Suiderstrand

Suiderstrand
Suiderstrand uit 'n helikopter afgeneem
Suiderstrand uit 'n helikopter afgeneem
Suiderstrand is in Wes-Kaap
Suiderstrand
Suiderstrand
 Suiderstrand se ligging in Wes-Kaap
Koördinate: 34°48′54″S 19°57′29″O / 34.81500°S 19.95806°O / -34.81500; 19.95806
LandVlag van Suid-Afrika Suid-Afrika
ProvinsieWes-Kaap
DistrikOverberg
MunisipaliteitKaap Agulhas
Oppervlak
 • Totaal1,38 km2 (0,53 vk. myl)
Bevolking
 (2011)[1]
 • Totaal44
 • Digtheid32/km2 (80/vk. myl)
Rasverdeling (2011)
 • Bruin mense93.2%
 • Swart mense6.8%
Taal (2011)
 • Afrikaans 88.6%
 • Engels 11.4%

Suiderstrand is ’n gehuggie in Agulhas Nasionale Park in die Wes-Kaap, Suid-Afrika. Dit val binne die Kaap Agulhas Plaaslike Munisipaliteit wat ’n deel van die Overberg-distriksmunisipaliteit uitmaak.

Missie en Visie van die Suiderstrandgemeenskap

Missie

Suiderstrand is 'n gemeenskap verbind tot die bestuur van die balans tussen die gesamentlike visie en behoeftes van sy inwoners en die voorskrifte van sy omgewing. Ons sal dit bereik deur te vertrou op individuele diversiteit en aktiewe deelname van alle lede van die gemeenskap in die behoud van Suiderstrand se natuurlike bates, die unieke ligging en plattelandse atmosfeer.

Visie

Suiderstrand en Struisbaai op 'n foto van die Terra-satelliet

Suiderstrand se visie lui soos volg:

Ons visie vir ons gemeenskap is dat die vrede, rustigheid en natuurlike skoonheid van ons unieke omgewing aan die binnekant van 'n nasionale park deur al ons lede geniet kan word, dat individue vry sal voel om hul belange op so ’n wyse uit te leef sonder om versteuring of ongerief vir ander te veroorsaak, en individue volgens die ooreengekome grense van die Suiderstrandgemeenskap se gedragskode sal handel.

Gemeenskaplike doelwitte en gedragskode

Ons, die lede van die Suiderstrand-gemeenskap en ons besoekers, belowe om:

  • Die behoeftes van ander te respekteer en almal met hoflikheid en respek gelyk te behandel
  • Pogings te ondersteun om 'n gevoel onder lede van gemeenskaplikheid te bevorder
  • Mekaar tydens noodgevalle te ondersteun
  • By die wette van die land te hou
  • Streng by die verkeersregulasies te hou, soos die verbod op spoed en gebruik van vierwielmotorfietse
  • Die gebruik van waterponies op Suiderstrand te voorkom
  • Geraasvlakke laag in ons area te hou, soos deur harde musiek of onnodige lawaai van voertuie te vermy
  • By die regulasies ten opsigte van die versameling van seekos en vis te hou
  • Aan munisipale regulasies te voldoen ten opsigte van die opgerigte strukture en om oortredinge aan die verantwoordelike lid te rapporteer
  • Die impak van die aanboubedrywighede te verminder; die skoonmaak ná aanbou te verseker en oortredinge aan die verantwoordelike lid te rapporteer
  • Voorkomende maatreëls te neem om die brandgevaar van ons omgewing te verminder
  • Lae intensiteit beligting snags te gebruik om ligbesoedeling te voorkom
  • Suiderstrand vry van rommel en besoedeling te hou
  • Om die bewaring van diere en voëls aan te moedig
  • Die Agulhas Nasionale Park in sy pogings om die natuur te bewaar te ondersteun
  • Pogings om perlemoenstropery te bekamp te ondersteun
  • Pogings om misdaad te bekamp en om 'n veilige omgewing te skep te ondersteun
  • Wangedrag aan die toepaslike owerhede te rapporteer

Sien ook

Verwysings

  1. ↑ 1,0 1,1 1,2 1,3 "Hoofplek Suiderstrand". Sensus 2011.

Eksterne bronne