Dnipro (ukràinischДніпро[dn⁽ʲ⁾iˈprɔ](info), rüssischДнипро́Dnipro odd’r ДнепрDnepr; Nàmma vu 1926 bis 2016 ukràinisch ДніпропетровськDnipropetrowsk[dʲnʲiprɔpeˈtrɔu̯sʲk](info), rüssisch Днепропетровск [dʲnʲɪprəpʲɪˈtrofsk] Dnepropetrowsk odd’r Dnjepropetrowsk) ìsch mìt äbb ainem Millioon Iiwoohner noh Kiew, Charkiw un Odessa die viartgreeschta Schtàdt ìn dr Ukraine un s’ àdminischtràtiiwa Zäntrum vu dr Oblast Dnipropetrowsk un vum Rajon Dnipro. Sa lììgt àn dräi Sitta vu dr Mìndung vu dr Samara ìn dr Dnipro un äbb 400 km süüdäschtlig vu dr Hàuiptschtàdt Kiew ìn dr zäntrààläschtliga-n-Ukràina.
Àls hischtoorisch Zäntrum vum Gebiat Näirüsslànd un vum Gouvernement Jekaterinoslaw ìsch d’ Schtàdt a bediitend Zäntrum ìn dr süüdliga Ukràina gsìì. Sa ìsch ain vu da wìchtigschta Zäntra vu dr Karnernergii-, Wàffa- un Ràuimfàhrtìndüschtrii vu dr Sowjetunion gsìì un ìsch dr Schtàndort vu KB Juschnoje, ema groossa-n-Äntwìckler, un vu Juschmasch, ema groossa Harschtäller vu Ràkeeta un Sàtellita. Waga dr Rìschtungsìndüschtrii, wo doo ààsassig gsìì-n-ìsch, ìsch Dnipro bis ìn d’ Joohra 1990 a gschlossana Schtàdt gsìì. Sa ìsch a wìchtiger Finànz- un Ìndüschtriischtàndort vu dr Ukràina, un dr Sìtz vu mehrera Finànzìnschtitüüta, drunter vu dr greeschta-n-ukràinischa Bànk, dr Privatbank. D’rzüa ìsch d’ Schtàdt àls Sìtz vum Operàtiiv Àrmeekommàndo Oscht a bediitender Schtàndort vu dr ukràinischa Àrmee.
Pierre Carrière: Dnipro, anc. Dnipropetrovsk. In: Encyclopædia Universalis. Encyclopædia Universalis France (französisch, universalis.fr [abgerufen am 22. September 2022]).
Giorgio Pulle’, Miron Malkiel-Jirmounski. In: Enciclopedia italiana. 1932 (italienisch, treccani.it [abgerufen am 22. September 2022]).
Dnepropetrovsk. In: Enciclopedia Treccani. Istituto della Enciclopedia Italiana fondata da Giovanni Treccani S.p.A. (italienisch, treccani.it [abgerufen am 22. September 2022]).
Dä Artikel basiert uff ere fräie Übersetzig vu dere Version vum Artikel „Dnipro“ vu de hochdütsche Wikipedia. E Liste vu de Autore un Versione isch do z finde.