Францішак Ксаверый Сапега

Францішак Ксаверый Сапега
Franciszek Ksawery Sapieha
Францішак Ксаверый Сапега. Ф. Думонт, 1788
Герб «Ліс»
Ваявода смаленскі 1791 — 1793
Папярэднік	Юзаф Тышкевіч
Пераемнік	пасада скасавана
Нараджэнне	не пазней за 1746 ці 1747[1] Кодзень, Берасцейскі павет, Берасцейскае ваяводства, Вялікае Княства Літоўскае, Рэч Паспалітая
Смерць	30 студзеня 1806(1806-01-30)[1] ці 10 лютага 1808(1808-02-10)[2] Ценкавіцы[d], гміна Цеплаводы, Замбкавіцкі павет, Ніжнесілезскае ваяводства, Польшча[1]
Месца пахавання	Базалія[1]
Род	Сапегі
Бацька	Ігнацы Сапега[1]
Маці	Ганна з Красіцкіх[d][1]
Жонка	1) Тэрэза з Суфчынскіх 2) Касільда з Залескіх
Дзеці	Мікалай Сапега[d][3], Павел Сапега[d][3], Аляксандр Сапега[d][3], Тэкля з Сапегаў[d][3], Ганна Агнешка з Сапегаў[d][3], Барбара з Сапегаў[d][4] і Януш Аляксандр Сапега[d][5]
Член у	Таргавіцкая канфедэрацыя
Узнагароды

Францішак Ксаверый Сапега (1741 або 1746 — 30 студзеня 1806 або 10 лютага 1808) — вялікалітоўскі дзяржаўны і ваенны дзеяч. Апошні ваявода смаленскі (з 1791) і мерацкі (з 1793). Кавалер Ордэна Святога Станіслава (1791).

З кодзенскай лініі магнацкага роду Сапегаў герба «Ліс», сын Ігнацыя і Ганны з Красіцкіх. Меў братоў Юзафа і Каятана Міхала.

У 1750-я навучаўся ў Варшаве, па чым распачаў ваенную кар'еру. У 1763 атрымаў званне паручніка пяцігорскай харугві, а ў 1768 — яе палкоўніка.

Дзякуючы пратэкцыі Казіміра Нестара Сапегі атрымаў пасаду ваяводы смаленскага. Непрыхільна паставіўся да Канстытуцыі 3 мая.

Упершыню ажаніўся з Тэрэзай Суфчынскай (шлюб у 1768, роспуст да 1796), з якой меў сыноў Януша Аляксандра, Мікалая, Паўла і Аляксандра, а таксама дачок Тэклю, Ганну Агнешку і Барбару. Другі раз пабраўся шлюбам з Касільдай Залескай (у 1796). Пахавалі Францішка Ксаверыя Сапегу ў Базаліі^[6].