Lîm Khái-ui
 | 這篇文章有漢字兮版本。 參考這篇文章兮漢字版本。 |
| îm Khái-ui 林凱威 | |||
|---|---|---|---|
 2016 nî hip ê siòng | |||
| Bī-choân Liông – No. 99 | |||
| Tâu-chhiú | |||
Chhut-sì: 1996 nî 3 goe̍h 19 ji̍t (28 hòe) Tiong-hôa Bîn-kok Hoa-liân-koān | |||
| |||
| Chho͘-chhù chhut-sài | |||
| 2022 nî 8 goe̍h 3 hō, tī Bī-choân Liông | |||
| Seng-gâi sò͘-kì thóng-kè (chì 2024 nî ûi-chí) | |||
| sèng-tâu — pāi-tâu | 4-5 | ||
| tiong-kè — kiù-oān | 43-21 | ||
| sa̋n-sín — sì-sí | 103-40 | ||
| hông-gū-lu̍t | 3.64 | ||
| Tūi-ngó͘ | |||
|
MiLB
ALPB
CPBL
| |||
| Seng-gâi cheng-chhái piáu-hiān kah ti̍t-chióng | |||
|
| |||
| Tit-kàu ê chióng | ||
|---|---|---|
| Lâm-chú iá-kiû | ||
Representing  Tiong-hôa Tâi-pak
| ||
| Sè-kài Iá-kiû 12-kiông Sài | ||
 |
2024 nî Tang-kiaⁿ | thoân-tūi |
| A-chiu Chit-pāng Koan-kun Cheng-pà-sài | ||
 |
2023 nî Tang-kiaⁿ | thoân-tūi |
| A-chiu Chheng-pāng Kím-phiau-sài | ||
|
2014 nî Bān-kok | thoân-tūi |
Lîm Khái-ui (1996 nî 3 goe̍h 19 chhut-sì ), sī Tâi-oân ê chit-gia̍p iá-kiû soán-chhiú, A-bí-cho̍k lâng, bat-tī Bí-kok Chit-pāng A-lī-song-ná Hiáng-bóe-chôa hāu-le̍k, tī Bí-kok Chit-pāng siōng koân ê chân-kip sī 2A, bo̍k-chiân tī Tiong-hôa Chit-pāng ê Bī-choân Liông, siú-pī ūi-tì sī tâu-chhiú.
Seng-gâi
2014 nî, hit-tang-chūn iá tī Sêng-tek Ko-tiong tha̍k-chheh ê Lîm Khái-ui hőng kéng ji̍p-khì 2014 nî A-chiu Chheng-pāng Kím-phiau-sài, tī chún-koat-sài tong-tiong tùi-chiàn Ji̍t-pún sian-hoat chhut-sài, tān-sī lo̍h-bóe tī 9-kio̍k-hā hőng tò-iâⁿ, chòe-āu Lîm Khái-ui oân-tâu pāi[1], m̄-koh tī 2015 nî, tio̍h í 30-bān Bí-kim ê chhiam-iok-kim ka-ji̍p Bí-kok Chit-pāng A-lī-song-ná Hiáng-bóe-chôa[2], chèng-sek khai-sí i ê chit-pāng seng-gâi.
Bí-kok Chit-pāng Sî-kî
2018 nî, pún-té hőng kéng ji̍p-khì 2018 nî U-23 Sè-kài-poe Iá-kiû-sài ê kok-ka-tūi, tān-sī lo̍h-bóe in-ūi Hiáng-bóe-chôa kiû-thoân bô ài hō͘ i khì chőaⁿ thè-chhut[3].
2019 nî, tī sió-liân-bêng piáu-hiān chiâⁿ hó ê Lîm Khái-ui hőng kéng ji̍p-khì 2019 nî Sè-kài Iá-kiû 12-kiông Sài, mā sī kàu Bí-kok phah-kiû liáu-āu thâu-chi̍t-pái ka-ji̍p kok-ka-tūi[4], lo̍h-bóe Tiong-hôa-tūi sūn-lī ji̍p-khì ho̍k-sài, tit-tio̍h tē-5-miâ ê sêng-chek.
2022 nî, seng-gâi thâu-chi̍t-pái peh khì--lí 2A, tān-sī kùi-tiong hō͘ Hiáng-bóe-chôa kiû-thoân sek-chhut[5], āu--lâi Lîm Khái-ui sûi khì Bí-kok to̍k-li̍p liân-bêng ê Tāi-se-iôⁿ Chit-gia̍p Iá-kiû Liân-bêng Tn̂g-tó Ah, kè-sio̍k lâu tī Bí-kok tán-thāi ki-hōe[6], lo̍h-bóe tī 2022 nî 6 goe̍h 29, Tiong-hôa Chit-pāng Soán-siù-hōe pò-miâ kiat-sok chìn-chêng hiòng liân-bêng oân-sêng pò-miâ, khak-tēng ē tńg-khì Tâi-oân chham-ka soán-siù[7].
