Herbert Huver

Herbert Klark Huver
ing. Herbert Clark Hoover
Amerika Birləşmiş Ştatlarının 31-ci prezidenti
4 mart 1929 – 4 mart 1933
Vitse-prezident	Çarlz Körtis
Əvvəlki	Kalvin Kulic
Sonrakı	Franklin Delano Ruzvelt
Şəxsi məlumatlar
Doğum adı	Herbert Clark Hoover
Doğum tarixi	10 avqust 1874
Doğum yeri	Vest Branç, Ayova, ABŞ
Vəfat tarixi	20 oktyabr 1964 (90 yaşında)
Vəfat yeri	Nyu-York, Nyu-York ştatı, ABŞ
Vəfat səbəbi	kolorektal xərçəng
Partiya	Respublikaçılar partiyası
Təhsili	Stenford Universiteti
İxtisası	Mühəndis, biznesmen
Fəaliyyəti	siyasətçi, mühəndis, yazıçı, mədən mühəndisi, geoloq, iş adamı, dövlət xadimi
Atası	Сes Huver
Anası	Hulda Mintorn Huver
Həyat yoldaşı	Lu Huver
Uşaqları	Herbert Klark Huver Alan Henri Huver
Dini	Kvaker
Vikianbarda əlaqəli mediafayllar

Herbert Klark Huver (ing. Herbert Clark Hoover; 10 avqust 1874, Vest Branç, Ayova, ABŞ — 20 oktyabr 1964, Nyu-York, Nyu-York ştatı, ABŞ) — Amerika Birləşmiş Ştatlarının 31-ci prezidenti (1929–1933).

Həyatı

Alman əsilli ailədə dünyaya gəlmişdir. Atasının ilkin soyadı Huber olmuşdur. 1880-ci ildə, 6 yaşında ikən atasını, 10 yaşında isə anasını itirən Herbert Huver əvvəlcə 18 ay əmisi Allen Huverin, 1885-ci ilin noyabrından isə öz oğlu bir il əvvəl vəfat edən dayısı Con Mintornun yanında yaşayır.

1891-ci ildə o vaxt yeni yaradılmış Stenford Universitetinə qəbul olmuş və 1895-ci ildə geoloq-mühəndis ixtisası üzrə buranı bitirmişdir.

Sonralar ixtisası üzrə Avstraliyada və Çində işləmişdir.

1914-cü ildə Birinci dünya müharibəsinin başlaması ilə Londonda 120 000 ABŞ vətəndaşının Avropadan çıxarılmasının təşkili ilə məşğul olur. 1917-ci ildə ABŞ-nin müharibəyə qatılmasından sonra prezident Vudro Vilson tərəfindən ABŞ Ərzaq Xidmətinin rəhbəri təyin olunur.

1928-ci il prezident seçkilərində rəqibi Alfred Smit üzərində kəskin fərqlə qalib gələrək prezident seçildi. Hamı yaxşı menecer kimi tanınan Huverin prezidentliyindən daha böyük iqtisadi inkişaf gözlədiyi halda 1929-cu ilin oktyabrında Nyu-York Birjasında başlayan geriləmə və bunun ardından başlayan "Böyük Depressiya" ABŞ tarixində ən böyük iqtisadi itkilərlə müşahidə olunmuşdur. Bu proses Herbert Huverin imicinə ciddi zərər vurmaqla yanaşı, həm də 1932-ci il seçkilərində Franklin Delano Ruzveltə uduzması ilə nəticələndi.

Huver 1964-cü il oktyabrın 20-si saat 11:35-də, hakimiyyətdən getdikdən 31 il 7 ay sonra vəfat etmişdir. Bu göstərici ilə o, eks-prezident statusunda ən uzun müddət qalmış ABŞ prezidentidir. Onun üçün rəsmi dəfn mərasimi keçirilmiş və özündən 20 il əvvəl vəfat edən xanımı ilə birlikdə Vest-Brançda (Ayova) dəfn edilmişdir.

Media