Лінолевая кіслата

Лінолевая кіслата
Агульныя
Хім. формула	C₁₈H₃₂O₂
Тэрмічныя ўласцівасці
Класіфікацыя
Рэг. нумар CAS	60-33-3
PubChem	5280450
Рэг. нумар EINECS	200-470-9
SMILES	CCCCCC=CCC=CCCCCCCCC(=O)O
ChemSpider	4444105

Лінолевая кіслата — ненасычаная вышэйшая карбонавая кіслата з неразгалінаваным ланцугом і дзвюма ізаляванымі двайнымі сувязямі, С₁₈Н₃₂О₂. Адносіцца да незаменных тлустых кіслот.

Бясколерная масляністая вадкасць. Тэмпература плаўлення −11 °C, тэмпература кіпення 182 °C. Шчыльнасць 0,903 г/см³ (пры тэмпературы 20 °C). Раствараецца ў арганічных растваральніках. На паветры паступова акісляецца. Рэакцыі, характэрныя карбонавым кіслотам і этыленавым вуглевадародам.

Лінолевая кіслата ў выглядзе трыгліцэрыдаў уваходзіць у склад раслінных алеяў, (сланечнікавага, ільнянога, канаплянага, соевага, перылавага і інш.). У вышэйшых раслін лінолевая кіслата ўтвараецца з алеінавай кіслаты^[1].

Трыгліцэрыды лінолевай кіслаты ўжываюцца ў вытворчасці лакаў, фарбаў, пакосту, эмаляў.

• Лінолевая кіслата // Хімічны слоўнік навучэнца: Дапаможнік для вучняў / Б. Н. Качаргін, В. М. Макарэўскі, Л. Я. Гарнастаева, В. С. Аранская. — Мн.: Народная асвета, 2003. — С. 139. — 287 с. — 1 000 экз. — ISBN 985-12-0621-8.
• Линолевая кислота // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)

• Незаменимые жирные кислоты (руск.) — Артыкул на сайце ХиМиК.ру
• На Вікісховішчы ёсць медыяфайлы па тэме Лінолевая кіслата