Cordal Americanu

El Cordal Americanu ye una cadena montañosa que consiste nuna secuencia cuasi continua de cordales y sierres que formen una especie de cadarma continental na fastera occidental d'América del Norte, América Central y América del Sur^[1], y que llega hasta L'Antártida. Ye tamién la cadarma del arcu volcánicu que forma la metá oriental del Cinturón de Fueu del Pacíficu.

De norte a sur, esta secuencia de cordeleres que delles veces monten unes notres y otres van paraleles entama col Cordal d'Alaska y el Cordal de Brooks, n'Alaska, y continúa polos territorios canadienses de Yukón y Columbia Británica. Ellí la llinia principal de los Montes Rocosos cuerre en direición sur paralela a los Montes Columbia y la Cadena Costera del Pacíficu. Nos Estaos Xuníos la cordelera inclúi los Montes Rocosos, Sierra Nevada, la Cordal de les Cascaes y sierres menores de la Cadena Costera del Pacíficu. En Méxicu el cordal continúa pola Sierra Madre Occidental y la Sierra Madre Oriental, amás de polos montes de la península de Baxa California. A tou esti conxuntu de cordales y sierres avézase a llamalu Cordal Norteamericanu, Cordal Occidental d'América del Norte (n'Estaos Xuníos y Canadá) y Cordal Canadiense o Cordal Pacíficu (en Canadá).

El cordal continúa colos cordales que traviesan América Central, por Guatemala, Hondures, Nicaragua, Costa Rica y Panamá, anantes de convertise nel Cordal de los Andes n'América del Sur. Los Andes, coles cordales paraleles a ellos y la cadena d'islles averada a la costa de Chile conformen el cordal americanu al traviés de Colombia, Venezuela, Ecuador, Perú, Bolivia, Arxentina y Chile hasta l'estremu más meridional del continente, na Tierra del Fueu. Continúa, finalmente, pol Arcu de les Antilles Australes hasta llegar a los montes de la Tierra de Graham, na Antártida^[2].

Ver tamién

Bibliografía

Silberling, N.J. et al. (1992). Lithotectonic terrane map of the North American Cordal [Miscellaneous Investigations Series I-2176]. Reston, Va.: U.S. Department of the Interior, U.S. Geological Survey.

Referencies

↑ Historical Geology Notes - The Breakup of Pangea and Deformation in the Western Cordillera. Long Island University, C.W. Post campus website.
↑ The North American Cordillera: A Color Shaded-Relief Map in Oblique Mercator Projection About the Pacific-North America Pole of Rotation, Scale Circa 1:5,000,000, na web del United States Geological Survey.

[1] Historical Geology Notes - The Breakup of Pangea and Deformation in the Western Cordillera. Long Island University, C.W. Post campus website.

[2] The North American Cordillera: A Color Shaded-Relief Map in Oblique Mercator Projection About the Pacific-North America Pole of Rotation, Scale Circa 1:5,000,000, na web del United States Geological Survey.

[1]

[2]