N̂g-tâng

N̂g-tâng (黃銅; Eng-bûn: brass) sī tâng hām a-iân ê n̂g-sek ha̍p-kim. Tâng hâm-liōng 62% chì 68% ê n̂g-tâng, i-ê iông-tiám hun-pō͘ tī 934°C chì 967°C chó-iū. N̂g-tâng i pún-sin ê ki-hâi kap nāi-mô͘ sèng-chit lóng chiâⁿ hó, tiāⁿ-tiāⁿ the̍h-lâi tòng-chò sī chè-chok cheng-bi̍t gî-khì, chûn ê lêng-kiāⁿ, iáu-ū chhèng kap phàu ê chhèng-chí-khak kap phàu-tôaⁿ ê goân-liāu. A-iân hâm-liōng bô-kāng ê n̂g-tâng ē bô-kāng sek; a-iân hâm-liōng 18% chì 20% ê n̂g-tâng têng-hiān âng-n̂g-sek, ah 20% chì 30% ê n̂g-tâng ē têng-hiān chang-n̂g-sek. Lēng-gōa, n̂g-tâng khiak--khí-lâi ê siaⁿ-im chin te̍k-pia̍t, só͘-í tang-hong ê lô, poa̍h, kap lêng chē-chē ga̍k-khì, iáu-ū se-hong ê tâng-koán ga̍k-khì lóng sī iōng n̂g-tâng lâi chè-chok--ê.