Гданьскі медыцынскі ўніверсітэт

Гданьскі медыцынскі ўніверсітэт
польск.: Gdański Uniwersytet Medyczny
Арыгінальная назва	польск.: Gdański Uniwersytet Medyczny
Міжнародная назва	Medical University of Gdańsk
Заснаваны	1945
Тып	медыцынскі ўніверсітэт
Рэктар	Марцін Грухала
Рэктар	Марцін Грухала[d][1]
Студэнты	6 000
Краіна	Польшча
Размяшчэнне	Гданьск
Юрыдычны адрас	вул. Складоўскай-Кюры 3а, 80-210 г. Гданьск, Польшча
Узнагароды
Сайт	gumed.edu.pl
Медыяфайлы на Вікісховішчы

Гданьскі медыцынскі ўніверсітэт (польск.: Gdański Uniwersytet Medyczny) — польская дзяржаўная вышэйшая навучальная ўстанова са статусам універсітэта і спецыялізацыяй у сферы медыцынскіх навук, якая знаходзіцца ў Гданьску.

Вытокі ўніверсітэта сягаюць XV стагоддзя, пачынаючы з узнікнення ў 1454 годзе цэха хірургаў Гданьска і медыцынскага навучання ў Гданьскай акадэмічнай гімназіі (лац.: Atheneum Gedanense).

У 1908—1911 гадах была створана Гданьская гарадская бальніца. На яе базе ў 1935 годзе улады Вольнага горада Гданьска вырашылі арганізаваць Акадэмію практычнай медыцыны (ням.: Die Staatliche Akademie für Praktische Medizin zu Danzig). Пасля 1945 года вучэльня была перайменавана ў медыцынскую акадэмію. З 1950 года па 19 мая 2009 года яна функцыянавала як Медыцынская акадэмія ў Гданьску.

У 2003 годзе ў структуру медыцынскай акадэміі ў Гданьску ўключаны кафедры Інстытута марской і трапічнай медыцыны ў Гдыні, створанага ў 1935 годзе як філіял Дзяржаўнага інстытута гігіены і ператворанага ў 1938 годзе ў Інстытут марской медыцыны.

У структуру ўніверсітэта ўваходзяць дзве лячэбныя ўстановы: Універсітэцкі клінічны цэнтр (разам з пляцоўкай для пасадкі санітарных верталётаў на даху), які ў цяперашні час з’яўляецца найбуйнейшай бальніцай у Польшчы, і Універсітэцкі стаматалагічны цэнтр.

Па колькасці навучэнцаў універсітэт уваходзіць у тройку буйнейшых у Польшчы.

• Лячэбны факультэт
• Фармацэўтычны факультэт
• Факультэт навук аб здароў'і
• Факультэт біятэхналогій (сумесны з Гданьскім універсітэтам)

• На Вікісховішчы ёсць медыяфайлы па тэме Гданьскі медыцынскі ўніверсітэт
• Афіцыйная інтэрнэт-старонка ўніверсітэта