Кантынентальная хакейная ліга

КХЛ у сезоне 2021/2022
Хакей з шайбай
Заснаваны:	15 сакавіка 2008 года
Краіна:	Беларусь (1)  Казахстан (1)  Кітай (1)  Расія (19)
Рэгіён:	Еўразія
Кіраўнік:	Аляксандр Мядзведзеў
Колькасць каманд:	22
Дзеючы пераможца:	СКА
Найбольшая колькасць тытулаў:	Ак Барс Казань (2) Дынама Масква (2)
Афіцыйны сайт:	www.khl.ru

Кантынентальная хакейная ліга, КХЛ — міжнародная хакейная ліга. Створана ў 2008 годзе на базе расійскай суперлігі (у адрозненне ад яе ліга сама праводзіць чэмпіянат, клубы не пакідаюць лігу ў залежнасці ад вынікаў чэмпіяната). На сённяшні дзень у лізе ўдзельнічаюць 22 клуба: з Расіі (19 клубаў), Беларусі, Казахстана і Кітая (па адным). Ліга праводзіць чэмпіянат КХЛ, які адначасова з’яўляецца адкрытым чэмпіянатам Расіі. Амаль усе клубы КХЛ маюць свае фарм-клубы ў Маладзёжнай хакейнай лізе.

Чэмпіянат складаецца з дзвюх частак: рэгулярнага сезона і раўнда плэй-оф. Каманды падзелены на дзве канферэнцыі (усходняя і заходняя), якія ў сваю чаргу дзеляцца на два дывізіёны.

Пачынаецца сезон матчам за Кубак Адкрыцця паміж уладальнікамі Кубка Гагарына і Кубка Кантынента.

Падчас рэгулярнага сезону клубы праводзяць агулам 20 матчаў з усімі камандамі са свайго дывізіёну і па 2 матчы з кожнім астатнім супернікам. У табліцах канферэнцый і агульнай табліцы чэмпіянату пераможцы дывізіёнаў (у чарзе, што адпавядае колькасці набраных імі ачкоў) займаюць першыя месцы, астатнія месцы размяркоўваюцца без увагі на дывізіён. Лепшая каманда рэгулярнага сезону атрымлівае Кубак Кантынента.

Па 8 лепшых каманд з кожнай канферэнцыі выходзяць у плэй-оф, пераможца якога атрымлівае Кубак Гагарына і лічыцца чэмпіёнам КХЛ і чэмпіёнам Расіі. Унутры канферэнцый праходзяць серыі матчаў 1/4, 1/2 фіналаў і фінал канферэнцыі. Серыі гуляюцца да 4 перамог.

Кожны год таксама гуляецца матч зорак.

Дывізіён	Каманда	Горад	Арэна	Заснаваны	у КХЛ
Заходняя канферэнцыя
Дывізіён Баброва	Віцязь	Падольск	Лядовы палац «Віцязь»	1997	2008
	СКА	Санкт-Пецярбург	СКК «Лядовы палац»	1946	2008
	Сочы	Сочы	Лядовы палац «Вялікі»	2014	2014
	Спартак	Масква	Лужнікі	1946	2008
	Тарпеда	Ніжні Ноўгарад	Нагорны палац спорта профсаюзаў	1946	2008
Дывізіён Тарасава	Дынама Масква	Масква	ВТБ Лядовы палац	1946	2008
	Дынама Мінск	Мінск	Мінск-Арэна	1976	2010
	Лакаматыў	Яраслаўль	Арэна 2000	1955	2008
	Северсталь	Чарапавец	Лядовы палац	1956	2008
	ЦСКА	Масква	ЛПС ЦСКА	1946	2008
Усходняя канферэнцыя
Дывізіён Харламава	Ак Барс	Казань	Татнефць Арэна	1956	2008
	Аўтамабіліст	Екацярынбург	КЗК «Уралец»	2006	2009
	Куньлунь Рэд Стар	Пекін	Мыцішчы-Арэна	2016	2016
	Металург Мг	Магнітагорск	Арэна-Металург	1955	2008
	Нафтахімік	Ніжнякамск	СКК «Нафтахімік»	1968	2008
	Трактар	Чалябінск	Лядовая арэна «Трактар»	1947	2008
Дывізіён Чарнышова	Авангард	Омск	Арэна Омск	1950	2008
	Адмірал	Уладзівасток	Фецісаў-Арэна	1966	2008
	Амур	Хабараўск	Платынум-Арэна	2013	2013
	Барыс	Нур-Султан	Барыс-Арэна	1999	2008
	Салават Юлаеў	Уфа	Уфа-Арэна	1961	2008
	Сібір	Новасібірск	ЛПС «Сібір»	1962	2008

З моманту заснавання лігі ў 2008 годзе ў чэмпіянатах КХЛ узялі ўдзел 35 каманд. 32 каманды прымалі ўдзел у плэй-оф хаця б у адным з сезонаў.

У табліцы пазначаны месцы каманд па выніках рэгулярнай часткі чэмпіянатаў КХЛ, а таксама дасягнутыя раўнды плэй-оф у кожным сезоне КХЛ (пазначана колерам). Каманды упарадкаваны з улікам найлепшых занятых месцаў па выніках іх выступу ў чэмпіянатах КХЛ.

Сезон	Уладальнік Кубка Гагарына	Лік Серыі	Фіналіст	Уладальнік Кубка Кантынента	Уладальнік Кубка Адкрыцця	Уладальнік Кубка Надзеі
2008/09	Ак Барс (1)	4:3	Лакаматыў	Салават Юлаеў (1)	Салават Юлаеў (1)	не праводзіўся
2009/10	Ак Барс (2)	4:3	ХК МВД	Салават Юлаеў (2)	Ак Барс (1)	не праводзіўся
2010/11	Салават Юлаеў (1)	4:1	Атлант	Авангард (1)	Дынама Масква (1)	не праводзіўся
2011/12	Дынама Масква (1)	4:3	Авангард	Трактар (1)	Салават Юлаеў (2)	не праводзіўся
2012/13	Дынама Масква (2)	4:2	Трактар	СКА (1)	Дынама Масква (2)	Дынама Рыга (1)
2013/14	Металург Мг (1)	4:3	Леў	Дынама Масква (1)	Дынама Масква (3)	Авангард (1)
2014/15	СКА (1)	4:1	Ак Барс	ЦСКА (1)	Металург Мг (1)	не праводзіўся
2015/16		-:-			ЦСКА (1)

• На Вікісховішчы ёсць медыяфайлы па тэме Кантынентальная хакейная ліга
• Континентальная хоккейная лига (руск.) (англ.)