Tiong-hôa Chit-pāng Sî-kî
Tī 2022 nî ê soán-siù-hōeténg-koân, Lîm Khái-ui tī tē-1-lûn tit-tio̍h Bī-choân Liông ê chí-miâ, m̄-koh i iá tī Bí-kok ê to̍k-li̍p liân-bêng chhut-sài[8], it-ti̍t kàu 2022 nî 7 goe̍h 26 Bī-choân Liông kā to̍k-li̍p liân-bêng ê ha̍p-iok bé-tó-tn̄g, chèng-sek kā Lîm Khái-ui chhiam--lo̍h-lâi, chóng kè-ta̍t sī 2.5 nî lóng-chóng 1470-bān-kho͘ ê ho̍k-sò͘-nî ha̍p-iok[9].
2022 nî 8 goe̍h 3 hō, oân-sêng Tiong-hôa Chit-pāng chho͘-teng-pán, kiù-oān 1-kio̍k bô sit-hun, pēng-chhiáⁿ tī 8 goe̍h 9 hō tit-tio̍h thâu-chi̍t-ê tiòng-kè sêng-kong[10].
2023 nî, goân-pún hőng kéng ji̍p-khì Sè-kài Iá-kiû Keng-tián-sài ê 35-lâng miâ-toaⁿ, tān-sī lo̍h-bóe bô hőng kéng ji̍p-khì 30-lâng chèng-sek miâ-toaⁿ lāi-té[11]. Pēng-chhiáⁿ tī hit-nî kái chò chiong-kiat-chiá. 7 goe̍h hőng kéng ji̍p-khì A-ūn ê kok-ka-tūi, m̄-koh tī 9 goe̍h A-ūn khai-sí chìn-chêng in-ūi tò-kha tio̍h-siong hőng ōaⁿ-tiāu[12]; tān-sī tī A-ūn pí-sài kî-kan i ê kha tio̍h hó-ah, ti̍t-chiap tńg-khì kàu it-kun chhut-sài, hőng hoâi-gî kám-sī leh chà-siong, siám-phiah kok-ka-tūi teng-tiàu ê gī-bū (kin-kì hoat-lu̍t, sêng-chek iu-ī ê iá-kiû soán-chhiú ē-tàng bián kah it-poaⁿ ê lâng ho̍k kāng-khoán ê peng-e̍k, tān-sī nā kok-chè pí-sài siū-tio̍h kok-ka-tūi teng-tiàu ū kiông-chè chham-ú ê gī-bū)[13], ín-khí kiû-bê ê thó-lūn[14].
2023 nî 10 goe̍h 24, í gōa-khah kiû-oân sin-hūn hőng kéng ji̍p-khì A-chiu Chit-pāng Koan-kun Cheng-pà-sài, sī chū 2019 nî liáu-āu koh-chi̍t-pái ka-ji̍p kok-ka-tūi[15].
2024 nî hőng kéng ji̍p-khì Sè-kài Iá-kiû 12-kiông Sài ê kok-ka-tūi miâ-toaⁿ lāi-té, lo̍h-bóe Tiong-hôa-tūi tit-tio̍h Tâi-oân tī 3-tōa-sài (Ò-ūn, 12-kiông, Keng-tián-sài) ê thâu-chi̍t-ê koan-kun.
Chit-pāng Seng-gâi Sêng-chek
| Nî-tō͘ | Kiû-tūi | Chhut-sài | Sian-hoat | Sèng-tâu | Pāi-tâu | Tiong-kè | Kiù-oān | Oân-tâu | Oân-hong | Sì-sí | Sa̋n-sín | Chek-sit | Tâu-kiû kio̍k-sò͘ | Chū-chek-hun-lu̍t | Hőng chiōⁿ-lúi-lu̍t |
|---|---|---|---|---|---|---|---|---|---|---|---|---|---|---|---|
| 2022 | Bī-choân Liông | 33 | 0 | 0 | 3 | 18 | 0 | 0 | 0 | 8 | 26 | 9 | 33.1 | 2.43 | 1.20 |
| 2023 | Bī-choân Liông | 51 | 0 | 3 | 1 | 12 | 18 | 0 | 0 | 19 | 48 | 21 | 52.2 | 3.59 | 1.08 |
| 2024 | Bī-choân Liông | 47 | 0 | 1 | 1 | 13 | 3 | 0 | 0 | 13 | 29 | 23 | 45.0 | 4.60 | 1.33 |
| Ha̍p-kè | 3-tang | 131 | 0 | 4 | 5 | 43 | 21 | 0 | 0 | 40 | 103 | 53 | 131 | 3.64 | 1.20 |
Chham-khó Chu-liāu
- ↑ "U18亞青準決賽 林凱威完投1分惜敗日本". 蘋果日報. 2014-09-05. Goân-pún bāng-ia̍h Pó-chûn tī 2022-08-11. 2022-08-11 khòaⁿ--ê.
