Provincies d'Italia

N'Italia, la provincia ye una división alministrativa de nivel entemediu ente'l conceyu (comune) y la rexón (regione).

Una provincia ta compuesta por dellos conceyos (comuni), y de normal delles provincies formen una rexón (sacante la rexón del Valle d'Aosta, que nun tien nenguna). Por casu, Módena y Maranello son dos conceyos de la provincia de Módena; y Módena y Reggio Emilia son dos provincies de la rexón Emilia-Romaña.

Evolución institucional

En 2004, había 103 provincies n'Italia. Nel 2001 se instituyeron cuatro nueves provincies en Cerdeña (Olbia-Tempio, Ogliastra, Mediu Campidano y Carbonia-Iglesias) y fueron adoptaes nel 2005; nel 2004 se instituyeron otros trés nueves provincies (Monza y Brianza en Lombardía, Fermo nes Marche y Barletta-Andria-Trani en Puglia), que fueron adoptaes nel 2009. Eso dio llugar a un total de 110 provincies.

En 2015, les provincies de les principales ciudaes italianes (Roma, Milán, Nápoles, Turín, Bari, Florencia, Bolonia, Xénova, Venecia y Regio de Calabria) fueron suprimíes pa dar vida a diez ciudaes metropolitanes.^[1]

Nel agostu del mesmu añu, la Rexón siciliana suprimió los sos nueve Provincies constituyendo seis Liberi consorzi comunali (Llibres consorcios municipales) y los trés Ciudaes metropolitanes de Palermo, Catania y Messina.^[2]

En 2016, suprimiéronse les provincies sardas d'Olbia-Tempio, Ogliastra, Carbonia-Iglesias y Mediu Campidano y constituyéronse la Provincia de Cerdeña del Sur y la Ciudá metropolitana de Cagliari (en llugar de la homónima provincia suprimida).^[3]

Competencies

Con base nel artículu 19 del Decretu Llexislativu del 18 d'agostu de 2000, n. 297 (TUEL), pertenecen a la provincia les funciones alministratives que cubren grandes zones de la mesma o toa ella nes siguientes árees:

1. El caltenimientu del suelu, la proteición y meyora del mediu ambiente y la xestión en casos de desastre.
2. Proteición y meyora de los recursos hídricu y enerxéticu.
3. Promoción del patrimoniu cultural.
4. Tráficu y tresporte.
5. Proteición de la flora y fauna en parques y reserves naturales.
6. La caza y la pesca nes agües continentales.
7. Organización de la xestión de los residuos a nivel provincial, l'aldu, la disciplina y el control de les agües residuales y de les emisiones atmosfériques según la contaminación acústica.
8. Servicios de salú, la salú pública y prevención, atribuyíes pola llexislación nacional y rexonal.
9. Xeres rellacionaes cola educación secundaria y la formación artístico y profesional, incluyendo edificios escolares, atribuyíes pola llexislación nacional y rexonal.
10. Escoyeta de datos y el procesamientu, l'asistencia téunica y alministrativa a les autoridaes llocales.

Amás, les provincies tienen un importante papel nes xeres de promoción y coordinación d'actividaes y la realización d'obres d'interés provincial nel sector manufacturero, el comerciu y el turismu, y nel social, cultural y deportivu.

Nel artículu 20 de la llei del 18 d'agostu del 2000, n. 267, la provincia ye tamién la encargada, acordies coles normes dictaes a nivel rexonal de la ordenación y planificación territorial, esto ye: usos del suelu y zonificación, allugamientu de grandes infraestructures y carreteres principales, los oxetivos y los métodos d'intervención pal almacenamientu d'agua, xestión hidrolóxica ya hidrolóxica-forestal ( en cuantes qu'implica afecciones ambientales). Ye por ello que la provincia la encargada de determinar la compatibilidá de los preseos d'ordenación territorial ellaboraos polos conceyos.

El Decretos Leggilativo n. 112/1998 dio a les provincies más competencies procedentes de les rexones y del Estáu, de conformidá de primeres de subsidiariedad, siendo les más importantes les relatives a:

1. Proteición civil (execución de los planes rexonales, la preparación de los planes de distritu).
2. Escueles y educación (creación y zarru d'escueles, organización de la rede d'escueles, edificios escolares).
3. Aforru y eficiencia enerxética.
4. Tresporte.
5. Autoescueles (llicencies, supervisión, consorcios, pruebes d'aptitú pa profesores).
6. Inspeición téunica de vehículos y arreglu de vehículos de motor.
7. Concesión de llicencies de tresporte automotor y álbumes provinciales de tresportistes per carretera.
8. Industria.
9. Trabayu y oficines d'empléu.

