put-chhok ô͘ (2014)
• Chiu Kia̍t-lûn tek Chhông-pian Kò͘-sū (2016)
• Choè Úi-tāi tek Chok-phín (2022)

Ū hong-siaⁿ kóng Chiu Kia̍t-lûn kah Chhoà I-lîm, Chhî Jio̍k-soan, Un Lâm, Loā Bî-jû (賴薇如) téng-téng cha-bó͘ bêng-chheⁿ loân-ài koè, Kî-tiong i Chhoà I-lîm loân-ài koè hong-siaⁿ siōng ū-miâ. 2005 nî, i sêng-jīm kā-kī tī-leh tui-kiû Hâu Poē-gîm (侯佩岑).

2014 nî 10 goe̍h, Chiu Kia̍t-lûn kap Khun Lêng kiat-hun.^[30] In taⁿ ū 3 ê gín-á.

• Chiu Kia̍t-lûn tī MusicBrainz(Eng-gí)
• Chiu Kia̍t-lûn ê Facebook choan-ia̍h
• Chiu Kia̍t-lûn tī Instagram
• Chiu Kia̍t-lûn tī Bāng-lō͘ Tiān-iáⁿ Chu-liāu-khò͘
• "周杰倫為比中指認錯" （世界日報網上報道 2005-nî 8-go̍eh 12）^{[íng-íng bô-hāu ê liân-kiat]}
• 周杰伦图文写真：D调的华丽(连载) Archived 2006-04-21 at the Wayback Machine.
• 《周杰倫擬索償１億台幣 Archived 2007-02-11 at the Wayback Machine.》，載香港《東方日報》，2006 nî 2 go̍eh 26