Юзюк Фарботка

Юзюк Фарботка
Ю. Фарботка ў час навучання ў гімназіі
Асабістыя звесткі
Дата нараджэння	5 верасня 1893(1893-09-05)
Месца нараджэння	Налібакі, Ашмянскі павет, Віленская губерня, Расійская імперыя
Дата смерці	8 чэрвеня 1956(1956-06-08) (62 гады)
Месца смерці	Лодзь, Лодзьскае ваяводства, Польская Народная Рэспубліка
Пахаванне	Старыя могілкі ў Лодзі[d]
Жонка	Уладзіслава Паўловіч[d]
Альма-матар	Мінская мужчынская гімназія (1914) Кіеўскі ўніверсітэт Св. Уладзіміра (1918) Універсітэт Стэфана Баторыя (1924)
Месца працы	Універсітэт Стэфана Баторыя
Прафесійная дзейнасць
Род дзейнасці	паэт, перакладчык
Мова твораў	беларуская
Грамадская дзейнасць
Член у	Польскае фатаграфічнае таварыства[d] Q60980667?
Творы ў Вікікрыніцах
Медыяфайлы на Вікісховішчы

Юзюк Фарбо́тка (сапр.: Язэ́п Аўгусці́навіч Фарбо́тка, 5 верасня 1893, в. Налібакі, Мінскі павет, Мінская губерня (цяпер Стаўбцоўскі раён, Мінская вобласць) — 8 чэрвеня 1956, г. Лодзь) — беларускі паэт, літаратуразнавец, перакладчык, удзельнік грамадска-палітычнага руху Беларусі пачатку ХХ стагоддзя.

Біяграфія

Скончыў Мінскую класічную гімназію ў 1914 г., да 1918 года вучыўся ў Кіеўскім універсітэце. У 1916 удзельнічаў у працы клуба «Беларуская хатка». У 1918—1920 гадах уключыўся ў беларускі палітычны і культурны рух на Украіне і ў Мінску.

У 1918 годзе быў кансультантам і кіраўніком справамі беларускай дэлегацыі на перамовах з Украінскай Народнай Рэспублікай, дзе абмяркоўваліся вайскова-палітычныя пытанні і эканамічнае супрацоўніцтва Беларусі і Украіны. У Кіеве была створаная сумесная гандлёвая палата, Беларуска-Украінскае Таварыства Збліжэння. Дэлегацыя забяспечыла ўкраінскія пастаўкі харчавання ў Беларусь.

У 1919 працаваў акцёрам у «Беларускім савецкім тэатры». Супрацоўнік літаратурна-асветніцкага аддзела Наркамасветы Літоўска-Беларускай ССР. У 1920 — адміністратар Беларускага тэатра ў Мінску.

У 1920—1924 гг. вучыўся ў Віленскім універсітэце, пасля працаваў там выкладчыкам заалогіі.

У 1922 пра Фарботку згадвае Карскі ў трэцім томе «Беларусаў».

У 1932 годзе абараніў кандыдацкую дысертацыю. Працаваў таксама ў Ваяводскай управе ў Вільні ў сельскагаспадарчым аддзяленні. Пасля вайны арыштаваны і сасланы ў Данбас. У канцы 1945 г. пасяліўся ў Лодзі.

Быў жанаты з Уладзяй (Уладзіславай) — дачкой Альберта Паўловіча.

Творчасць

Першыя вершы надрукаваў у Нашай Ніве ў 1912 годзе — «Зацьменне» і «Зруйнаваў». Пераклаў урывак «Пана Тадэвуша» на беларускую мову.

Займаўся мастацкай фатаграфіяй у «Віленскім фотаклубе» Яна Булгака.

Зноскі

Літаратура

• Юзюк Фарботка // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995.
• Календарыюм // Czasopis, 9'2008.

Спасылкі

	Юзюк Фарботка ў Вікікрыніцах
	Юзюк Фарботка на Вікісховішчы

• Сяргей Крапівін Язэп Фарботка — паэт «Нашай Нівы» і дыпламат БНР // nashaniva.by, 02.10.2011, 00:38
• Глагоўская Лена. Юзюк Фарботка-забыты фатаграфік // на pawet.net
• Рада Беларускай Народнай Рэспублікі. Язэп Фарботка