Уладзіслаў Рэймант

Уладзіслаў Рэймант
польск.: Władysław Stanisław Reymont
Асабістыя звесткі
Імя пры нараджэнні	польск.: Władysław Stanisław Rejment
Дата нараджэння	7 мая 1867(1867-05-07)[1][2][…]
Месца нараджэння	Kobiele Wielkie[d], Радамскі павет[d], Радамская губерня, Царства Польскае, Расійская імперыя
Дата смерці	5 снежня 1925(1925-12-05)[1][2][…] (58 гадоў)
Месца смерці	Варшава, Варшаўскае ваяводства, Польская Рэспубліка
Пахаванне	Старыя Павонзкі[3]
Грамадзянства	Расійская імперыя  Польская Рэспубліка
Жонка	Aurelia Szacnajder Szabłowska[d]
Прафесійная дзейнасць
Род дзейнасці	пісьменнік, раманіст, сцэнарыст, празаік
Гады творчасці	з 1896
Мова твораў	польская
Грамадская дзейнасць
Партыя	Нацыянальная ліга[d] Польская народная партыя "Пяст"[d] (5 снежня 1925)
Член у	Прафесійны саюз польскіх літаратараў[d]
Прэміі	Нобелеўская прэмія па літаратуры (1924)
Узнагароды
Подпіс
Творы ў Вікікрыніцах
Медыяфайлы на Вікісховішчы

Уладзіслаў Станіслаў Рэймант (польск.: Władysław Stanisław Reymont; 7 мая 1867, в. Кабеле-Вельке Мазавецкага ваяв., Польшча — 5 снежня 1925) — польскі пісьменнік. Лаўрэат Нобелеўскай прэміі 1924.

Быў вандроўным акцёрам, чыгуначным служачым. Жыў у Францыі, Італіі, ЗША.

Друкаваўся з 1893. У сацыяльна-псіхалагічных раманах «Камедыянтка» (1896), «Ферменты» (1897), «Летуценнік» (1910), аповесці «Лілі» (1899) паказаў трагізм паўсядзённага жыцця ў правінцыі. Раман «Зямля запаветная» (т. 1-2, 1899) пра лёсы людзей у бязлітасным свеце вялікага горада 2-й пал. ХІХ ст. Гістарычная трылогія «1794 год» (1913-18) пра нацыянальна-вызвольнае паўстанне пад кіраўніцтвам Т. Касцюшкі. Вяршыня творчасці — эпічны раман «Мужыкі» (т.1-4, 1904-09), у якім гісторыя адной сям'і разгортваецца ў панараму жыцця польскай вёскі, суаднесенага з жыццём прыроды. Твор адметны кампазіцыйнай цэласнасцю, сюжэтнай вастрынёй, каларытнасцю персанажаў, жывапіснасцю, сакавітасцю мовы, спалучэннем рэалістычнага пісьма з элементамі імпрэсіянізму і натуралізму, выкарыстаннем фальклору. Аўтар зборнікаў апавяданняў «Сустрэча» (1897), «Перад досвіткам» (1902), «З дзённіка» (1903), «За фронтам» (1919), аповесці «Справядліва» (1899), гатычнага рамана «Вампір» (1911) і інш.

• Rurawski J. Władysław Reymont. Warszawa, 1977.
• Lichański S. Władysław Stanisław Reymont. Warszawa, 1984.