Даніэл Натанс

Даніэл Натанс
англ.: Daniel Nathans
Дата нараджэння	30 кастрычніка 1928(1928-10-30)[1][2][…]
Месца нараджэння	Уілмінгтан, акруга Нью-Касл[d], Дэлавэр, ЗША
Дата смерці	16 лістапада 1999(1999-11-16)[1][2][…] (71 год)
Месца смерці	Балтымар, Мэрыленд, ЗША
Месца пахавання	Har Sinai Cemetery[d][3]
Грамадзянства	ЗША
Род дзейнасці	біяхімік, мікрабіёлаг, малекулярны біёлаг, фізіёлаг
Навуковая сфера	мікрабіялогія, малекулярная біялогія[4], фізіялогія[4] і медыцына[4]
Месца працы	Універсітэт Джонса Хопкінса
Альма-матар	Дэлавэрскі ўніверсітэт Універсітэт Вашынгтона ў Сент-Луісе Медыцынская школа Вашынгтонскага ўніверсітэта[d]
Вядомы як	адкрыццё рэстрыкцыйных ферментаў
Член у	Амерыканская акадэмія мастацтваў і навук Нацыянальная акадэмія навук ЗША
Узнагароды	NAS Award in Molecular Biology[d] (1976)
Медыяфайлы на Вікісховішчы

Даніэл Натанс (англ.: Daniel Nathans, 30 кастрычніка 1928, г.Уілмінгтан, Дэлавэр, ЗША — 16 лістапада 1999, г.Балтымар, штат Мэрыленд, ЗША) — амерыканскі вірусолаг, лаўрэат Нобелеўскай прэміі па фізіялогіі і медыцыне ў 1978 годзе разам з Г.Смітам і В.Арберам за адкрыццё рэстрыкцыйных ферментаў^[5]. Ён таксама быў узнагароджаны Нацыянальным навуковым медалём ЗША ў 1993 годзе.

Даніэл Натанс нарадзіўся 30 кастрычніка 1928 года ва Уілмінгтане (штат Дэлавэр) у сям’і рускіх яўрэйскіх імігрантаў. З дзевяці дзяцей ён быў самым малодшым. У час Вялікай дэпрэсіі яго бацька страціў свой бізнес і доўгі час быў беспрацоўным.

Натанс скончыў публічную школу, а затым Дэлавэрскі ўніверсітэт (1950), дзе вывучаў хімію, філасофію і літаратуру. Працаваў у Вашынгтонскім ўніверсітэце і ўніверсітэце Дж. Хопкінса ў г.Балтымар.

Даніэл Натанс быў прэзідэнтам універсітэта Дж. Хопкінса ў 1995—1996 гадах. У 1999 годзе ў Медыцынскай школе універсітэта Дж. Хопкінса заснавалі Інстытут медыцынскай генетыкі Мак-Кусака-Натанса^[6], а ў 2005 годзе імем Натанса быў названы адзін з 4 каледжаў універсітэта.

Аўтар навуковых прац па структуры і функцыі генома віруса.

Выкарыстаў ферменты рэстрыктазы для даследавання структуры (карціравання) ДНК аднаго з анкагенных вірусаў. Вывучыў працэс яго рэплікацыі і транскрыпцыі, выявіў у яго геноме «анкагенны» ўчастак, атрымаў яго т.зв. эвалюцыйныя мутанты і гібрыды з адэнавірусамі.

Член Амерыканскай акадэміі навук і мастацтваў.

• Беларуская энцыклапедыя: У 18 т. Т.11: Мугір — Паліклініка / Рэдкал.: Г. П. Пашкоў і інш — Мінск: БелЭн, 2000. — Т. 11. — С. 218. — 560 с. — 10 000 экз. — ISBN 985-11-0188-5

• Аўтабіяграфія Даніэла Натанса на Нобелеўскім сайце (англ.)
• Біяграфія Даніэла Натанса Архівавана 16 студзеня 2013. (руск.)