Піўная паводка
Піўная паводка адбылася 17 кастрычніка 1814 года ў Вялікабрытаніі ў лонданскім прыходзе св. Эгідыя (англ.: St. Giles). На бровары «Мё і кампанія» (англ.: Meux and Company Brewery)[1] на вуліцы Тотэнхэм-Корт-Роўд (англ.: Tottenham Court Road)[2][1] выбухнула цыстэрна з півам аб'ёмам 610 тысяч літраў і выклікала разбурэнне астатніх бакаў у будынку. У выніку амаль 1,5 мільёна літраў піва лінула на вуліцу. Піўная хваля разбурыла два дамы і прабіла сцяну паба «Tavistock Arms», заваліўшы абломкамі маладую бармэнку Элеанор Купер.
Бровар быў размешчаны сярод бядняцкіх дамоў у трушчобах Сэнт-Джайлза, дзе цэлыя сем'і жылі ў сутарэннях, якія хутка запоўніліся півам. У выніку загінула дзевяць чалавек: восем захлынулася, адзін сканаў праз алкагольнае атручванне[2].
Ахвяры, пра якіх захаваліся звесткі
Імя[3] | Узрост |
---|---|
Клінт Скрогінз | 52 |
Элеанор Купер | 15-16 |
Ханна Бамфілд | 4 |
Кэтрын Батлер | 63 |
Элізабэт Сміт | 27 |
Мэры Мюлві | 30 |
Томас Мюлві | 3 |
Заўвагі
- ↑ а б Greenberg, Michael I. Disaster!: A Compendium of Terrorist, Natural, and Man-made Catastrophes. Jones & Bartlett Publishers. p. 156. ISBN 0763739898.
- ↑ а б Rennison, Nicholas (2 November, 2006). The Book of Lists: London. Canongate Books Ltd. ISBN 9781841956763.
{cite book}
: Праверце значэнне даты ў:|date=
(даведка) - ↑ [1] The Times, 19 octobre 1814
Спасылкі
- «Beer Flood Claims Nine Souls» by Alan Bellows, Damninteresting.com (28 сентября 2005) (англ.)
- «A Brew to a Kill» by Barbara Mikkelson at Snopes.com (англ.)