Рэйд на Пулу

Рэйд на Пулу
Асноўны канфлікт: Першая сусветная вайна
Тонучы «Viribus Unitis»
Дата	1 лістапада 1918
Месца	Пула, цяпер Харватыя
Вынік	Затапленне крэйсера „Jugoslavija” (раней „Viribus Unitis”)
Праціўнікі
Каралеўства Італія Дзяржава славенцаў, харватаў і сербаў
Камандуючыя
Паала Эміліа Таон дзі Рэвель Янка Вукавіч †
Сілы бакоў
1 тарпедны катар MAS 2 дыверсанты Узмоцнены порт, каля 20 караблёў
Страты
1 крэйсер затоплены, 50-400 матросаў[1]
Медыяфайлы на Вікісховішчы

Рэйд на Пулу — марскі рэйд праведзены 1 лістапада 1918 года двума афіцэрамі Каралеўскіх ВМС Італіі.

Мэтай рэйду было знішчэнне караблёў аўстра-венгерскага флота, які стаяў у заліве ў Пуле. Аўстрыйцы перадалі ўвесь флот новастворанай Дзяржаве славенцаў, харватаў і сербаў за некалькі гадзін да рэйду. Новым камандуючым флотам стаў афіцэр ВМС Аўстра-Венгрыі Янка Вукавіч. Дзяржава славенцаў, харватаў і сербаў абвясціла нейтралітэт і праінфармавала пра гэта краіны Антанты адразу пасля пераходу войска 31 кастрычніка. Аднак італьянскія баявыя плыўцы Рафаэле Расеці і Рафаэле Паалучы не ведалі пра гэта і прымацавалі да корпуса флагмана «Viribus Unitis» (пераназванага «Jugoslavija») міны, якія ўзарваліся раніцай. Гэта прывяло да патаплення карабля і гібелі 400 членаў экіпажа разам з камандуючым флотам Вукавічам^[2].