Igualmente casi toles provincies italianes disponen del so propiu cuerpu de Policía Provincial (it. Polizia provinciale), con competencies n'alministración, xusticia, mediu ambiente, construcción, caza y pesca, tráficu, proteición civil, etc.; amás d'otres funciones que puedan ser establecíes poles directrices operatives de la seguridá pública provincial.

Organización

Cada provincia tien un conseyu provincial (consiglio provinciale) compuestu de conseyeros provinciales (consiglieri provinciali). Los conseyeros provinciales son escoyíos polos habitantes de la provincia.

Cada provincia ye dirixida por un presidente (presidente). El presidente de la provincia preside'l conseyu provincial y coordina los servicios administativos de la provincia. Ye escoyíu polos habitantes de la provincia pa un mandatu de 5 años.

Llistáu de provincies per rexón

La llista siguiente resalta en negrina la provincia que la so capital alministrativa ye tamién la capital alministrativa de la so rexón.

El códigu pa les provincies italianes ye ISO 3166-2:IT.

Rexón	Provincies	Mapa
Abruzzo	Chieti
	L'Aquila
	Pescara
	Teramo
Puglia	Bari*
	Barletta-Andria-Trani
	Brindisi
	Foggia
	Lecce
	Taranto
Basilicata	Matera
	Potenza
Calabria	Catanzaro
	Cosenza
	Crotone
	Regio de Calabria*
	Vibo Valentia
Campania	Avellino
	Benevento
	Caserta
	Nápoles*
	Salerno
Cerdeña	Cagliari*
	Cerdeña del Sur
	Nuoro
	Oristano
	Sácer
Emilia-Romaña	Bolonia*
	Ferrara
	Forlì-Cesena
	Módena
	Parma
	Piacenza
	Rávena
	Reggio Emilia
	Rimini
Friuli-Venecia Julia	Gorizia
	Pordenone
	Trieste
	Udine
Lazio	Frosinone
	Llatina
	Rieti
	Roma*
	Viterbo
Liguria	Xénova*
	Imperia
	La Spezia
	Savona
Lombardía	Bergamo
	Brescia
	Como
	Cremona
	Lecco
	Lodi
	Mantua
	Milán*
	Monza y Brianza
	Pavía
	Sondrio
	Varese
Marche	Ancona
	Ascoli Piceno
	Fermo
	Macerata
	Pesaro y Urbino
Molise	Campobasso
	Isernia
El Piamonte	Alessandria
	Asti
	Biella
	Cuneo
	Novara
	Turín*
	Verbano-Cusio-Ossola
	Vercelli
Sicilia	Agrigento**
	Caltanissetta**
	Catania*
	Enna**
	Messina*
	Palermo*
	Ragusa**
	Siracusa**
	Trapani**
Toscana	Arezzo
	Florencia*
	Grosseto
	Livorno
	Lucca
	Massa y Carrara
	Pisa
	Pistoia
	Prato
	Siena
Trentín-Altu Adigio	Bolzano***
	Trento***
Umbría	Perusa
	Terni
Valle d'Aosta	Nun esiste
Vénetu	Belluno
	Padua
	Rovigo
	Treviso
	Venecia*
	Verona
	Vicenza

• * Ciudá metropolitana *
  • Llibre consorciu municipal
• *** Provincia autónoma

Denominación de les provincies

La denominación de les provincies ye, na mayoría de los casos, la de la so capital.

• Tres provincies tienen doble denominación: Forlì-Cesena, Masa-Carrara, Pesaro-Urbino.
• Una provincia tien triple denominación: Barletta-Andria-Trani.
• Tres provincies tienen una denominación (siquier parcialmente) xeográfica: Cerdeña del Sur, Monza y Brianza, Verbano-Cusio-Ossola.
• Dos provincies son billingües: Bolzano-Altu Adige/Bozen-Südtirol y Aosta/Aoste. Les provincies de Trieste, Gorizia y Udine nun son del tou billingüe, namái dalgunos de los sos conceyos.
• Los seis provincies sicilianes que nun son ciudaes metropolitanes son llamaes Llibres consorcios municipales (Liberi consorzi comunali) por llei rexonal. De fechu esisten el Llibre consorciu municipal d'Agrigento (Llibero consorzio comunale di Agrigento), el Llibre consorciu municipal de Trapani (Llibero consorzio comunale di Trapani) y asina pol estilu.

Les provincies en datos

De siguío amuésase una tabla colos datos de población, superficie y densidá demográfica, sigla, númberu de conceyos, rexón y presidente de les provincies italianes (incluyendo'l Valle d'Aosta, les provincies autónomes de Trento y Bolzano y les ciudaes metropolitanes).^[4]

Ver tamién

• Organización territorial d'Italia
• Rexones d'Italia
• Ciudá metropolitana (Italia)
• Conceyos d'Italia

Referencies

Enllaces esternos

• Web del UPI - Unión de les Provincies d'Italia (n'italianu)