Etniese groep

Versameling van etniese groepe

'n Etniese groep of etnisiteit is 'n kategorie vir mense wat met mekaar identifiseer, gewoonlik op die basis van 'n vermoede gemeensame oorsprong of herkoms of op ooreenkomste soos 'n gemeensame taal of dialek, geskiedenis, samelewing, kultuur of nasie.[1][2] Die term etnisiteit word dikwels sinoniem met nasie, veral in gevalle van etniese nasionalisme, gebruik, en is apart van, maar hou verband met die konsep van rasse.

Etnisiteit is gewoonlik 'n oorgeërfde status gebaseer op die samelewing waarin 'n mens leef. Die lidmaatskap aan 'n etniese groep word gewoonlik deur 'n gedeelde kulturele erfenis, herkoms, oorsprongsmite, geskiedenis, vaderland, taal of dialek, simboliese stelsels soos godsdiens, mitologie en rituele, kombuis, aantrekstyl, kuns of fisieke voorkoms gedefinieer. Etniese groepe praat gereeld verwante tale en deel 'n soortgelyke genepoel. As gevolg van taalverskuiwing, akkulturasie, aanneming of godsdienstige bekering is dit soms moontlik vir individue of groepe om die een etniese groep te verlaat en deel te word van 'n ander (behalwe vir etniese groepe wat homogeniteit of rasuiwerheid as 'n belangrike lidmaatskapkriterium beklemtoon).

Die grootste etniese groepe in moderne tye bestaan uit honderde miljoene se individue (met die Han-Chinese wat die grootste is), terwyl die kleinstes beperk is tot 'n paar dosyn individue (talle inheemse volke wêreldwyd). Etniese groepe kan in subgroepe of stamme onderverdeel word, wat mettertyd as gevolg van endogamie of fisiese isolasie van die ouergroep self etniese groepe kan word. Omgekeerd kan voorheen afsonderlike etnisiteite saamsmelt om 'n pan-etnisiteit te vorm (soos die Han-Chinees) en kan uiteindelik in een enkele etnisiteit saamsmelt. Òf dit nou deur verdeling óf samesmelting is, die vorming van 'n aparte etniese identiteit word etnogenese genoem.

Verwysings

  1. ↑ "ethnicity: definition of ethnicity". Oxford Dictionaries (in Engels). Oxford University Press. Geargiveer vanaf die oorspronklike op 6 Maart 2016. Besoek op 28 Desember 2013.
  2. ↑ (en) People, James; Bailey, Garrick (2010). Humanity: An Introduction to Cultural Anthropology (9de uitg.). Wadsworth Cengage learning. p. 389.

Eksterne skakels

Hierdie artikel is in sy geheel of gedeeltelik vanuit die Engelse Wikipedia vertaal.