Ailanthus

Ailanthus
Ailanthus altissima
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Надпарадак:  Rosanae Парадак:  Сапіндакветныя Сямейства:  Simaroubaceae Род:  Ailanthus
Міжнародная навуковая назва
Ailanthus Desf., nom. cons.
Сінонімы
Hebonga Radlk.
Тыпавы від
Ailanthus altissima
Даччыныя таксоны
Гл. тэкст
Сістэматыка на Віківідах Выявы на Вікісховішчы ITIS   28826 NCBI   23809 EOL   71151 GRIN   g:326 IPNI   38159-1 FW   54668

Ailanthus — род дрэў сямейства Simaroubaceae, якія растуць у паўднёвай і усходняй Азіі, паўдневай і усходняй Еўропе і ў Аўстраліі.

Буйныя лістападныя хуткарослыя дрэвы. Кара ствала шаравата-бурая, пакрыта бароздамі. Крона яйкападобная.

Лісце чарговае, вялікае, непарноперыстае, складаюцца з 9-41 лісточка, пры распусканні непрыемна пахне.

Дробныя кветкі сабраны ў буйныя мяцёлкі, зелянявага колеру, з падвойным калякветнікам. Чашалісцікі часткова зрослыя, у ліку пяці—шасці. Пялёсткі нашмат даўжэй чашалісцікаў, у ліку пяці. Тычынак дзесяць. Завязь складаецца з пяці—шасці свабодных ці зрослых плодалісцікаў.

Плады складаюцца з адной—шасці свабодных крылатак. Насенне плоскае, яйкападобнае, з тонкім эндоспермам або без яго, размешчана ў сярэдзіне плада, з яйкападобнымі або амаль круглявымі семядолямі.

Кару і лісце некаторых відаў выкарыстоўваюць супраць глістоў і дызентэрыі. Лісце таксама выкарыстоўваюць для выкормкі вусеняў дзікага тутавага шаўкапрада. З’яўляецца папулярнай дэкаратыўнай раслінай з-за хуткага росту, устойлівасці да шкоднікаў, і незвычайнага лісця.

Паводле розных дадзеных, род уключае ад 1 да 15 відаў. Некаторыя з і іх:

• Ailanthus altissima (Mill.) Swingle
• Ailanthus excelsa Roxb.
• Ailanthus fordii Noot.
• Ailanthus giraldii Dode
• Ailanthus triphysa (Dennst.) Alston
• Ailanthus vilmoriniana Dode

Злева направа: Ailanthus triphysa, плады Ailanthus altissima

• Деревья и кустарники СССР. Дикорастущие, культивируемые и перспективные для интродукции. / Ред. тома С. Я. Соколов. — М.—Л.: Изд-во АН СССР, 1958. — Т. IV. Покрытосеменные. Семейства Бобовые — Гранатовые. — С. 257-263. — 976 с. — 2 500 экз.
• Флора СССР. В 30-ти томах / Начато при руководстве и под главной редакцией акад. В. Л. Комарова; Редакторы тома Б. К. Шишкин и Е. Г. Бобров. — М.—Л.: Издательство Академии Наук СССР, 1949. — Т. XIV. — С. 241-244. — 790 с. — 4 000 экз.

• Ailanthus in Flora of China @ efloras.org (англ.)(англ.)