Харыспора далікатная

Харыспора далікатная
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Капустакветныя Сямейства:  Капуставыя Трыба:  Chorisporeae Род:  Харыспора Від:  Харыспора далікатная
Міжнародная навуковая назва
Chorispora tenella (Pall.) DC., 1821
Сінонімы
Cheiranthus taraxacifolius Schrank Chorispermum arcuatum Andrz. ex DC. Chorispermum tenellum R.Br. Crucifera tenella (Pall.) E.H.L.Krause Raphanus monnetii H.Lév. Raphanus tenellus Pall.
Сістэматыка на Віківідах Выявы на Вікісховішчы ITIS   23099 NCBI   358662 EOL   582130 GRIN   t:316880 IPNI   281254-1 TPL   kew-2719512

Харыспо́ра далікатная^[1][2] (Chorispora tenella) — від кветкавых раслін роду Харыспора (Chorispora) сямейства Капуставыя (Brassicaceae).

Аднагадовая травяністая расліна вышынёй 8—20^[2] см. Корань стрыжнёвы, цвёрды. Сцябло галінастае, апушанае, сцелецца або прыўзнятае. Лісце простае, суцэльнае, падоўжанае, апушанае. Прыкаранёвае лісце выемчата-зубчастае да перыста-раздзельнага. Сцябловае лісце чаргаванае, зубчастае або амаль з суцэльным краем і звужаецца ў чаранок. Кветкі ліловага колеру, у кароткіх гронкападобных суквеццях. Чашалісцікі залозіста-валасістыя, звычайна сіняватага колеру. Пялёсткі (4) вузкія, закругленыя на верхавінцы. Тычынак 6. Плод — стручок цыліндрычнай формы, з глыбокім перацяжкамі.

Еўраазіяцкі від. Натуралізаваўся на тэрыторыі Паўночнай і Паўднёвай (Аргенціна, Чылі) Амерыкі, Японіі^[3]. Святлолюбівая расліна, мезафіт, мезатроф і эўтроф^[4]. Расце ў стэпах, паўпустынях, на аблогах, пустках, каля дарог, па берагах каналаў і арыкаў, на пашах і агародах, каля жылля. Цвіце ў сакавіку—красавіку^[5]. Плады паспяваюць у красавіку—маі^[5].

Пустазелле, якое засмечвае пасевы, асабліва пшаніцы і люцэрны^[5].

• Вынаеў Г. У. Харыспо́ра // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — С. 233. — 583 с., іл. — 10 000 экз.
• Васильченко И. Т. Род 622. Хориспора — Chorispora DC. // Флора СССР. В 30-ти томах / Главный редактор акад. В. Л. Комаров; Редактор тома Н. А. Буш. — М.—Л.: Издательство Академии Наук СССР, 1939. — Т. VIII. — 696 + XXX с. — 5 200 экз. (руск.)
• 20. Chorispora R. Br. ex DC. — Ломкоплодник, Хориспора // Определитель высших растений Беларуси (руск.) / Под ред. В. И. Парфёнова. — Мн.: Дизайн Про, 1999. — С. 104, 112. — 472 с. — 1 000 экз. — ISBN 985-6182-78-6.

• Хориспора нежная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Сорные растения — Chorispora tenella (Pall.) DC. — Хориспора нежная. // Агроэкологический атлас России и сопредельных стран: экономически значимые растения, их болезни, вредители и сорные растения (руск.)