Музей індустрыі Дэрбі

Музей індустрыі Дэрбі
Derby Industrial Museum
Музей у 2006 годзе
Заснаваны 1974
Адкрыты 1974
Месцазнаходжанне Дэрбі, Англія
Адрас Silk Mill Lane, off Full Street
derbymuseums.org/… (англ.)
Лагатып Вікісховішча Медыяфайлы на Вікісховішчы

Музей індустрыі Дэрбі (англ.: Derby Industrial Museum, таксама вядомы як шаўковая фабрыка (англ.: The Silk Mill) — музей прамысловасці і гісторыі, які знаходзіцца ў горадзе Дэрбі (Англія).

Гісторыя

Асноўны артыкул: Фабрыка Ломба

Музей размешчаны ў будынку былой шаўковай фабрыкі Lombe’s Mill, якой сканчаецца паўднёвая мяжа комплексу фабрык у даліне Дэрвента, уключанага ў спіс Сусветнай спадчыны Вялікабрытаніі[1]. Першая з фабрык паўстала паміж 1717 і 1721 годамі[2]. Яе ўладальнікамі былі браты Лоўмб, якія паставілі ў памяшканнях новыя станкі для выцягвання шоўку ў ніці. Для прывядзення іх у дзеянне выкарыстоўваліся вадзяныя колы.

Вытворчасць шоўку была спынена ў 1908 годзе, калі новы ўладальнік, F.W. Hampshire і Кампанія, вырашыў выпускаць ліпкія лавушкі на мух і лекі ад кашлю.

5 снежня 1910 на фабрыцы здарыўся пажар, пасля якога ўсходні бок будынку зваліўся ў раку. Ён быў адбудаваны, але ўжо трохпавярховым замест ранейшых пяці паверхаў.

Дзейнасць

Экспанат музею

Музей быў адчынены 29 лістапада 1974. Асаблівая ўвага ў экспазіцыях зробленая на чыгуначную галіну і прэзентацыю прадукцыі фірмы Rolls-Royce plc, брытанскай кампаніі, што спецыялізуецца на авіяцыйных рухавіках і сілавых прыстроях для суднаў і прамысловасці. Таксама прадстаўленыя горназдабываючая прамысловасць, кераміка і ліцейная справа. У музеі ладзілі таксама іншыя выстаўкі і адукацыйныя праграмы[3].

3 красавіка 2011 музей быў зачынены на кансервацыю гарадскімі ўладамі[3], каб вызваліць грошы на рэканструкцыю шэрагу іншых музеяў. Пэўнай даты адкрыцця ў бліжэйшыя два гады ў справаздачы па прычынах закрыцця паведамлена не было[4][5]. Аднак выказаны спадзеў, што адкрыццё адбудзецца так хутка, як гэта будзе магчыма, улічваючы ролю музея і яго «станоўчы ўплыў на будучыню гораду»[3].

Зноскі

  1. ↑ Derwent Valley Mills (англ.). ЮНЕСКА (7 мая 2010).
  2. ↑ Whitehead. The Derby Lock-Out (англ.)(недаступная спасылка) (13 кастрычніка 2010). Архівавана з першакрыніцы 3 снежня 2011. Праверана 9 мая 2011.
  3. ↑ а б в The Silk Mill (англ.)(недаступная спасылка). Derby City Council Museum website (9 красавіка 2011). Архівавана з першакрыніцы 21 лютага 2009. Праверана 9 мая 2011.
  4. ↑ Report of the Strategic Director of Neighbourhoods (англ.) (4 студзеня 2011).(недаступная спасылка)
  5. ↑ This is Derbyshire (англ.)(недаступная спасылка) (9 красавіка 2011). Архівавана з першакрыніцы 27 мая 2012. Праверана 9 мая 2011.

Літаратура

  • Derby Industrial Museum, Derby Evening Telegraph and Derby Library Service. (1999)
  • The Derby Lock-Out and the origins of the labour movement Bill Whitehead (2001)
  • Struck out! Derby in Crisis: the Silk Mill Lock-Out 1833-4, Derby, H. E. Butterton (1997)
  • Lombe's Mill: An Exercise in Reconstruction', Industrial Archaeology Review, Anthony Calladine (1993)

Спасылкі

commons: Музей індустрыі Дэрбі на Вікісховішчы