Асобая армія (Першая сусветная вайна)

Асобая армія (палявая) АсобаяА
руск.: Особая армия
Гады існавання	жнівень 1916 года — пачатак 1918 года
Краіна	Расійская імперыя
Уваходзіць у	гл. спіс франтоў
Тып	армія
Дыслакацыя	Расійская імперыя
Удзел у	Першая сусветная вайна (1914—1918)
Камандзіры
Вядомыя камандзіры	гл. Галоўнакамандуючыя

Асо́бая а́рмія (АсобаяА) — агульнавайсковае аператыўнае аб'яднанне злучэнняў і часцей Рускай Імператарскай арміі падчас першай сусветнай вайны. Названая так з забабоннай боязі, каб не з'яўляцца «13-й»^[1].

Склад

Палявое ўпраўленне створана ў жніўні 1916 года на базе армейскай групы генерала ад кавалерыі В. М. Безабразава. На канец 1917 года штаб размяшчаўся ў Луцку, з 12.17 — у Роўна. Ліквідаваны ў пачатку 1918 года.

У перыяд Першай сусветнай вайны склад арміі неаднаразова мяняўся. Максімальна ў яе ўваходзіла адначасова чатырнаццаць армейскіх карпусоў^[2].

На канец 1917 года армія мела ў сваім складзе:

• XXXI армейскі корпус
• XXXIX армейскі корпус
• XLIV армейскі корпус
• XLVI армейскі корпус
• I Туркестанскі армейскі корпус
• IV кавалерыйскі корпус
• VII кавалерыйскі корпус

У складзе

• Паўднёва-Заходняга фронту (жнівень — лістапад 1916)
• Заходняга фронту (лістапад 1916 года — ліпень 1917 г.)
• Паўднёва-Заходняга фронту (ліпень 1917 — пачатак 1918 г.)

Баявыя дзеянні

Пасля перадачы арміі ў склад Паўднёва-Заходняга фронту перад ёй была пастаўлена задача нанясення ўдару на Ковель. Аднак, прызначанае на 17 верасня 1916 года наступленне было сарванае ударам германскай групы генерала кавалерыі Г. фон дэр Марвіца, а з 19 па 22 верасня Асобая і 8-я арміі правялі безвынікова пятую Ковельскую бітву, а да канца месяца і шостую. На 150-кіламетровым участку арміі супрацьстаялі 23 германскія і аўстрыйскія дывізіі.

Камандуючыя

• 14.08.1916—10.11.1916 — генерал ад кавалерыі Васіль Іосіфавіч Гурко;
• 10.11.1916—17.02.1917 — ЧВА генерал ад інфантэрыі Пётр Сямёнавіч Балуеў;
• 17.02.1917—31.03.1917 — генерал ад кавалерыі Васіль Іосіфавіч Гурко;
• 02.04.1917—09.07.1917 — генерал ад інфантэрыі Пётр Сямёнавіч Балуеў;
• 12.07.1917—29.08.1917 — генерал ад кавалерыі Іван Георгіевіч Эрдэлі;
• 29.08.1917—14.09.1917 — ЧВА генерал-маёр Васіль Сцяпанавіч Сарычаў;
• 14.09.1917—20.11.1917 — генерал ад інфантэрыі Сцяпан Феліксавіч Стэльніцкі;
• 20.11.1917—13.12.1917 — генерал-лейтэнант Фёдар Сяргеевіч Рэрберг;
• 11.1917 — ЧВА палкоўнік Аляксандр Ільіч Ягораў;
• 13.12.1917-19.12.1917 — генерал-лейтэнант Аляксей Яфімавіч Кушакевіч;
• 19.12.1917 - 03.1918 — палкоўнік Уладзімір Мікалаевіч Ягор’еў.

Начальнікі штаба арміі

• 30.08.1916 — 18.04.1917 — генерал-маёр Міхаіл Паўлавіч Аляксееў;
• 18.04.1917 — 31.08.1917 — генерал-лейтэнант Рычард Францавіч Вальтэр;
• 23.09.1917 — ? — генерал-маёр Пётр Мікіціч Бураў.

Зноскі

Літаратура

• Залесский К.А. Кто был кто в Первой мировой войне. — М.: АСТ, 2003. — 896 с. — 5 000 экз. — ISBN 5-271-06895-1.