Tiong-hôa Chit-gia̍p Pāng-kiû Tāi Liân-bêng
Bo̍k-chêng kiû-kùi he̍k-chiá pí-sài: Tiong-hôa Chit-pāng 26 nî | |
Ūn-tōng | Iá-kiû |
---|---|
Sêng-li̍p | 1989 nî |
Tūi-ngó͘ sò͘-liōng | 4 tūi |
Kok-ka | Tâi-oân |
Chòe-kīn koan-kun | Lamigo Thô-oân (4) |
Siōng-chē koan-kun | Thóng-it Sai (9) |
Tiong-hôa Chit-gia̍p Pāng-kiû Tāi Liân-bêng (Hàn-jī: 中華職業棒球大聯盟; sok-siá CPBL), kán-chheng Tiong-hôa Chit-pāng (中華職棒), Tiong-chit (中職), sī bo̍k-chêng Tâi-oân (Tiong-hôa Bîn-kok) ûi-it jî-chhiáⁿ sêng-li̍p siōng-chá ê chit-gia̍p iá-kiû liân-bêng. I ê chiân-sin sī tī 1989 nî chhòng-li̍p ê Tiong-hôa Chit-gia̍p Pāng-kiû Liân-bêng (中華職業棒球聯盟); chhòng-sí kiû-tūi ū Bī-choân Liông, Heng-tē Chhiūⁿ, Sam-siong Hó͘ kah Thóng-it Sai. 2003 nî, Tiong-hôa Chit-pāng hām Tâi-oân Chit-gia̍p Pāng-kiû Tāi Liân-bêng ha̍p-pèng liáu-āu, kái-miâ chò chit-má ê miâ-chheng. Bo̍k-chêng, Tiong-hôa Chit-pāng iû 4 ki tūi-ngó͘ chó͘-sêng, hun-pia̍t sī Gī-tāi Sai-gû, Lamigo Thô-oân, Tiong-sìn Heng-tē kah Thóng-it Sai, kēng-sài tē-tiûⁿ chú-iàu hun-pò͘ Thô-hn̂g, Tâi-tiong, Tâi-lâm kah Ko-hiông téng-téng tōa-hêng to͘-chhī.