Караль Ельскі

Ка́раль Е́льскі (першае згадваньне ў 1749—1824 ці 1825, Вільня) — мастак і скульптар, які працаваў у канцы XVIII—XIX стагодзьдзяў у Літве; прадстаўнік клясыцызму; бацька мастака, скульптара Казімера Ельскага.

Аўтар вядомых статуяў сьвятога Казімера (з паўднёвага боку), сьвятой Алены (у цэнтры) і сьвятога Станіслава (з паўночнага боку), усталяваных на даху над франтонам катэдральнага сабору ў Вільні ў 1786—1792 гадах^[1][2]. У 1950 годзе скульптуры былі зьнятыя, у 1997 годзе адноўленыя (скульптар Станіславас Кузма)