- ↑ "〈MLB〉林凱威加盟響尾蛇 已在美國秋訓". Yahoo奇摩. 2015-09-27.
- ↑ "U23世界盃》響尾蛇不放行 蝴蝶球投手蔡易廷遞補林凱威". 自由時報. 2018-09-17. Goân-pún bāng-ia̍h Pó-chûn tī 2022-08-11. 2022-08-11 khòaⁿ--ê.
- ↑ "林凱威開心入選12強 王建民箴言截圖保存". TSNA. 2019-10-08. Goân-pún bāng-ia̍h Pó-chûn tī 2022-08-11. 2022-08-11 khòaⁿ--ê.
- ↑ "MiLB》旅美第8年爬上2A 林凱威狀況好卻遭響尾蛇釋出". 自由時報. 2022-05-24. Goân-pún bāng-ia̍h Pó-chûn tī 2022-08-11. 2022-08-11 khòaⁿ--ê.
- ↑ "林凱威加盟獨立聯盟長島鴨隊 續留美國打拚". 中央社. 2022-05-29. Goân-pún bāng-ia̍h Pó-chûn tī 2022-08-11. 2022-08-11 khòaⁿ--ê.
- ↑ "林凱威壓線報名確定選秀！今年旅外最大物衝擊首輪". ETtoday新聞雲. 2022-06-29. Goân-pún bāng-ia̍h Pó-chûn tī 2022-08-11. 2022-08-11 khòaⁿ--ê.
- ↑ "林凱威選秀榜眼首輪味全龍挑走 今天還在獨立聯盟出賽". TSNA. 2022-07-11. Goân-pún bāng-ia̍h Pó-chûn tī 2022-08-11. 2022-08-11 khòaⁿ--ê.
- ↑ "味全龍首輪林凱威正式加盟 月薪45萬、合約總值1470萬元". ETtoday新聞雲. 2022-07-26. Goân-pún bāng-ia̍h Pó-chûn tī 2022-07-30. 2022-08-11 khòaⁿ--ê.
- ↑ "奪中職首次中繼成功 龍榜眼林凱威自認有1缺點要改". 三立新聞. 2022-08-10. Goân-pún bāng-ia̍h Pó-chûn tī 2022-08-22. 2022-08-11 khòaⁿ--ê.
- ↑ "經典賽》只帶14投割愛吳哲源、林凱威 餅總說分明". 中時新聞網. 2023-02-06. Goân-pún bāng-ia̍h Pó-chûn tī 2023-11-09. 2023-11-09 khòaⁿ--ê.
- ↑ "棒球／林凱威退出亞運、遞補吳念庭 西武球團同意放行". 聯合新聞網. 2023-09-10. Goân-pún bāng-ia̍h Pó-chûn tī 2023-11-09. 2023-11-09 khòaⁿ--ê.
- ↑ "杭州亞運/林凱威神恢復升一軍慘被網虧「不演了」 味全龍有話要說". 中天新聞. 2023-09-22. Goân-pún bāng-ia̍h Pó-chûn tī 2024-05-22. 2024-05-22 khòaⁿ--ê.
- ↑ "林凱威因傷退出亞運卻將回母隊比賽引熱議 味全龍球團回應". TSNA. 2023-09-22. Goân-pún bāng-ia̍h Pó-chûn tī 2023-11-09. 2023-11-09 khòaⁿ--ê.
- ↑ "亞冠賽中職正式名單公佈 陳傑憲3人外卡領軍". ETtoday新聞雲. 2023-10-24. Goân-pún bāng-ia̍h Pó-chûn tī 2023-11-09. 2023-11-09 khòaⁿ--ê.
Gōa-pō͘ Liân-kiat
Tâi-oân Pāng-kiû Wiki-koán：林凱威(1996)(Hàn-gí)
- 小聯盟官方網站Archived 2020-08-03 at the Wayback Machine.
| |||||||||||||||||||||||||||||||||||||
| ||||||||||||
| ||||||||||||||||||||||||||||||||
| ||||||||||||||||||||||||||||||||